Levitikus 15:31 - সান্তালী বাইবেল

³¹ Mucạtʼre Probhu Isor do Mose ar Arone metatʼkinạ, “Israelko talare ińakʼ ḍera tạmbu menakʼa. Onate sanam lekan besaphawakʼ khon pharakre ben dohokoa jemon ḍera tạmbu besaphakʼte aloko gujukʼ.”

Levitikus 15:31 Referans Kwoze

Numeri 19:20

Besapha tayom jãhãe apnarte bae saphakʼ enḍekhan uni do acʼakʼ somaj khone meṭao ocokʼa, ente apnarte sapha baṅkate uni do Probhu Isorakʼ sonot tạmbui besapha ocoyeda. Saphakʼ reakʼ dakʼ unire baṅ irci akante uni doe besaphagea.

Jeheskel 5:11

Ona iạte iń Probhu Isor do ińre kiriạkateń meneda, amren sanam hirkhạwan boṅga murtiko ar hirkhạwakʼ kạmikote ińakʼ oṛakʼem besapha akatʼte iń do ińakʼ dayań ocogtińạ; ar am secʼ do bạń beṅgeda ar mãyã hõ bạń mãyãwama.

Numeri 19:13

Jãhãege jãhãn mạ̃ṛĩye joṭed tayom apnarte bae saphakʼ enḍekhan uni do Probhu Isorakʼ sekʼwa tạmbui besapha ocoytaea. Ar onate uni hoṛ do Israelko tala khon meṭao utạre hoyokʼa. Uniyakʼ hoṛmore saphakʼ reakʼ dakʼ baṅ irci akawadete uni do besapha akangeye tahena ar uniyakʼ besapha do uni cetanrege tahẽ utạrokʼa.

Jeheskel 23:38

Ona chaḍa inạko okterege unkin do ińakʼ oṛakʼkin bhonḍ akada. Unkin do ińakʼ jirạukʼ mãhãko reakʼ sonottetʼ do bạkin rukhiyạ akada.

Numeri 5:3

Baṅ doe maejiukan ar baṅ doe herel hoṛkan uni do oḍok giḍikae hoyokʼa. Nonkan hoṛ iạte ḍera jemon alo besaphakʼ onate onko do bahrete oḍok giḍikako hoyokʼa, ente iń do onḍe Israelko sãoteń tahenkana.”

Jihudạwakʼ ciṭhi 1:4

Noa do jạruṛgea, ente sedaere okoe hoṛkoakʼ sạjại reaṅ katha sostorre olakan onko do ape talare hape hapeteko bolo akana. Noko hoṛkore Isor bhokti do bạnukʼanaṅ; ar aboren Isorakʼ daya do lucạ lamoṭ menteko ạnḍuṅeda ar okoe aboren mitʼ goṭen mạlik are Probhu kan uni Jisu Mạsi do bako aṅgoc edekana.

Ibriko 10:29

Enḍekhan Isorren Hopon okoeye kurud akawade, oka mãyãmte uniye sapha akan Isorakʼ ona bondobos reakʼ mãyãm okoe be sonotakʼ menteye bujhạuetʼ ar okoe dayae emokʼkan uni sonot Jiu okoeye bemanot akade, enḍekhan hudispe, uni do tinạkʼ artetʼ sạjạiyokʼ lek kanae!

1 Korinthiko 3:17

Jãhãege Isorakʼ mundile bạṛij enḍekhan Isor hõ uniye bạṛijea, ente uniyakʼ mundil do sonotgea, ar ona mundil dope ape kangea.

Jeheskel 44:23

Iń ńutumte okaṭakʼ begar dohoakan ar oka baṅ begar akan ona tala reakʼ ińren hoṛko cetʼakoa ar okaṭakʼ saphawakʼ ar okaṭakʼ baṅ saphawakʼ onako udukʼakoa.

Daniel 9:27

Ar uni disạm cakʼlaoicʼ do mitʼ hapta lạgitʼ ḍher hoṛko sãote keṭecʼ mitʼṭecʼ bondobose bandhaoa, ar tala hapta hạbicʼ uni do teṅgenokʼakʼ ar jomakʼ samaṅokʼakʼe caba ocoya; ar jarkharicʼ do hirkhạwakʼko reakʼ phạ̃kṛạ̃kʼteye hijukʼa niṭakatʼ sumạrokʼ jarkharicʼre ạuri dul bubhạukʼ hạbicʼ.”

Sereńko 66:18

Ińakʼ ontorre bedhoromiń dohokakʼ khan Probhu do ińakʼ katha ohoe ańjomlea.

Dosar Biboron 24:8

“Murhucʼ jom rog menakʼtae hoṛ khon sontorokʼpe ar Liwi naekeko okako hukumape onako joton salakʼ manaope. Iń okań hukum akawatʼko ape hõ sontor salakʼ onka leka calakʼpe.

Levitikus 21:23

menkhan uniyakʼ hoṛmore dos menakʼtaete sonot ṭhạ̃i reakʼ orwal ṭhen se pinḍ samaṅre senkate ińakʼ ṭhạ̃iko reakʼ sonottetʼ do bae nosṭo daṛeakʼa. Iń kangeạń aperen Probhu Isor do, ińge naekekoń begar dohoakatʼkoa.”

Levitikus 20:3

Uni do mẽtʼ ar mẽtʼteń ńelea, ente uni jạtrenko khon uni doń marao giḍiyea, ente Molok debota ṭhen acʼren gidrại samaṅedete ińakʼ sonot tạmbui bhõnḍ ocoyeda ar ińakʼ ńutum hõe besonot ocoyetʼkana.

Levitikus 19:30

Ińiń hukum akatʼ jirạukʼ mãhã reakʼ dinko manaope ar ińakʼ ḍera tạmbu do sonot dohoype. Iń kangeạń aperen Probhu Isor do.

Levitikus 13:59

Noako niạm lekate murchucʼjom rogakʼ, upʼ se musnạ kicricʼ, se otorre se bharnare se hartare se harta reakʼ jãhãn jinisre sapha se besapha mente lại sodor hoyokʼa.

Levitikus 11:47

Okaṭakʼ do saphawakʼ ar okaṭakʼ do besaphawakʼ, okoeṭakʼ janwarakʼ jelpe jom daṛeakʼa ar okoeṭakʼ janwarakʼ jel do bape jom daṛeakʼa ona do bujhạukatepe calakʼa.”

Levitikus 15:32

Herel hoṛakʼ herelteakʼ itạ, maejiukoakʼ mãyãm oḍokokʼ, herel se maejiukoakʼ hoṛmo reakʼ jãhãn besaphawakʼ ar besapha maejiu tulucʼe giticʼmidokʼ ar noako iạte besapha akane hoyokʼ enḍekhan uni lạgitʼ kangea noako ạn do.

1 Samuel 3:14

Ona iạte Eliyakʼ bõsko reaṅ iń do kiriạkateń meneda, janwar samaṅokʼakʼ se eṭakʼ jãhãn samaṅokʼakʼ hotete hõ uniyakʼ bõsko reakʼ behokakʼko do tisge baṅ puruchunokʼ takoa.”

Jeheskel 36:17

“E Manwa hopon, Israelrenko akoakʼ disomreko girobasokʼ jokhecʼ onkoakʼ colon ar kạmiko hotete disạmko bhonḍleda. Ar ińakʼ mẽtʼre onkoakʼ colon do maejiukoakʼ candoteakʼ reakʼ besaphawakʼ lekage tahẽkana.