Levitikus 16:24 - সান্তালী বাইবেল

²⁴ Ona tayom uni do sonot tạmbu oṛakʼ reakʼ ṭhạ̃ire senkateye ḍạbrạkʼa ar acʼakʼ kicricʼe horoga. Ar oḍok hecʼkate acʼ ar acʼren hoṛkoakʼ kại ńutumte puruchun reakʼe kạmiya.

Levitikus 16:24 Referans Kwoze

Ibriko 9:10

Onako do eken hoṛmoteakʼ kana, metakʼme jom-ńũ ar dhorom reakʼ niạm lekate saphakʼ reaṅge. Onako do sanamakʼ jut aroe okte hạbicʼge kạmire lagaolena.

Levitikus 14:9

Ona eae mãhã hilokʼ uni do acʼakʼ hoṛmo reakʼ sanam upʼ, metakʼme uniyakʼ bohokʼ reakʼ upʼ, goco, mẽtʼ kuṭi reakʼ upʼ ar hoṛmo reakʼ upʼko hõ hoyo saphaetae hoyokʼa. Uni do acʼakʼ kicricʼkoe saphaetaea ar dakʼreye ḍạbrạ saphakʼa, ar ona tayom doe sapha utạrokʼa.

Exodus 28:40

“Manot ar sajaokʼ lekate am do Aronren hoponko hõ kicricʼko, ḍanḍa totolakʼko ar bohokʼ reakʼ dạṛhim benao ocoakoa.

Exodus 28:41

Amren dadam Aron ar uniren hoponko noam horokʼakote sunumtem ojokʼkoa ar naeke hudạrem bahalkoa. Probhu Isor ńutumte onkom begar dohokoa jemon onko do naeke lekate ińko dewa sewawạń.

Levitikus 16:25

Ar kại ńutumte samaṅ akade janwarakʼ itil do pinḍ cetanreye jeretʼ giḍikakʼa.

Levitikus 9:7

Ona tayom uni do Arone metadea, “Am do pinḍ ṭhen senkate kại ńutumte samaṅokʼakʼ ar jeredokʼ samaṅokʼakʼem samaṅte amakʼ ar ona sãote hoṛkoakʼ kại reakʼ puruchunme. Ona chaḍa hoṛkoakʼ samaṅokʼakʼ hõ samaṅme ar onkoakʼ kại reakʼ puruchunme; ente Probhu do onageye hukumakada.”

Jeheskel 42:14

Naekeko sekʼwa kạmi lạgitʼ okako kicricʼ horokʼkate mundil oṛakʼteko bolokʼ onako do niạ banar dolanreko bocʼ doho oṭokakʼa ar ona tayom do bahre racateko oḍok daṛeakʼa, ente onako do sonot utạrakʼ kicricʼkana. Hoṛkoakʼ jaegate calakʼ lahare onko do eṭakʼ kicricʼ horokʼ lagao akoa.”