Levitikus 15:32 - সান্তালী বাইবেল

^32-33 Herel hoṛakʼ herelteakʼ itạ, maejiukoakʼ mãyãm oḍokokʼ, herel se maejiukoakʼ hoṛmo reakʼ jãhãn besaphawakʼ ar besapha maejiu tulucʼe giticʼmidokʼ ar noako iạte besapha akane hoyokʼ enḍekhan uni lạgitʼ kangea noako ạn do.

Levitikus 15:32 Referans Kwoze

Jeheskel 43:12

“Noa do hoyena mundil oṛakʼ reakʼ ạn; ar buru reakʼ beṛhaeteakʼ ṭhạ̃i do sonot utạrakʼ hoyokʼa. Ar mundil oṛakʼ reakʼ ạn do noa kangea.

Numeri 19:14

“Jãhãe hoṛ tạmbu bhitrireye gocʼlen khan noa niạmge manao hoyokʼa- ar okoe ona tạmbu bhitriteko bolokʼ ar okoe ona tạmbureko tahẽkan onko jotoge eae din hạbicʼ besapha akanko tahena.

Numeri 6:13

“Probhu Isor ńutumte mitʼṭen nạsri hoṛ do begar tahen reakʼ din purạulentae tayom uni do noa manao hoyokʼtaea. Uni do ńapamokʼ tạmbu reakʼ duạr ṭhene hijukʼa.

Numeri 5:29

“Jãhãe maejiu bapla tayom bạṛicʼ horte senkateye bhõnḍlen khan se jãhãe herel hoṛ indidokʼ iạte rinicʼtetʼ cetanreye jolonokʼ enḍekhan uni do niạ niạmtege kạmikatae hoyokʼa. Uni do Probhu Isor samaṅre acʼren rinicʼtetʼe idiyea ar naeke do ona niạm lekageye kạmikataea.

Levitikus 14:54

Noa do murhucʼjom rog, babatʼ rog, kicricʼre se oṛakʼko reakʼ murhucʼjom rog, laṭa loṭoko, bhumriko ar ṭaklakʼ ṭiklạkʼko rog reaṅ niạm kana.

Levitikus 14:32

Murhucʼjom rog menakʼtae hoṛ okoe do saphakʼ lạgitʼ daṛe bạnukʼtae eken uni hoṛ lạgitʼ kana noa niạm do.

Levitikus 14:2

“Murhucʼjom rog hoyakan nonkan jãhãe hoṛakʼ saphakʼ reakʼ dinre niạ niạmge manao hoyokʼa. Uni do naeke ṭhene calakʼa.

Levitikus 13:59

Noako niạm lekate murchucʼjom rogakʼ, upʼ se musnạ kicricʼ, se otorre se bharnare se hartare se harta reakʼ jãhãn jinisre sapha se besapha mente lại sodor hoyokʼa.

Levitikus 11:46

“Janwarko, cẽṛẽko ar dakʼren jiwiyanko ar ot cetanre ạcur baṛae joto lekan kạṭicʼ janwarko reaṅ noage ińakʼ niạm tahẽyena.

Levitikus 15:16

“Jãhãe herel hoṛakʼ herelteakʼ khon besaphawakʼ oḍokokʼtae enḍekhan uni do ḍạbrạ saphakʼ hoyokʼtaea, ar ạyupʼ hạbicʼ besapha akane tahena.

Levitikus 15:31

Mucạtʼre Probhu Isor do Mose ar Arone metatʼkinạ, “Israelko talare ińakʼ ḍera tạmbu menakʼa. Onate sanam lekan besaphawakʼ khon pharakre ben dohokoa jemon ḍera tạmbu besaphakʼte aloko gujukʼ.”