Levitikus 16:21 - সান্তালী বাইবেল

²¹ Ar acʼakʼ banar ti do uni merom bodawakʼ bohokʼreye dohoya ar Israelkoakʼ sanam behokakʼ ar bebatao, metakʼme onkoakʼ sanam ghạṭko reakʼ aṅgockate merom bodawakʼ bohokʼreye ladewaea. Ar ona kạmi lạgitʼe sapṛao akan hoṛ hotete uni do hahaṅkarteye kolgotʼkaea.

Levitikus 16:21 Referans Kwoze

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Jesaea 53:6

Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Sereńko 51:3

Ińakʼ sanam ghạṭko reakʼ katha do disạ menakʼtińgea; ar ińakʼ kại do jaoge iń samaṅre menakʼa.

Esra 10:1

Esra do tinre Isorakʼ oṛakʼ samaṅre otre ombakʼkate rakʼ rakʼteye koejoṅkan tahẽkana ar kạiye aṅgocetʼ tahẽkana unre Israelkoren ạḍi utạr herel, maejiu ar gidrạko do uni ṭhen hecʼkateko jarwayena. Ar onko hõ ạḍitetʼko rakʼkeda.

Romiko lạgitʼ Pạul Apostolakʼ ciṭhi 10:10

ente ontorre biswạs iạte Isor do manwa dhorom menteye lekhayea ar mocateye aṅgocetʼkante kại khone bańcaoea.

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Sereńko 32:5

Unre ińakʼ kại do am ṭheniń aṅgockeda, ińakʼ bedhorom do ar bạń oko doholeda. Ińiń menkeda, “Ińakʼ ghạṭko reakʼ katha do ińren Probhu Isor ṭheniń aṅgoca.” Ar am do ińakʼ ghạṭkom ikạkatʼa. (Sela)

Levitikus 26:40

“Ińre bepạtiạu ar iń birudre teṅgokʼ iạte iń hõ onko upạrteń teṅgona ar bạirikoakʼ disạmteń idikoa. Menkhan onḍe ako ar akoren hapṛamkoakʼ dosko aṅgocte ontorko nidhạntakoa ar dos akatʼ iạte sạjại reakʼko ataṅ,

Exodus 29:10

“Ar uni ḍaṅgra do ńapamokʼ tạmbu samaṅrem ạguyea, ar Aron ar uniren hoponko do uni ḍaṅgrawakʼ bohokʼre akoakʼ tiko dohoytakoa.

Levitikus 5:5

“Noako behok reakʼ mitʼṭecʼ jãhãnakʼe onkaete jãhãe dusireye paṛaokʼ enḍekhan uni do ona behok akatʼ reakʼ aṅgoc hoyokʼtaea.

Levitikus 1:4

Ar uni do jeredokʼ samaṅokʼakʼ lạgitʼe ạgu akade ḍaṅgrawakʼ bohokʼre tiye dohoytaea; ar ona do acʼakʼ puruchun lạgitʼ ataṅokʼtaea.

Levitikus 16:20

“Sonot utạrakʼ ṭhạ̃i, ńapamokʼ tạmbu ar pinḍ ńutumte puruchun reakʼ kạmi sạtkate Aron do uni jiwetʼicʼ merom bodae ạguiyea.

Levitikus 16:22

Uni hoṛ do idikate hahaṅkarreye aṛakʼ oṭokaea. Ar uni merom boda do nisun jaegakore onkoakʼ sanam ghạṭkoe gokʼ baṛaea.