Levitikus 16:31 - সান্তালী বাইবেল

³¹ Ar enhilokʼ do apeakʼ jirạukʼ dinge hoyokʼa. Niạ dinre apan ạpin ontorpe nindhạntapea. Ar noage ape lạgitʼ tahẽ utạrakʼ niạm do hoyokʼa.

Levitikus 16:31 Referans Kwoze

Levitikus 23:32

Enhilokʼ do ape lạgitʼ mitʼṭecʼ jirạukʼ din. Enhilokʼ do jiwipe nindhạntapea. Ona cando reakʼ areakʼ din ạyupʼ khon dosar hilokʼ ạyupʼ hạbicʼ ape do noa jirạukʼ dinpe manaoa.”

Jesaea 58:5

Iń do cetʼ nonkanakʼ upạs iń khojkana? Apeakʼ upạs do eken apnartetʼ kosṭokʼ; ar pạṭiol leka bohokʼ kuḍbur akatʼ, ar gõṛẽ kicricʼ ar torocʼre giticʼ akan leka kana. Ape do cetʼ noage upạs ar Probhu Isore bạsutakʼ dinpe metakʼkana?

Jesaea 58:3

Onkoko meneda, ‘upạs akadale ar bam ńelletʼlea? Kosṭokʼ kanale ar bam moneyakʼlea? Menkhan ńelpe, apeakʼ upạs reakʼ dinre apeakʼ hạ̃sgepe ńam bakʼṛakana, ar aperen kạmiyạko cetanrepe julumeda.

Levitikus 25:4

Menkhan eae bochorre do jumikope jirạu ocowakʼa. Noa jirạukʼ do Probhu Isor ńutumtege hoyokʼa. Unre jumire jãhãn itạ alope era ar darkha nạ̃ṛĩ hõ alope kamana.

Exodus 35:2

Hapta reakʼ turui dinpe khaṭaokʼa menkhan eaeakʼ din do ape lạgitʼ mitʼṭecʼ begarakʼ din hoyokʼa, Probhu Isor ńutumte jirạukʼ dinge. Enhilokʼ okoeye kạmi uni doe gocʼ ocokʼa.

Exodus 31:15

Ape do hapta reakʼ turui dinpe khaṭaokʼa menkhan eaeakʼ din do jirạukʼ dinge, ona do Probhu Isor ńutumte mitʼṭecʼ begar akan din kana. Ar jãhãe ona dinreye kạmi enḍekhan uni doe gocʼ ocokʼa.

Esra 8:21

Iń do Ahawa soḍokʼ ṭhen upạs dohoy lạgitʼ iń lại jạhirkeda jemon ale do aleren Isor samaṅre apnartetʼle nindhạn daṛeakʼ ar aleren gidrạko ar aleakʼ sanam sompottikoante nirạitele sen ruạṛ daṛeakʼ.

Daniel 10:12

Uni do roroṛe ehopʼena, “E Daniel, alom botorokʼa, ente buj ńam lạgitʼ ar amren Isor samaṅre nindhạnokʼ lạgitʼ amakʼ monem lagaoketʼ pạhil hilokʼ khonge amakʼ kathako do ańjom akantama; ar iń do amakʼ kathako iạtegeń hecʼakana.