Levitikus 17:10 - সান্তালী বাইবেল

¹⁰ “Jãhãe Israel hoṛ se onko talareye girobasokʼkan eṭakʼ jãhãn jạtren hoṛge mãyãme jom enḍekhan uni doń dea giḍikaea ar acʼakʼ jạtrenko khoniń meṭao utạrea,

Levitikus 17:10 Referans Kwoze

Levitikus 17:11

ente mãyãmrege jiwi do tahen kana. Onate apeakʼ jiwi bodolte iń do pinḍ cetanre apeakʼ kại reakʼ puruchun lạgitʼ iń bebosta akatʼpea. Ar mãyãmre jiwi menakʼte ona do kại reakʼe puruchuneda.

Dosar Biboron 12:23

Menkhan sontor akae tahenpe mãyãm do alope joma, ente mãyãmkangea jiwi do, onate jel sãote jiwi hõ alope joma.

Dosar Biboron 12:16

Menkhan mãyãm jom do baṅ ganaokʼtapea; ona do dakʼ leka otrepe dul giḍikakʼa.

Levitikus 3:17

Jãhãregepe girobasokʼ ape do itil ar mãyãm do alope joma. Ar noage piṛhike piṛhi ape lạgitʼ niạm do tahẽyena. ”

Jirimiạ 44:11

“Ona iạte iń Israelren phạdkoren Probhu Isor doń ṭhik dohoakada, ape cetanre muhiniń ạguiya ar goṭa Jihudạ disạmgeń marao utạra.

1 Samuel 14:33

Unre hoṛko do senkate Sạulko metadea, “Ńelme, onko do mãyãm sudhạ jelko jomketʼte Probhu Isor upạrteko kạiyeda.” Uniye menkeda, “Ape do bepạtiạrkope hoyakana. Do, begor bilomte mitʼṭecʼ maraṅ dhiri nonḍe giṛgạu ạguiype.”

Levitikus 26:17

Iń do mẽtʼ ar mẽtʼteń ńelpea ar bạiriko ṭhenpe bhagao ocokʼa. Ar hirkhạwape hoṛge apeko ḍanṭaopea ar celege bako khudạupere hõ ape dope ńir baṛaea.

Genesis 9:4

menkhan jiwi sudhạ, metakʼme mãyãm sudhạ jel do alope joma.

Jeheskel 44:7

Apeakʼ eṭakʼ bạṛicʼakʼ colonko sãote ape do iń ṭhen jomakʼ, itil ar mãyãm samaṅokʼakʼpe samaṅ jokhecʼ ontor ar hoṛmore bin khatna akan bidisiạko ińakʼ oṛakʼrepe ader akatʼkote ińakʼ oṛakʼpe besonot akada ar onkoakʼ kạmi hotete ińakʼ bondobospe bạtil akada.

Jeheskel 15:7

Iń do onko upạrteń teṅgona. Ar seṅgel khonko oḍoklenre hõ onko do seṅgelgeye jomkoa. Iń do tinre onko upạrteń teṅgona unrepe baḍae daṛeakʼa, iń kangeạń Probhu Isor do.

Jeheskel 14:8

Iń do uni hoṛ upạrteń teṅgona ar uni do mitʼṭecʼ cinhạ ar mitʼṭecʼ kạhtukgeń hoeocoyea. Ar ińren hoṛko tala khon uniń ocokʼ giḍikaea. Ar unrepe baḍae daṛeakʼa, ińkangeạń Probhu Isor do.

Sereńko 34:16

Okoe bạṛicʼakʼko kạmikan Probhu Isor do onko upạrteye teṅgona, jemon dhạrti khon onkoakʼ ńutum cabakʼtako.

Dosar Biboron 15:23

Menkhan uniyakʼ mãyãm do alope joma; dakʼ leka ona do otrepe dul giḍikakʼa.

Levitikus 19:26

“Mãyãm sudhạ jãhãn jel alope joma. Alope guniya ar alope bhabaoa.

Jeheskel 33:25

Ona iạte am do onkom metakoa, Probhu Isore menetʼkana, ‘ape do mãyãm sudhạ jelpe jomeda, ar boṅgakope sewa akokana ar mãyãmpe joroyetʼkana; enḍekhan ape do cetʼ disạmpe ạidạri joṅa?

Jirimiạ 21:10

Iń do niạ nagraharen bhalạiyicʼ doń baṅkana menkhan loksan lạgitʼge monreń goṭa dohoakada. Babelren rajakʼ tire noa do emogokʼa, uni do seṅgelteye ḍahao maraoa.’

Aposkạmi 15:20

Bickom onko ṭhen noa katha bon olma, jemon boṅga tulucʼ jopoṛao sanamakʼ ar joto lekan loṭghuṭi khon sahaṛ akanko tahen, ar limbạtʼ gocʼ janwarakʼ jel ar mãyãm jemon aloko jom.

Ibriko 10:29

Enḍekhan Isorren Hopon okoeye kurud akawade, oka mãyãmte uniye sapha akan Isorakʼ ona bondobos reakʼ mãyãm okoe be sonotakʼ menteye bujhạuetʼ ar okoe dayae emokʼkan uni sonot Jiu okoeye bemanot akade, enḍekhan hudispe, uni do tinạkʼ artetʼ sạjạiyokʼ lek kanae!

Aposkạmi 15:29

Ona jạruṛokʼakʼko reaṅ do hoyokʼ kana: Boṅga ṭhen samaṅakʼ jãhãnakʼge alope joma, mãyãm hõ alope ńũiya, ar limbạtʼ gocʼkoakʼ jel hõ alope joma, ar sanam lekan loṭghuṭi khon sahaṛ akae tahenpe. Ar noako khon sạṅgińrepe tahen khan bhage hoyokʼtapea. Ma napaete tahen tabonpe.”

1 Samuel 14:32

Onate onko do luṭ reakʼ jinisko cetanre hatko emketʼte bhiḍi, ḍaṅgra, mĩhũ sapʼkate otre gurkate mãyãm sudhạ jel jojomko ehopʼena.

2 Samuel 23:17

Uni doe menkeda, “E Probhu Isor, noa dakʼ iń ńũ ona do iń khon sahaṛ akae tahenma. Noa do cetʼ onko hoṛkoakʼ mãyãm do baṅkana okoe do jiwi cuputʼkate ạguko senlen?” Dạud do ona ńũńũ bae rebenlena. Onko pene birbanṭa hoṛkoakʼ kạmige nonka tahẽkana.

Amos 9:4

Bạiriko hotete eṭakʼ disạmteko bondi idi ocolenre hõ onko gocʼko lạgitʼ tarwaṛeń hukumaea. Bhạlại lạgitʼ do baṅ menkhan bin bhạlại lạgitʼ onko cetanre mẽtʼ do tahentińạ.”

Exodus 30:33

Ar jãhãege nonkan jut so mosolae tear se naeke chaḍa ar jãhãeakʼ hoṛmore ojogokʼ enḍekhan uni do acʼakʼ jạtrenko khone meṭao ocokʼa.”