Levitikus 16:14 - সান্তালী বাইবেল

¹⁴ Ar ona tayom do uni ḍaṅgrawakʼ thoṛa mãyãm kạṭupʼte hataokate daya duṛupʼakʼ reakʼ samaṅ secʼe irciyakʼa. Ona tayom arhõ kạṭupʼkote thoṛa mãyãm hataokate daya duṛupʼakʼ samaṅre eae dhaoe irciyakʼa.

Levitikus 16:14 Referans Kwoze

Ibriko 9:25

Maraṅ naeke do janwarkoakʼ mãyãmate cetʼleka jao bochor sonot utạrakʼ jaegareye bolokʼkan tahẽkan, Mạsi acʼhõ onkaleka bar bar dãṛẽ samaṅokʼ lạgitʼ sermate do bae boloakana.

Ibriko 9:13

Okoeko bhõnḍ akan tahẽkan onko cetanre merom ar ḍaṅgrawakʼ mãyãm se pheṭãṛ atar akade reakʼ torocʼko chiṭiạu akokan tahẽkana; onate onkoakʼ do eken bahre hoṛmo saphakʼkan tahẽkana.

Ibriko 10:4

Ente ḍaṅgra ar meromkoakʼ mãyãmte kại do tishõ baṅ meṭao daṛeakʼa.

Ibriko 9:7

Menkhan dosarakʼ jaegare, metakʼme sonot utạrakʼ ṭhạ̃ire do eken maraṅ naeke motogeye bolokʼkan tahẽkana. Uni do bochorre eken mitʼ dhaoge dãṛẽ samaṅ akade janwarakʼ mãyãmante onḍeye bolokʼkan tahẽkana. Uni do acʼakʼ kại lạgitʼ ar bin baḍaeteko kại akatʼ hoṛkoakʼ kại lạgitʼ noa mãyãme coḍoretʼ tahẽkana.

Levitikus 8:11

Uni do sunum reakʼ thoṛa hataokate pinḍ cetanre eae dhaoe ircikeda. Ar ona sunumte pinḍ ar ona reakʼ sanam thạri-bạṭiko ar gamlako sudhạ Probhu Isor ńutumteye begarkeda.

Levitikus 4:17

Uni do ona mãyãmre acʼakʼ kạṭupʼkoe topoetaea ar Probhu Isor samaṅre sonot ṭhạ̃i reakʼ orwal secʼ eae dhaoe irciya.

Ibriko 12:24

Okoe doe nãwã bondobosren dene banaricʼ kan uni Jisu ṭhenpe hecʼakana; ar Habelakʼ mãyãm khon okaṭakʼ mãyãm do artetʼ bhage kathae roṛ, ona chiṭiạu akan mãyãm ṭhenpe hecʼakana.

Ibriko 10:19

Ado E boehako, Jisu Mạsiyakʼ mãyãm gunạkʼte ona sonot utạrakʼ jaegare bolokʼ reakʼ dil do menakʼ getabona.

Ibriko 9:21

Sewa tạmbu ar dewa sewa kạmire beohar lạgitʼ joto jinisko cetanre Mose do inạ mitʼ lekage mãyãme ircileda.

Levitikus 16:19

Pinḍ sapha ar Israelko sonotko lạgitʼ uni do kạtupʼte mãyãm hataokate ona ar onko cetanre eae dhaoe irciya.

Numeri 19:4

Ona tayom naeke Eliasar do acʼakʼ kạṭupʼte thoṛa mãyãm hataokate ńapamokʼ tạmbu samaṅre eae dhaoe irciya.