Levitikus 16:12 - সান্তালী বাইবেল

¹² Ar Probhu Isor samaṅre okaṭakʼ pinḍ menakʼ ona khon jolokʼkan aṅgra seṅgel hataokate mitʼṭecʼ ḍhạknicʼreye dohoya ar gunḍạ akatʼ bar cuputʼ dhupe hataoa. Ar orwal reakʼ bhitri secʼe adera.

Levitikus 16:12 Referans Kwoze

Levitikus 10:1

Aronren hopon Nadab ar Ạbihu do ạkinakʼ seṅgel reakʼ ḍhạknicʼre seṅgel hataokate ona cetanre dhupkin curucʼada. Unkin do Probhu Isorakʼ hukum bahre eṭakʼ seṅgelte Probhu Isor ńutumte dhupkin samaṅkeda.

Numeri 16:46

Ona tayom Mose do Arone metadea, “Amakʼ dhup dạni hataome ar pinḍ reakʼ seṅgel ecʼkate onare dhup emakʼme ar usạra onko hoṛko ṭhen senkate kại ńutumte puruchunme. Probhu Isorakʼ edre do sodor akana, mahamạri ehopʼakana.”

Numeri 16:18

Moseyakʼ katha leka mimitʼ hoṛ apan ạpin dhup dạnire seṅgel ar dhupante ńapamokʼ tạmbu reakʼ duạr samaṅre Mose ar Aron sãote senkateko teṅgoyena.

Exodus 31:11

Ojokʼ bahalokʼ lạgitʼ sunum ar sonot ṭhạ̃ire lạgitʼ jut so dhupko. Ar amiń hukum akawatʼme leka onko do jemon onako benao daṛeakʼ.”

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

Exodus 37:29

Ona chaḍa riritʼko reakʼ dharate jut so mosola reakʼ nirạ dhup ar ojogokʼ sunum hõe tearkeda.

Ibriko 9:7

Menkhan dosarakʼ jaegare, metakʼme sonot utạrakʼ ṭhạ̃ire do eken maraṅ naeke motogeye bolokʼkan tahẽkana. Uni do bochorre eken mitʼ dhaoge dãṛẽ samaṅ akade janwarakʼ mãyãmante onḍeye bolokʼkan tahẽkana. Uni do acʼakʼ kại lạgitʼ ar bin baḍaeteko kại akatʼ hoṛkoakʼ kại lạgitʼ noa mãyãme coḍoretʼ tahẽkana.

Johan sodor 8:5

Unre serma goḍet do pinḍ khon seṅgel hataokate ona dhup dạniye perecʼkeda ar dhạrtiteye lebda giḍikada. Onate huḍur ar eṭakʼakʼ botoranakʼ saḍe leka saḍeyena, ar bijli malkaoena ar dhạrti laṛaoena.

Dosar Biboron 33:10

Onko do Jakob amakʼ bicạrko cetʼaea, ar Israel do amakʼ ạnge, onko do am samaṅre dhupko dohoya. Ar amakʼ pinḍre goṭa jeretʼ cabakʼ samaṅokʼakʼkoge.