Levitikus 16:4 - সান্তালী বাইবেল

⁴ Uni do mĩhĩ musnạ kicricʼ reakʼ sonot kicricʼe horoga ar bhitrire hõ mĩhĩ musnạ kicricʼ reakʼ huḍiń kicricʼe horoga. Ar mĩhĩ musnạ reakʼ paṭheyakʼte ḍanḍae paṭhekʼa ar bohokʼ do mĩhĩ musnạ kicricʼteye dạhṛikʼa. Noa do sonotakʼ kicricʼko kana. Ar noa horog lahare uni doe ḍạbrạ saphakʼa.

Levitikus 16:4 Referans Kwoze

Exodus 30:20

Ar jemon aloko gujukʼ ona iạte ńapamokʼ tạmbure bolokʼ lahare onko do ona dakʼte ti jaṅgako ạbuk saphakʼa. Onko do Probhu Isor ńutumte seṅgelteakʼ jeredokʼ samaṅokʼakʼre uni sewawae lạgitʼ pinḍ ṭhen calakʼ lahare hõ ti jaṅgako ạbuk saphakʼa jemon aloko gujukʼ. Nonkage Aron ar uniren hoponko lạgitʼ noa do piṛhike piṛhi jaejugakʼ mitʼṭecʼ niạmge hoyokʼa.”

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Levitikus 6:10

Ar setakʼ jokhecʼ naeke do acʼakʼ mĩhĩ musnạ kicricʼ ar huḍiń penṭ horokʼkate pinḍ cetanre jeredokʼ samaṅokʼakʼ reakʼ torocʼ rakapʼkate pinḍ aṛereye dohokakʼa.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

Ibriko 2:14

Onko gidrạko doko hoyokʼ kana mãyãm ar jelren manwage. Onate Jisu acʼtetʼ hõ jel ar mãyãmren manwae hoyena, jemon gujukʼ reakʼ daṛe okoeyakʼ tire menakʼ uni Soetan do acʼakʼ gujukʼ hoteteye bhagaoe.

Philipiko lạgitʼ Pạul apostolakʼ ciṭhi 2:7

Bickom uni do golam reakʼ rupe hatawante manwa lekate janamkate acʼ doe khạliyena.

Luk 1:35

Serma goḍete menkeda, “Sonot Jiu do am cetanreye hijukʼa ar maraṅ Isorakʼ daṛegeye umulkama. Noa iạte okoeṭakʼ sonot Hopone janamokʼ uni do Isorren Hopone ńumogokʼa.

Jesaea 53:2

Uni samaṅre bale cara leka uni doe omon rakapʼena ar rohoṛ ot khon rehetʼ poha lekae harayena. Uniyakʼ do nonkan rup se ṭhonok hõ baṅ tahẽkantaea, one onate uni secʼ bon beṅgetʼke; ar cetʼ ḍhob hõ baṅ tahẽkantaea, onate bon hạ̃ske.

Levitikus 16:24

Ona tayom uni do sonot tạmbu oṛakʼ reakʼ ṭhạ̃ire senkateye ḍạbrạkʼa ar acʼakʼ kicricʼe horoga. Ar oḍok hecʼkate acʼ ar acʼren hoṛkoakʼ kại ńutumte puruchun reakʼe kạmiya.

Exodus 40:12

“Ona tayom Aron ar uniren hoponkin do ńapamokʼ tạmbu reakʼ duạr samaṅre ạgukate dakʼtekin ạbuk saphakʼa.

Exodus 29:4

Ona tayom Aron ar uniren hoponko do ńapamokʼ tạmbu reakʼ duạr ṭhenem idikoa ar dakʼtem ạbuk saphakoa.

Exodus 28:2

Manot ar sajaokʼ lạgitʼ am do amren dadam Aron lạgitʼ sonot kicricʼem benao ocoaea.

Levitikus 16:23

“Sonot utạrakʼ ṭhạ̃ire bolokʼ lahare Aron okako mĩhĩ musnạ kicricʼe horog ona do ńapamokʼ tạmbure ruạṛkate arhõ onḍege doho oṭokakʼ hoyokʼtaea.

Levitikus 16:32

Jãhãe naekege maraṅ naeke lekate tinre acʼ apattetʼakʼ hudạreye ojokʼ bahal ocokʼa unre uni hõ noa kại ńutumte puruchun reakʼ kạmi hoyokʼtaea. Uni do mĩhĩ musnạ kicricʼ horokʼkate sonot utạrakʼ ṭhạ̃i reakʼ, ńapamokʼ tạmbu reakʼ, pinḍ reakʼ, naeke reakʼ ar goṭa Israel jạtrenkoakʼ besaphawakʼ ar kại ńutumte puruchun reakʼe kạmiya.

Jeheskel 9:2

Unre utạr secʼ reakʼ cetan ṭhạ̃i reakʼ phaṭok duạr secʼ khon turui hoṛ hijukʼkan iń ńelketʼkoa; onko mimitʼkoakʼ tire do maraokʼ reakʼ khanḍa bhanḍako tahẽkana. Onko sãote mĩhĩ musnạ kicricʼ horokʼ akatʼ mitʼṭen hoṛe tahẽkana ar uniyakʼ ḍanḍare do olokʼicʼakʼ doat kạli hõ tahẽkana. Onko do bhitrite bolokate pitạl reakʼ pinḍ ṭhenko teṅgoyena.

Jeheskel 44:19

Onko do tinre bahre racare tahenkan hoṛko ṭhenko calakʼa unre sekʼwa kạmi reakʼ kicricʼ totʼkate sonot oṛakʼreko doho oṭokakʼa ar eṭakʼ kicricʼko horoga, jemon onkoakʼ kicricʼ reakʼ jakʼte hoṛko iń ńutumte aloko begarokʼ.