Levitikus 16:29 - সান্তালী বাইবেল

²⁹ “Inạ tayom okań menetʼ ona do ape lạgitʼ mitʼṭecʼ tahẽ utạrakʼ niạmge tahena. Bochor reakʼ eae cando reakʼ gelakʼ dinre ape do apeakʼ ontorpe nindhạn ocoytapea. Enhilokʼ do cetʼge alope kạmiya. Israelkoge cetʼ ar Israelko talareko girobasokʼkan eṭakʼ jạtren hoṛkoge cetʼ, ona do sanamko manao hoyokʼtapea,

Levitikus 16:29 Referans Kwoze

Jesaea 58:3

Onkoko meneda, ‘upạs akadale ar bam ńelletʼlea? Kosṭokʼ kanale ar bam moneyakʼlea? Menkhan ńelpe, apeakʼ upạs reakʼ dinre apeakʼ hạ̃sgepe ńam bakʼṛakana, ar aperen kạmiyạko cetanrepe julumeda.

Numeri 29:7

“Niạ eae cando reakʼ gel tạrikre hõ mitʼṭecʼ sonot ńapamokʼ sabhape hoeocoya. Ar niạ dinre apeakʼ ontorpe nindhạntapea ar joto lekan kạmiko khon sahaṛ akanpe tahena.

Daniel 10:12

Uni do roroṛe ehopʼena, “E Daniel, alom botorokʼa, ente buj ńam lạgitʼ ar amren Isor samaṅre nindhạnokʼ lạgitʼ amakʼ monem lagaoketʼ pạhil hilokʼ khonge amakʼ kathako do ańjom akantama; ar iń do amakʼ kathako iạtegeń hecʼakana.

Jesaea 58:5

Iń do cetʼ nonkanakʼ upạs iń khojkana? Apeakʼ upạs do eken apnartetʼ kosṭokʼ; ar pạṭiol leka bohokʼ kuḍbur akatʼ, ar gõṛẽ kicricʼ ar torocʼre giticʼ akan leka kana. Ape do cetʼ noage upạs ar Probhu Isore bạsutakʼ dinpe metakʼkana?

Sereńko 35:13

Enhõ onkoakʼ ruạkʼre iń do gõṛẽ kiricʼ iń horokʼleda, ar upạs dohokate ińakʼ jiwiń nandanketʼtińạ; menkhan ińakʼ koejoṅ do iń ṭhenge ruạṛ hecʼena.

Levitikus 23:36

Ar inạ eae din reakʼ dinạm hilokʼ Probhu Isor ńutumte seṅgelteakʼ samaṅokʼakʼ samaṅ hoyokʼtapea. Ona tayom irạlakʼ din do sonot jarwakʼpe hoeocoya ar Probhu Isor ńutumte seṅgelteakʼ samaṅokʼakʼpe samaṅa. Noa mucạtʼ din do porob reakʼ maraṅ jarwakʼ hoyokʼtapea; enhilokʼ do cetʼge alope kạmiya.

Levitikus 23:21

Enhilokʼ ape do mitʼṭecʼ sonot jarwakʼpe hoeocoya. Enhilokʼ do cetʼge alope kạmiya. Ar jãhãregepe girobasokʼ noa niạm do piṛhike piṛhi ape lạgitʼ tahẽyena.

Exodus 20:10

menkhan eae din hilokʼ do amren Probhu Isor ńutumte mitʼṭecʼ jirạukʼ din kana. Enhilokʼ do, am ar amren hoponko ar hoponerako, amren guti ar kạ̃ṛmĩko, amren ḍaṅgrako, amren gadhako se eṭakʼ jãhãn janwarko se amakʼ ato se nagrahare girobasokʼ kan eṭakʼ jạtren hoṛko, okoe hõ cetʼge alope kạmiya.

Ibriko 4:10

ente Isor do cetʼleka acʼakʼ sirjạu reakʼ kạmi sạtkateye jirạulena onkage okoe Isorakʼ jirạu joṅ jaegareye calakʼ, uni hõ uniyakʼ kạmi khon jirạue ńama.

1 Korinthiko 11:31

Abo do apnarte bon biḍạulen khan enḍekhan Probhu Isorakʼ bicạr khon bon rukhiyạkokʼa.

Daniel 10:3

Ona pe hapta ạuri mucạdokʼ hạbicʼ jãhãn bhage jomakʼ do bạń jomleda, jel se darkha rasa hõ bạń cakha ạikạuleda ar sunum hõ bạń ojokʼana.

