Levitikus 16:13 - সান্তালী বাইবেল

¹³ Onḍe uni do Probhu Isor samaṅre seṅgel cetanre dhupe jereda. Ar ona dhup reakʼ dhũạte goha sinduk cetan reakʼ daya duṛupʼakʼ do danaṅokʼa ar onate uni do bae gujukʼa.

Levitikus 16:13 Referans Kwoze

Exodus 25:21

Noa daya duṛupʼakʼ do sinduk cetanrem dohoya ar oka goha olakʼiń emam ona do sinduk bhitrirem dohokakʼa.

Exodus 30:1

“Dhup jered lạgitʼ am do gabla kaṭte mitʼṭecʼ pinḍem benaoa.

Ibriko 9:24

Asolakʼ sonot jaega reakʼ nokolakʼ lekate manwa tite tearakʼ jãhãn sonot jaegare Mạsi do bae bololena, bickom ona bodolte uni do sermateye boloyena jemon abo iạte Isor samaṅre ńite hạjir daṛeakʼ.

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

Numeri 16:46

Ona tayom Mose do Arone metadea, “Amakʼ dhup dạni hataome ar pinḍ reakʼ seṅgel ecʼkate onare dhup emakʼme ar usạra onko hoṛko ṭhen senkate kại ńutumte puruchunme. Probhu Isorakʼ edre do sodor akana, mahamạri ehopʼakana.”

Numeri 16:18

Moseyakʼ katha leka mimitʼ hoṛ apan ạpin dhup dạnire seṅgel ar dhupante ńapamokʼ tạmbu reakʼ duạr samaṅre Mose ar Aron sãote senkateko teṅgoyena.

Levitikus 22:9

“Naekeko okań hukum akatʼko ona do manao hoyokʼtakoa. Ar bako manao khan onko do dusiko hoyokʼa ar besapha iạteko gujukʼa. Iń Probhu Isorge onko doń begar dohoakatʼkoa.

Exodus 28:43

Aron ar uniren hoponko tinre ńapamokʼ tạmbureko bolokʼa se sonot ṭhạ̃i reakʼ pinḍre sewa kạmi lạgitʼko laha idikʼa unre onko do noa kạṭicʼ penko horoga. Nonkate onko do bin dusạnko tahena ar bako gujukʼa. Aron ar uniren bõsko lạgitʼ noage mitʼṭecʼ niạm leka tahẽyena.

Numeri 4:15

“Aron ar uniren hoponko tinre noa sonot jinis ar sonot ṭhạ̃i reakʼ asbab poṭom reakʼ kạmiko sạta ar hoṛko hõ ḍera samṭaokate uṭhạukʼ lạgitʼko sapṛaokʼa unre Kohatren hoponko do noako gokʼ idi lạgitʼko hijukʼa. Menkhan onko do sonotakʼ okaṭakʼ jinisge bako joṭetʼ daṛeakʼa. Arko joṭetʼ lekhan onko doko gujukʼa. Ńapamokʼ tạmbure okako jinis tahen ona do Kohatren hoponkoko gokʼ idiya.

Numeri 4:20

Menkhan sonotakʼ sanamakʼ jinisko ńel todarot lạgitʼ Kohatrenko do bhitrite bako bolo daṛeakʼa, mitʼ ghạṛi lạgitʼhõ baṅ. Arko bololen khan onko doko gujukʼa.”

Dosar Biboron 33:10

Onko do Jakob amakʼ bicạrko cetʼaea, ar Israel do amakʼ ạnge, onko do am samaṅre dhupko dohoya. Ar amakʼ pinḍre goṭa jeretʼ cabakʼ samaṅokʼakʼkoge.