Levitikus 16:34 - সান্তালী বাইবেল

³⁴ “Noa do ape lạgitʼ mitʼṭecʼ niạm kana. Uni do Israelkoakʼ sanam kại reakʼ puruchun lạgitʼ bochorre mitʼ dhao kạmi hoyokʼtaea.” Ar Mose do Probhu Isore hukum akawade leka jotowakʼgeye kạmikeda.

Levitikus 16:34 Referans Kwoze

Ibriko 9:7

Menkhan dosarakʼ jaegare, metakʼme sonot utạrakʼ ṭhạ̃ire do eken maraṅ naeke motogeye bolokʼkan tahẽkana. Uni do bochorre eken mitʼ dhaoge dãṛẽ samaṅ akade janwarakʼ mãyãmante onḍeye bolokʼkan tahẽkana. Uni do acʼakʼ kại lạgitʼ ar bin baḍaeteko kại akatʼ hoṛkoakʼ kại lạgitʼ noa mãyãme coḍoretʼ tahẽkana.

Ibriko 9:25

Maraṅ naeke do janwarkoakʼ mãyãmate cetʼleka jao bochor sonot utạrakʼ jaegareye bolokʼkan tahẽkan, Mạsi acʼhõ onkaleka bar bar dãṛẽ samaṅokʼ lạgitʼ sermate do bae boloakana.

Exodus 30:10

Puruchun lạgitʼ kại ńutumte samaṅokʼakʼ mãyãm do pinḍ reakʼ dereńkorem ojokʼakʼa ar Aron do bochorre mitʼ dhao pinḍe saphaea. Ar nonkate maraṅ naeke do piṛhike piṛhi bochorre mitʼ dhao noa kạmi hoyokʼtaea. Noa do Probhu Isor ńutumte sonot utạrakʼ pinḍ kana.”

Ibriko 10:14

ente Isorakʼ monsubạ lekate okoeko begar ocoakan ona mitʼṭen dãṛẽ hotete uni do jaejug hạbicʼ onkoe sạbit ocoakatʼkoa.

Ibriko 10:3

Menkhan noa janwar dãṛẽ do jao bochorge akoakʼ kại reakʼ kathakoe disạ ocokoa.

Numeri 29:7

“Niạ eae cando reakʼ gel tạrikre hõ mitʼṭecʼ sonot ńapamokʼ sabhape hoeocoya. Ar niạ dinre apeakʼ ontorpe nindhạntapea ar joto lekan kạmiko khon sahaṛ akanpe tahena.

Levitikus 23:31

Enhilokʼ do cetʼge alope kạmiya. Ar jãhãregepe girobasokʼ piṛhike piṛhi noa niạmge tahẽyena.

Exodus 27:21

Noa ńapamokʼ reakʼ tạmbu samaṅre oka orwal tahen ona orwal bahrere Aron ar uniren hoponko do ạyupʼ khon setakʼ hạbicʼ Probhu Isor samaṅre diuheko ńel todarota. Ar Israelko do piṛhike piṛhi niạ niạmko panjaya.

Levitikus 17:1

Probhu Isor do Moseye galmaraoadea,

Levitikus 23:28

Enhilokʼ do cetʼge alope kạmiya, ente enhilokʼ do kại ńutumte puruchun reakʼ din kana.

Exodus 39:43

Mose do onkoakʼ joto kạmi ńelteye bujhạukeda, Probhu Isorakʼ hukum lekage jotowakʼ kạmi do hoyakana. Onate Mose do Israelkoe bhoratʼkoa.

Levitikus 3:17

Jãhãregepe girobasokʼ ape do itil ar mãyãm do alope joma. Ar noage piṛhike piṛhi ape lạgitʼ niạm do tahẽyena. ”

Levitikus 16:2

“Uniye menkeda, “Amren dadam Aron metaeme, goha sinduk cetan reakʼ daya duṛupʼakʼ samaṅre menakʼ orwal tayom secʼ reakʼ sonot utạrakʼ ṭhạ̃ire acʼakʼ kusi leka jemon aloe bolokʼ. Are onkae khan uni doe gujukʼa, ente iń do rimil khunṭire daya duṛupʼakʼ cetanreń sodorokʼa.

Levitikus 24:23

Mose do Israelko noa reakʼ sanam kathakoe baḍae ocoketʼkoa. Ar okoe hoṛ sarape emlen uni do ḍera bahrete idikate dhiriteko tiń gocʼkedea. Ar Probhu Isor do Mose okalekae hukumade tahẽkan onkage Israelko doko kạmikeda.