Levitikus 16:17 - সান্তালী বাইবেল

¹⁷ Sonot utạrakʼ ṭhạ̃ire tin hạbicʼ Aron do acʼ ar acʼren bõsrenkoakʼ ar goṭa Israel jạtrenkoakʼ kại ńutumte puruchun reakʼ kạmi sạtkate ạuriye oḍok hijukʼ hạbicʼ okoe hõ ńapamokʼ tạmbure bako tahẽdaṛeakʼa.

Levitikus 16:17 Referans Kwoze

Luk 1:10

Ar uni dhupe jered oktere bahrere do ạḍi utạr hoṛko koejoṅkan tahẽkana.

Jesaea 53:6

Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Exodus 34:3

Ar am sãote okoehõ jemon aloko tahen se okoehõ burure aloko ńelokʼ, ar buru samaṅre dạṅgrako, bhiḍiko ar meromko hõ jemon aloko ạtiń.”

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Ibriko 9:7

Menkhan dosarakʼ jaegare, metakʼme sonot utạrakʼ ṭhạ̃ire do eken maraṅ naeke motogeye bolokʼkan tahẽkana. Uni do bochorre eken mitʼ dhaoge dãṛẽ samaṅ akade janwarakʼ mãyãmante onḍeye bolokʼkan tahẽkana. Uni do acʼakʼ kại lạgitʼ ar bin baḍaeteko kại akatʼ hoṛkoakʼ kại lạgitʼ noa mãyãme coḍoretʼ tahẽkana.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

1Timothi 2:5

Isor doe mitʼ goṭengea ar mitʼ goṭengeae Isor ar manwakoren dene banar renicʼ hõ. Uni doe hoyokʼ kana Jisu Mạsige.

Aposkạmi 4:12

Kại khon bańcao do ar okoe ṭhen khon hõ oho ńamlena, ente serma latarre, manwako talare nonkan okoege bạnukʼkoa one uniyakʼ ńutumte kại khon bańcao bon ńam daṛeke.”

Daniel 9:24

“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.

Levitikus 16:16

Ar Aron do Israelkoakʼ jãhãnakʼ ghạṭ iạte, onkoakʼ besaphawakʼ iạte ar onkoakʼ bebatao iạte sonot utạrakʼ ṭhạ̃ire nonkageye puruchuna. Uni do Israelkoakʼ besaphawakʼko talare teṅgo akan ńapamokʼ tạmbu lạgitʼ hõ inạ mitʼ lekageye onkaea.

Levitikus 16:18

Ńapamokʼ tạmbu khon oḍok hecʼkate Aron do Probhu Isor samaṅre pinḍ reakʼ besaphawakʼ reakʼe puruchuna. Uni do ḍaṅgra ar merom bodawakʼ thoṛa mãyãm hataokate pinḍ reakʼ dereńkoreye ojokʼakʼa.

1 Bõsbudạ 6:34

Samuel do Elkanaren hopon, Elkana do Jihoramren hopon, ar Jihoram do Eliyelren hopon, ar Eliyel do Toharren hopon,