Levitikus 15:16 - সান্তালী বাইবেল

¹⁶ “Jãhãe herel hoṛakʼ herelteakʼ khon besaphawakʼ oḍokokʼtae enḍekhan uni do ḍạbrạ saphakʼ hoyokʼtaea, ar ạyupʼ hạbicʼ besapha akane tahena.

Levitikus 15:16 Referans Kwoze

Levitikus 22:4

Hoṛmo reakʼ harta ruạ se besaphawakʼ oḍokokʼ oktere Aron bõsren jãhãege ạuriko saphakʼ hạbicʼ samaṅ akatʼ sonotakʼ jinis do bako jom daṛeakʼa. Mạ̃ṛĩre jakʼ akan jãhãn jinisge jãhãeye joṭed se herelakʼ itạ se jãhãn besapha huḍiń jiwiyanko se bhõnḍ akan hoṛe joṭede-metakʼme onko hotete hoṛko besaphakʼ, enḍekhan uni do ạyupʼ hạbicʼ besapha akane tahena. Ar ạuriye ḍạbrạ saphakʼ hạbicʼ samaṅakʼ jãhãn sonotakʼ jinis do bae jom daṛeakʼa.

Levitikus 15:5

Hoṛmo khon besaphawakʼ oḍokokʼkantae hoṛakʼ aṭetʼ okoeye joṭed uni hõ acʼakʼ kiricʼko saphaetae hoyokʼtaea, ar ạyupʼ hạbicʼ besapha akane tahena.

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

1 Patras 2:11

E gateko, noa dhạrtire ape do upriạko kanape ar eṭakʼ disạmre thoṛa dinpe tahẽnkante iń do asokaeteń nehõrape kana, jel reakʼ sana khon sahaṛ akae tahenpe,

2 Korinthiko 7:1

E dulạṛiạ gateko, abon lạgitʼ noako gokʼakʼ menakʼte delabon, jel ar jiu reakʼ joto chut khon apnar bon saphakʼma, ar Isor botorae tulucʼ sonot reakʼ hortebon laha idikʼma.

Levitikus 15:17

Jãhãn kicricʼ se harta reakʼ jinisre uniyakʼ hoṛmo khon oḍokokʼakʼ jinis laṭkaolen khan ona do dakʼte ạrupʼ saphae hoyokʼa, ar ạyupʼ hạbicʼ ona do besapha akan tahena.

Levitikus 15:18

Jãhãe herel hoṛ acʼren bạhutetʼ sãoteye giticʼmitʼlen khan ar herelteakʼ reakʼ itạ oḍoklentae khan unkin do bana hoṛge ḍạbrạ saphakʼ hoyokʼtạkina, ar ạyupʼ hạbicʼ besapha akankin tahena.

Dosar Biboron 23:12

“Ṭạnḍite lạgitʼ metakʼme bahrete calakʼ lạgitʼ ḍera bahre mitʼṭecʼ jaegape ṭhik dohokakʼa.