Levitikus 16:20 - সান্তালী বাইবেল

²⁰ “Sonot utạrakʼ ṭhạ̃i, ńapamokʼ tạmbu ar pinḍ ńutumte puruchun reakʼ kạmi sạtkate Aron do uni jiwetʼicʼ merom bodae ạguiyea.

Levitikus 16:20 Referans Kwoze

Jeheskel 45:20

Okoe do bhulte se begor baḍaete mundil oṛakʼ upạrte jãhãnakʼko kại onko lạgitʼ do cando reakʼ eae hilokʼ onkagem kạmiya. Nonkate ape do kại ńutumte samaṅokʼ reakʼ porob hoyocokate mundil oṛakʼpe saphaea.

Levitikus 16:16

Ar Aron do Israelkoakʼ jãhãnakʼ ghạṭ iạte, onkoakʼ besaphawakʼ iạte ar onkoakʼ bebatao iạte sonot utạrakʼ ṭhạ̃ire nonkageye puruchuna. Uni do Israelkoakʼ besaphawakʼko talare teṅgo akan ńapamokʼ tạmbu lạgitʼ hõ inạ mitʼ lekageye onkaea.

Johan sodor 1:18

ar ińkangeạń jaejug jiwetʼicʼ. Iń doń gocʼlena, ar ńelme, jug cetan jug hạbicʼ jiwetʼ minạńa. Iń ṭhen do moron ar patal puri reakʼ choṛan menakʼa.

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

Kolossiko lạgitʼ Pạul Apostolakʼ ciṭhi 1:20

Ona chaḍa dhạrtirege cetʼ ar sermarege cetʼ, Mạsi hotete jotowakʼge acʼ tulucʼ samge ocoy lạgitʼe goṭaleda. Mạsi do kurusre acʼakʼ mãyãme danketʼte suluke ạguketʼa ar onate Isor tulucʼ manwakoakʼ noa samge do hoyakana.

2 Korinthiko 5:19

Metakʼme, Isor do manwawakʼ ghạṭko bae lekhayetʼtakote Mạsi hotete acʼ tulucʼe samgeyetʼkoa, ar ona samge reakʼ kathako baḍae ocoko reakʼ dạyik do aleye emakatʼlea.

Romiko lạgitʼ Pạul Apostolakʼ ciṭhi 8:34

Ar okoe hale onko do dusi menteye ṭahraokoa? Okoeye gocʼlen ar gocʼko khone jiwetʼ beretʼ ocoyen uni Mạsi Jisu do ńitokʼ Isorakʼ jojomsa aṛere menaea ar abon lạgitʼe nehõrokʼ kana.

Romiko lạgitʼ Pạul Apostolakʼ ciṭhi 4:25

Aboakʼ kạiko iạte Jisu do gujukʼ tireye soprotʼlena ar dhorom menteye ataṅ bon lạgitʼ uni do gocʼko khone jiwetʼ beretʼ ocoyena.

Levitikus 8:15

Ar ona tayom Mose do uni ḍaṅgrae dãṛẽkedete uniyakʼ mãyãme hataokeda ar pinḍ saphae lạgitʼ kạṭupʼte ona mãyãm hataokate pinḍ reakʼ dereńkoe ojokʼada. Ar sarecʼakʼ mãyãm do pinḍ aṛereye dulkada. Nonkate uni do puruchun reakʼe kạmiketʼte pinḍ do Probhu Isor ńutumteye begarkada.

Levitikus 6:30

Sonot ṭhạ̃ire kại ńutumte samaṅokʼicʼ janwarakʼ mãyãm do ńapamokʼ tạmbure aderlen khan ona reakʼ jel do baṅ jom hoyokʼa, ar ona do atar giḍikakʼ hoyokʼa.

Levitikus 16:19

Pinḍ sapha ar Israelko sonotko lạgitʼ uni do kạtupʼte mãyãm hataokate ona ar onko cetanre eae dhaoe irciya.

Levitikus 16:21

Ar acʼakʼ banar ti do uni merom bodawakʼ bohokʼreye dohoya ar Israelkoakʼ sanam behokakʼ ar bebatao, metakʼme onkoakʼ sanam ghạṭko reakʼ aṅgockate merom bodawakʼ bohokʼreye ladewaea. Ar ona kạmi lạgitʼe sapṛao akan hoṛ hotete uni do hahaṅkarteye kolgotʼkaea.