Levitikus 18:21 - সান্তালী বাইবেল

²¹ “Ape modre jãhãege acʼren hopontetʼ se hoponera Molok debota ńutumte seṅgelre aloko samaṅkoma se okalekate hõ acʼren Isorakʼ ńutum aloe besonot ocoytaema. Iń kangeạń Probhu Isor do.

Levitikus 18:21 Referans Kwoze

Dosar Biboron 12:31

Ape do aperen Probhu Isorakʼ dekʼwa sewa do onkoakʼ sewa leka alope onkaea, ente onko do debotakoko sewawakore joto lekanakʼ hirkhạwakʼko kạmikana one okaṭakʼ do Probhu Isore hirkhạwakʼkan. Onko do debotako ńutumte seṅgelre akoren gidrạkoko khadleyetʼkoa.

Levitikus 19:12

Iń ńutumte eṛe eṛe alope kiriạkʼa ar aperen Isorakʼ ńutum alope besonota. Iń kangeạń aperen Probhu Isor do.

Dosar Biboron 18:10

Ape talare nonkan hoṛ aloko tahenma one okoe do acʼren hopon seṅgelre samaṅokʼ reakʼ porobe hoyocoe ar okoe doe gukʼni seye janokʼkan se darakan dinko reakʼe lại, okoe do jạdu biddạkoe udug,

Levitikus 22:32

Ińakʼ sonot ńutum do alope besonot ocoya. Ar sonot menkate baṛe manaoińpe. Iń Probhu Isorge ape doń begar dohoakatʼpea.

Aposkạmi 7:43

Ona do baṅa, bickom sewawakʼ lạgitʼ oka muṭhạnpe benaoletʼ tahẽkan uni Molok boṅga reakʼ muṭhạn ar Rophan boṅgaren ipilge ape dope gokʼ idiledea. Onatege iń do Babel disạm hanasate bondi ocokateń kolpea.

Malaki 1:12

Menkhan ape do ińakʼ ńutumpe bemanot akada, entepe meneda, ‘Probhu Isorakʼ ṭebil do baṅ saphaoa ar ona cetan reakʼ jomakʼko hõ bạṛicʼgea.’

Jirimiạ 19:5

Onko do Bakʼal ńutumte jeredokʼ samaṅokʼakʼko menkate akoren hoponko seṅgelre atar giḍiko lạgitʼ Bakʼal boṭkocʼ thankoko benao akada, menkhan iń do bạń hukum akada se bạń menakada ar ona do ińakʼ monre tishõ baṅ rakapʼakana.

1 Rapajko 11:33

Iń doń onkaea, ente onko gel gusṭirenko do ińko bạgi giḍi akadińạ ar Sidonren debi Astarot, ar Moabren debota Kemos ar Amonikoren debota Milkomko sewawae kana. Solomonren apattetʼ Dạud okae cekayetʼ tahẽkan onko do bako onkayeda. Onko do ińakʼ mẽtʼre oka ṭhikakʼ baṅkan onako kạmikana, ar ińakʼ niạm ar hukumko hõ bako bataoeda.

1 Rapajko 11:7

Jerusalem purub reakʼ buru cetanre uni do Moabren hirkhạwạnicʼ debota Kemos ar Amonikoren hirkhạwạnicʼ debota Molok ńutumte sewawạkin lạgitʼ than boṭkocʼ koe benaokeda.

Levitikus 22:2

“Am do Aron ar uniren hoponkom metakoa, iń ńutumte Israelkoakʼ samaṅakʼ sonot jinis khon jemon sahaṛ akanko tahen. Ar ińakʼ ńutum jemon aloko besonot. Iń kangeạń Probhu Isor do.

Amos 5:26

Ona do baṅa, bickom apeakʼ tite benaoicʼ raj-debota Sakuthakʼ muṭhạn ar ipil debota Kạyunakʼ muṭhạngepe gokʼ idileda.

Jeheskel 23:37

Unkin dokin laṭghaṭ akada ar ti do mãyãmtekin thoko boko akatʼtạkina. Boṅga murhutʼkin sewawako kante unkin dokin laṭghaṭ akada; ar iń lạgitʼkin janam akatʼko hopon ar hoponerako do boṅga murhutʼkoren jomakʼ lekate seṅgelrekin samaṅ akatʼkoa.

Jeheskel 20:31

Teheń hạbicʼ ape do aperen boṅgako ṭhen aperen hopon ar hoponerako seṅgelrepe samaṅetʼkote onko boṅgako hotete apnartetʼpe bhonḍokʼ kana. E Israelko, iń do cetʼ ape hoteteń kuli ocokʼa? Iń ńutumteń kiriạkʼ kana, oka lekate hõ ińakʼ monsubạ do bạń baḍae ocopea.

