Levitikus 17:11 - সান্তালী বাইবেল

¹¹ ente mãyãmrege jiwi do tahen kana. Onate apeakʼ jiwi bodolte iń do pinḍ cetanre apeakʼ kại reakʼ puruchun lạgitʼ iń bebosta akatʼpea. Ar mãyãmre jiwi menakʼte ona do kại reakʼe puruchuneda.

Levitikus 17:11 Referans Kwoze

Ibriko 9:22

Moseyakʼ ạn-ạri lekate sanam jiniskoge mãyãmte saphakʼ kana ar begor mãyãm jorote kại do oho ikạlena.

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

Romiko lạgitʼ Pạul Apostolakʼ ciṭhi 3:25

Isor doe sodorakatʼ tahẽkana je, okoeko pạtiạukʼkan onko lạgitʼ Jisu Mạsi do acʼakʼ mãyãm hotete, metakʼme acʼakʼ jiwiye alaeketʼte uniye kusi ocokedea. Nonkate Isor doe udukʼ akada acʼakʼ sahao gun iạte manwakoakʼ lahateakʼ kại reakʼ sạjại bae emlenre hõ uni doe dhoromgea.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Mark 14:24

Unre Jisui metatʼkoa, “Noa do ińakʼ mãyãm kana, one okaṭakʼ do ạḍi hoṛko lạgitʼ emogokʼkan. Manwako lạgitʼ Isorakʼ nãwã bondobos do ińakʼ mãyãm hotetege bahal tahena.

Genesis 9:4

menkhan jiwi sudhạ, metakʼme mãyãm sudhạ jel do alope joma.

Kolossiko lạgitʼ Pạul Apostolakʼ ciṭhi 1:14

Hopon tulucʼ bon kolom mitʼakante abo do bon chaḍao ocoakana, metakʼme kại khon ikạ bon ńam akada.

Mathae 26:28

ente noa do bondobos reakʼ ińakʼ mãyãm kana, oka do ạḍi hoṛko ńutumte jorokʼkan kại ikạkʼ lạgitʼ.

Ibriko 13:12

Onkage Jisu hõ Jerusalem nagraha bahrere duk jomkateye gocʼlena, jemon acʼakʼ mãyãm hotete manwako kại khone chaḍaoko.

Ephesiko lạgitʼ Pạul Apostolakʼ ciṭhi 1:7

Isorakʼ bin mucạtʼ dayate Mạsi tulucʼ bon jopoṛao akante uniyakʼ mãyãm hotete bon chaḍao ocoakana, metakʼme kại reakʼ ikạ bon ńam akada.

Levitikus 17:14

ente sanam jiwiyankoakʼ jiwi do onkoakʼ jiwetʼ mãyãmrege menakʼa. Ona iạtege iń do Israelkoń metakokana jemon janwarakʼ mãyãm aloko jom, ente mitʼke mitʼ jiwiyankoakʼ jiwi do onkoakʼ mãyãm kana. Ar okoe ona mãyãme jom uni do acʼ jạtrenko khone meṭao ocokʼa.

1 Patras 1:2

Isor Baba do acʼakʼ monsubạ lekage apeye bachao akatʼpea, ar acʼ lạgitʼge sonot Jiu do apeye begar dohoakatʼpea. Noa reakʼ monsubạ do hoyokʼkana, jemon Jisu Mạsi gobolrepe tahen ar uniyakʼ mãyãm reakʼ chiṭiạu hotetepe sapha ocokʼ. Isor do ạḍi daya ar suluke danape ma.

Kolossiko lạgitʼ Pạul Apostolakʼ ciṭhi 1:20

Ona chaḍa dhạrtirege cetʼ ar sermarege cetʼ, Mạsi hotete jotowakʼge acʼ tulucʼ samge ocoy lạgitʼe goṭaleda. Mạsi do kurusre acʼakʼ mãyãme danketʼte suluke ạguketʼa ar onate Isor tulucʼ manwakoakʼ noa samge do hoyakana.

Romiko lạgitʼ Pạul Apostolakʼ ciṭhi 5:9

Enḍekhan Mạsiyakʼ mãyãm hotete tinre abo do dhorom mente bon ataṅ ocoakana unre abon do Mạsi hotetege Isorakʼ sạjại khon khạṭige rukhiyạ bon ńama.

Levitikus 8:15

Ar ona tayom Mose do uni ḍaṅgrae dãṛẽkedete uniyakʼ mãyãme hataokeda ar pinḍ saphae lạgitʼ kạṭupʼte ona mãyãm hataokate pinḍ reakʼ dereńkoe ojokʼada. Ar sarecʼakʼ mãyãm do pinḍ aṛereye dulkada. Nonkate uni do puruchun reakʼe kạmiketʼte pinḍ do Probhu Isor ńutumteye begarkada.

1 Johan 2:2

Aboakʼ kạiko ocokʼ giḍiy tabon lạgitʼ Mạsi do acʼakʼ jiwi alaekate Isore kusi ocokedea. Eken aboakʼ kại iạte do baṅ, menkhan sanam manwakoakʼ kại ńutumte uni doe onkakeda.

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi utạr hoṛko bodolte chaḍaokʼ reakʼ dam menkate acʼakʼ jiwi emokʼgeye hecʼakana.”

Levitikus 16:11

“Aron do acʼ ar acʼ bõsrenkoakʼ kại ńutumte puruchun lạgitʼ ạguakade uni ḍaṅgrae gurea.

Levitikus 1:5

Ona tayom Probhu Isor samaṅre uni ḍaṅgra do dãṛẽye hoyokʼa ar naeke Aronren hoponko do uniyakʼ mãyãmte ńapamokʼ tạmbu reakʼ duạr ṭhenakʼ pinḍ beṛhaeteko irciyakʼa.

Levitikus 17:12

Ona iạte iń do Israelkoń men akawatʼkoa, onko ar ako talareko girobasokʼkan eṭakʼko hõ jemon mãyãm aloko jom.

Levitikus 4:25

Ona tayom naeke do kại ńutumte samaṅ akade janwar khon thoṛa mãyãm kạṭupʼte hataokate jeredokʼ samaṅokʼakʼ pind reakʼ dereńkoreye ojokʼakʼa; ar sarecʼakʼ mãyãm do ona pinḍ aṛereye dulkakʼa.

Levitikus 4:26

Uni do sulukren samaṅokʼicʼ janwarakʼ itil lekage uniyakʼ sanam itilko do pinḍ cetanreye jereda. Ar nonkate naeke do mukhiyạ hoṛakʼ puruchun reakʼe kạmikataea ar nonkate uniyakʼ kại do ikạkʼtaea.

Dosar Biboron 12:23

Menkhan sontor akae tahenpe mãyãm do alope joma, ente mãyãmkangea jiwi do, onate jel sãote jiwi hõ alope joma.