Levitikus 15:15 - সান্তালী বাইবেল

¹⁵ Unre naeke do unkin modre mitʼṭen do kại ńutumte ar eṭagicʼ do jeredokʼ samaṅokʼakʼ menteye samaṅkinạ. Ar besaphawakʼ oḍokokʼ iạte okoe chutgeye tahẽkan uni saphakʼ lạgitʼ naeke do Probhu Isor samaṅreye puruchuna.

Levitikus 15:15 Referans Kwoze

Levitikus 4:26

Uni do sulukren samaṅokʼicʼ janwarakʼ itil lekage uniyakʼ sanam itilko do pinḍ cetanreye jereda. Ar nonkate naeke do mukhiyạ hoṛakʼ puruchun reakʼe kạmikataea ar nonkate uniyakʼ kại do ikạkʼtaea.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Ephesiko lạgitʼ Pạul Apostolakʼ ciṭhi 1:6

Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniyakʼ sarhao hoyokʼtae.

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

Numeri 25:13

Uni do acʼren Isorakʼ bakhra reakʼe ahkaokʼkante ar Israelkoakʼ kại reakʼ puruchune kạmi akatʼte uni lạgitʼ nonkan mitʼṭecʼ bondobosiń bandhao akada jemon naeke hudạ do uni ar uni bõsrenko talare jaejug hạbicʼ tahẽakan tahen.”

Numeri 15:25

Naeke do goṭa Israel jạtrenko lạgitʼ ona behokakʼ reakʼe puruchuna. Onate onko do ikạko ńama, ente baḍaekate do bako onka akada ar onkoakʼ bhul iạte Probhu Isor ńutumte seṅgelteakʼ samaṅokʼakʼ ar kại ńutumte samaṅokʼakʼko samaṅa.

Levitikus 12:7

Ar naeke do Probhu Isor samaṅre onkoe samaṅkoa ar onate uniyakʼ chut do meṭaokʼtaea, ar ona tayom uni do acʼakʼ mãyãm oḍokokʼ reakʼ chut khone saphakʼa. Noa do gidrại janame tayom maejiuakʼ niạm kana.

Levitikus 4:35

Ar sulukren samaṅokʼicʼ bhiḍiyakʼ itil oḍok lekage uni do uniyakʼ hõ sanam itilkoe oḍoka. Ar ona tayom Probhu Isor ńutumte seṅgelteakʼ samaṅokʼakʼ mente uni do ona itilko pinḍ cetanreye jereda. Nonkate naeke do uni hoṛakʼe puruchuna ar onate uniyakʼ kại do ikạkʼtaea.

Levitikus 4:31

Ar sulukren samaṅ akade janwarakʼ itil oḍok lekage nui samaṅ akade janwarakʼ itile oḍoktaea ar pinḍ cetanreye jeretʼ cabaya. Ar noa reakʼ jut so Probhu Isor doe kusiyakʼa. Nonkate naeke do uni hoṛakʼe puruchuna ar uniyakʼ kại do ikạkʼtaea.

Levitikus 11:24

“Noko iạte ape dope besaphakʼa. Ar okoe onkoakʼ mạ̃ṛĩye joṭed uni do ạyupʼ hạbicʼ besapha akane tahena.

Levitikus 11:25

Ar jãhãege onkoren mitʼṭecʼ reakʼ mạ̃ṛĩye joṭed enḍekhan uni do acʼakʼ kicricʼe saphaetaea ar ạyupʼ hạbicʼ besapha akane tahena.

Levitikus 11:27

Pon jaṅgate taṛam jiwiyanko modre okoe do talkateko taṛam onko hõko besaphagea. Ar okoe onkoakʼ mạ̃ṛĩye joṭed uni do ạyupʼ hạbicʼ besapha akane tahena.

Levitikus 11:28

Ar jãhãege onkoakʼ mạ̃ṛĩye idiy uni do acʼakʼ kicricʼe saphaetaea ar ạyupʼ hạbicʼ besapha akane tahena. Ape lạgitʼ noko jiwiyanko doko besaphagea.

Levitikus 11:31

Kạṭicʼ jiwiyanko modre noko do ape lạgitʼko besaphagea. Nokoakʼ mạ̃ṛĩ okoeye joṭed uni hõ ạyupʼ hạbicʼ besapha akane tahena.

Levitikus 11:32

Noko modren mitʼṭecʼ hõ jãhãnakʼ jinis cetanreye gocʼkate ńur akan tahen enḍekhan ona hõ besaphawakʼ hoyokʼa. Baṅ do kaṭ reakʼ jãhãn bhajan, baṅ do kicricʼ, baṅ do harta, baṅ do bosta, jãhãn sapapʼakʼge, ar onate jãhãnakʼgeko kạmi ona joto do besaphawakʼ hoyokʼa. Ona jinis do dakʼre topo dohokakʼ hoyokʼa. Ar ạyupʼ hạbicʼ besaphage tahena, ar ona tayom do saphawakʼ hoyokʼa.

Levitikus 11:39

“Apepe jomko nonkan jãhãn janware gocʼlen khan ar jãhãe uniyakʼ mạ̃ṛĩye joṭetʼ lekhan uni do ạyupʼ hạbicʼ besapha akane tahena.

Levitikus 11:40

Ar jãhãe uni gocʼ akan janwarakʼ jele jom enḍekhan uni do acʼakʼ kicricʼe saphaetaea ar ạyupʼ hạbicʼ besapha akane tahena. Ar jãhãege uni gocʼ akanicʼakʼ mạ̃ṛĩ titeye sapʼ idiy enḍekhan uni do acʼakʼ kicricʼ saphaetae hoyokʼtaea ar ạyupʼ hạbicʼ besapha akane tahena.

Levitikus 12:8

Samaṅokʼ lạgitʼ bhiḍi hopon bae juṛạu daṛeae khan uni do barea potam ar baṅkhan barea parwa hopon ạgukin hoyokʼtaea. Unkin modre mitʼṭen do jeredokʼ samaṅokʼakʼ lạgitʼ ar eṭagicʼ do kại ńutumteye samaṅea. Nonkate naeke do chute meṭaokataea ar uni doe sapha utạrokʼa.”