Levitikus 16:28 - সান্তালী বাইবেল

²⁸ Ar okoe hoṛ ona atar giḍikakʼ lạgitʼ bahreteye calakʼ uni do acʼakʼ kicricʼkoe saphaetaea are ḍạbrạ saphakʼa ar ona tayom do ḍera bhitriteye bolokʼa.

Levitikus 16:28 Referans Kwoze

Numeri 19:7

Inạ tayom naeke do acʼakʼ kicricʼko dakʼteye saphaetaea are ḍạbrạ saphakʼa. Ar inạ tayom do ḍera bhitriteye bolo daṛeakʼa, menkhan ạyupʼ hạbicʼ besapha akan tahen hoyokʼtaea.

Numeri 19:8

Okoe uni gạiye atare uni hõ acʼakʼ kicricʼko saphae hoyokʼtaea are ḍạbrạ saphakʼa ar ạyupʼ hạbicʼ besapha akane tahena.

Levitikus 11:24

“Noko iạte ape dope besaphakʼa. Ar okoe onkoakʼ mạ̃ṛĩye joṭed uni do ạyupʼ hạbicʼ besapha akane tahena.

Levitikus 11:25

Ar jãhãege onkoren mitʼṭecʼ reakʼ mạ̃ṛĩye joṭed enḍekhan uni do acʼakʼ kicricʼe saphaetaea ar ạyupʼ hạbicʼ besapha akane tahena.

Levitikus 11:40

Ar jãhãe uni gocʼ akan janwarakʼ jele jom enḍekhan uni do acʼakʼ kicricʼe saphaetaea ar ạyupʼ hạbicʼ besapha akane tahena. Ar jãhãege uni gocʼ akanicʼakʼ mạ̃ṛĩ titeye sapʼ idiy enḍekhan uni do acʼakʼ kicricʼ saphaetae hoyokʼtaea ar ạyupʼ hạbicʼ besapha akane tahena.

Levitikus 15:5

Hoṛmo khon besaphawakʼ oḍokokʼkantae hoṛakʼ aṭetʼ okoeye joṭed uni hõ acʼakʼ kiricʼko saphaetae hoyokʼtaea, ar ạyupʼ hạbicʼ besapha akane tahena.

Levitikus 16:26

Ar okoeṭakʼ hoṛ do Asasel lạgitʼ merom bodae aṛakʼgotʼkae uni hõ acʼakʼ kicricʼe saphaetaea are ḍạbrạ saphakʼa, ar ona tayom do ḍera bhitriteye bolokʼa.

Numeri 8:7

Onko do nonka lekam saphakoa: onko cetanre saphakʼ reakʼ dakʼem irciyakoa. Ar ona tayom do holatʼte goṭa hoṛmoko hoyo saphakʼa ar kicricʼko saphaetakoa.

Numeri 19:10

Okoe hoṛ uni gạiyakʼ torocʼe samṭao idiy uni hõ kicricʼkoe saphaetaea ar ạyupʼ hạbicʼ besapha akane tahena. Noage Israelko ar onare girobasokʼ kan eṭakʼ jạtren hoṛko lạgitʼ piṛhike piṛhi mitʼṭecʼ niạm do tahẽna.

Johan 13:10

Jisu do uniye metadea, “Um akanicʼ do jaṅga chaḍa ar cetʼge ạbukokʼ reakʼ jạruṛ bạnukʼtaea, ente uni do jotoge saphagetaea.