Jirimiạ 7:31

Onko do akoren hoponko ar hoponerako seṅgelre khadleko lạgitʼ Bin-hinom buru lodam reakʼ Tophet ńutumanakʼ than boṭkocʼko benao akada. Menkhan niạ hukum iń do bạń em akana, ińakʼ monre hõ ona do baṅ rakapʼlena.

2 Rapajko 23:10

Ar Molek debota ńutumte jãhãege nijạrren gidrạko seṅgelre jemon aloko samaṅ daṛeako ona lạgitʼ Josiạ do Ben-Hinom buru nala reakʼ Tophet ńutuman than boṭkocʼ hõe bhõnḍ ocokeda.

2 Rapajko 21:6

Uni do acʼren hopon seṅgelreye samaṅkedea. Uni do maya-biddạkoe beoharetʼ tahẽkana ar cinhạko ńelte tayom daram reakʼ kathakoe guniyetʼ tahẽkana ar okoe do bhutko ar bạṛicʼ jiuko sãote jopoṛaoko dohoyetʼ tahẽkan onko tulucʼe solhayetʼ tahẽkana. Uni do Probhu Isorakʼ mẽtʼre ḍher bạṛicʼakʼ kạmikate uniye khĩs ocoyede tahẽkana.

2 Rapajko 16:3

Uni do Israelren rajko lekageye calakʼkan tahẽkana; ar Probhu Isor Israelko samaṅ khon okoe jạtrenkoe laga ńirletʼko onkoakʼ bạṛicʼakʼ kạmiko lekage uni do acʼren hopon seṅgelreye samaṅledea.

Levitikus 21:6

Ar onako onkaete akoren Isorakʼ ńutum jemon aloko besonot. Onko do Isor ńutumte begar akanko tahena. Naeke do Probhu Isor ńutumte seṅgelteakʼ samaṅakʼko samaṅa ar Probhu Isor lạgitʼ begar akanko tahena. Ar noa samaṅokʼakʼ jinisge akoren Isor ńutumte samaṅakʼ jomakʼ mente hoyokʼtakoa.

Romiko lạgitʼ Pạul Apostolakʼ ciṭhi 2:24

Sonot sostorre olakana, “Ape iạtege boṅgan hoṛ jạtrenko do Isorakʼ ńutumko henostawakʼ kana.”

Romiko lạgitʼ Pạul Apostolakʼ ciṭhi 1:23

Jaejug ṭhonokte perecʼicʼ Isor sewa bạgikate onko do manwako, cẽṛẽko, janwarko ar leńokʼ ṭunḍạṅokʼkoakʼ muṭhạnko sewawakʼ kana.

2 Bõsbudạ 28:3

Uni do Bin Hinomakʼ buru lodamre dhupkoe jeretʼetʼ tahẽkana ar Probhu Isor do Israelko samaṅ khon okoe jạtrenkoe laga ńirletʼko tahẽkan onkoakʼ bạṛicʼakʼ kạmiko lekage uni hõ acʼren hoponko seṅgelreye samaṅletʼkoa.

Jirimiạ 32:35

Onko do Molok debota ńutumte akoren gidrạko samaṅko lạgitʼ Bin-hinom buru nalare Bakʼal debota ńutumte boṭkocʼ thankoko benao akawana. Iń do tishõ ona bạń hukum akawatʼkoa se ińakʼ monre tishõ baṅ hecʼakana, onko do nonkan bạṛicʼakʼ kạmikate Jihudạko kại ocoyea mente.

Jeheskel 20:26

Pạhilko janam akan hoponko do seṅgelreko khadleketʼkoa, ar ona hoteteń bhõnḍ ocowatʼkoa jemoniń marao utạrko. Unre onko doko baḍae daṛeakʼa je, iń kangeạń Probhu Isor do.’

Mikạ 6:7

Probhu do cetʼ hajar hajar bheḍakoteye kusikʼa, uni do cetʼ sunumte perecʼ gaḍakoe bạsutakʼa? Ińakʼ ghạṭko ńutumte iń do cetʼ ińren pạhil janamicʼ hoponiń emaea, ińakʼ kại gunạkʼte cetʼ ińakʼ kukhi reakʼ jogeń samaṅaea?

Levitikus 24:15

Ar Israelkom baḍae ocokoa jãhãege acʼren Isore sarapae enḍekhan uni do noa lạgitʼe dạyi ocokʼa.

2 Rapajko 17:31

ar Awiko do Nibas ar Tartakakʼ muṭhạn ar Sepharwayimko do Adramelek ar Anamelek ńutuman Sepharwayim debota ńutumte akoren gidrạko seṅgelreko samaṅketʼkoa.

Amos 2:7

Onko do dhuṛiko eretʼkan lekage reṅgecʼ hoṛko eretʼkoa ar nandanko do hor khonko ṭhelao ocokʼetʼkoa. Apat ar hopon do ini mitʼ maejiu sãotegekin laṭghaṭetʼ kana ar nonkate onko do ińakʼ sonot ńutumko besonotetʼtińạ.