Jesaea 58:13

“Jirạukʼ mãhãpe manao ar ińakʼ sonot dinre apnar tirpitokʼ lạgitʼ bape kạmi; menkhan jirạukʼ mãhã do hạ̃sakʼ ar Probhu Isorakʼ din do manotanakʼ mentepe bujhạu, ar apnar kusileka sen baṅkate ona dinpe sonot ar apeakʼ kusileka bape kạmi se bạṛicʼ kathako bape roṛ,

Sereńko 69:10

Ińakʼ rakʼjoṅ ar ińakʼ upạs reakʼ kosṭo do ińakʼ durnam lekage hoyakantińạ.

Esra 3:1

Israelko do apan ạpin ato ar nagrahare girobasokʼko ehopʼen tayom eaeakʼ candore sanam hoṛko do mitʼ domte Jerusalemreko jarwayena.

1 Rapajko 8:2

Onate Ethanim candore, metakʼme eaeakʼ candore porobokʼ jokhecʼ Israelren onko sanam hoṛ do Solomon raj ṭhenko hecʼena.

Levitikus 23:3

Hapta reakʼ turui dinpe kạmiya menkhan eaeyakʼ dinre dope jirạukʼa, metakʼme ona do sonot jarwakʼ din kana. Enhilokʼ do cetʼge alope kạmiya. Jãhãregepe girobasokʼ ona din do Probhu Isor ńutumte mitʼṭecʼ jirạukʼ dinge hoyokʼa.”

Exodus 30:10

Puruchun lạgitʼ kại ńutumte samaṅokʼakʼ mãyãm do pinḍ reakʼ dereńkorem ojokʼakʼa ar Aron do bochorre mitʼ dhao pinḍe saphaea. Ar nonkate maraṅ naeke do piṛhike piṛhi bochorre mitʼ dhao noa kạmi hoyokʼtaea. Noa do Probhu Isor ńutumte sonot utạrakʼ pinḍ kana.”

Exodus 12:16

Pạhil ar eae mãhã hilokʼ do mitʼṭecʼ sonot jarwakʼpe hoeocoya. Niạ bar din do apnarakʼ jomakʼko benao chaḍa jãhãnakʼ cetʼge alope kạmiya.

Aposkạmi 27:9

Ado nonkate ḍher din parom calaoena. Ar upạs dinko paromente rabaṅ din hõ sor akan tahẽkana. Unre jahajte dãṛãn do muskilge hoyentalea. Onate Pạul do jahajren hoṛko sontorko lạgitʼe metatʼkoa,

Exodus 31:14

“Jirạukʼ mãhã manaope, ente ape lạgitʼ noa din do iń ńutumteń begar dohoakada. Ar jãhãe noa din bae manao enḍekhan uni doe gocʼ ocokʼa; ar jãhãe niạ dinreye kạmi enḍekhan uni do acʼakʼ jạtrenko khone meṭao giḍi ocokʼa.

Exodus 31:15

Ape do hapta reakʼ turui dinpe khaṭaokʼa menkhan eaeakʼ din do jirạukʼ dinge, ona do Probhu Isor ńutumte mitʼṭecʼ begar akan din kana. Ar jãhãe ona dinreye kạmi enḍekhan uni doe gocʼ ocokʼa.

Levitikus 3:17

Jãhãregepe girobasokʼ ape do itil ar mãyãm do alope joma. Ar noage piṛhike piṛhi ape lạgitʼ niạm do tahẽyena. ”

1 Samuel 7:6

Onate onko joto do Mispareko jarwayena. Onko do dakʼ lo rakapʼkate Probhu Isor samaṅreko dulkeda ar enhilokʼ onḍe upạskateko menkeda, “Ale do Probhu Isor upạrtele kại akada.” Samuel do Mispa khon Israelkoakʼe bicạretʼkan tahẽkana.

Esra 8:21

Iń do Ahawa soḍokʼ ṭhen upạs dohoy lạgitʼ iń lại jạhirkeda jemon ale do aleren Isor samaṅre apnartetʼle nindhạn daṛeakʼ ar aleren gidrạko ar aleakʼ sanam sompottikoante nirạitele sen ruạṛ daṛeakʼ.

Levitikus 25:9

Ar ona dosar bochor reakʼ eae cando reakʼ gelakʼ dinre, metakʼme kại reakʼ puruchun dinre apeakʼ disạmre sanam jaegare sakwape oroṅa.