Levitikus 14:7 - সান্তালী বাইবেল

⁷ Ar naeke do murhucʼjom rog khone sapha ocokʼkan hoṛ eae dhao mãyãme irciwaea ar sapha akanae menteye lại sodorea. Ar uni jiwetʼicʼ cẽṛẽ do ṭạnḍi secʼe aṛakʼgotʼkaea.

Levitikus 14:7 Referans Kwoze

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Jesaea 52:15

Menkhan uni do aema jạtren hoṛkoe saphakoa, ar uni khạtirte rapajko do moca sikubokʼtakoa; ente okaṭakʼ baṅ lại akawatʼko tahẽkan onageko oroma.”

2 Rapajko 5:14

Unre Naman do Isorren hoṛakʼ katha leka senkate jordanre eae dhaoe unumena. Onate uniyakʼ hoṛmo do bogeyena ar huḍiń gidrạkoakʼ hoṛmo leka arhõ mońj ruạṛentaea.

2 Rapajko 5:10

Unre Elisae do mitʼṭen hoṛ hoteteye roṛ gotʼkada, “Jordan gaḍate senkate am do eae dhao umokʼme. Inạ khan am dom boge utạrokʼa.”

1 Patras 1:2

Isor Baba do acʼakʼ monsubạ lekage apeye bachao akatʼpea, ar acʼ lạgitʼge sonot Jiu do apeye begar dohoakatʼpea. Noa reakʼ monsubạ do hoyokʼkana, jemon Jisu Mạsi gobolrepe tahen ar uniyakʼ mãyãm reakʼ chiṭiạu hotetepe sapha ocokʼ. Isor do ạḍi daya ar suluke danape ma.

Ibriko 9:19

Joto hoṛko ṭhen ạn-ạriko reakʼ mimitʼ hukum lại saḍe tayom Mose do pheṭãṛ ar meromkoakʼ mãyãme hataokeda ar ona sãote dakʼ mesalkate jeṅgetʼ arakʼ bheḍawakʼ upʼ ar husopʼ dạrte ona ạn-ạriko reakʼ puthire ar hoṛko cetanre onaye chiṭiạukeda.

Ibriko 9:13

Okoeko bhõnḍ akan tahẽkan onko cetanre merom ar ḍaṅgrawakʼ mãyãm se pheṭãṛ atar akade reakʼ torocʼko chiṭiạu akokan tahẽkana; onate onkoakʼ do eken bahre hoṛmo saphakʼkan tahẽkana.

1 Johan 5:6

Nui kangeae Jisu Mạsi, one okoe do dakʼ ar mãyãm hoteteye hecʼlen. Eken dakʼ hotete do baṅ, bickom dakʼ ar mãyãm hoteteye hecʼlena. Sonot Jiu do noa reaṅ gohae emeda, ente uni do acʼgeye sạriyakʼtetʼ kana.

Ibriko 12:24

Okoe doe nãwã bondobosren dene banaricʼ kan uni Jisu ṭhenpe hecʼakana; ar Habelakʼ mãyãm khon okaṭakʼ mãyãm do artetʼ bhage kathae roṛ, ona chiṭiạu akan mãyãm ṭhenpe hecʼakana.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

Ibriko 9:26

Ar onkage hoyokʼ hoylentae khan enḍekhan dhạrti sirjạu khon ehopʼkate ạḍi dhaoge duk jomkate gujukʼ hoykokʼtaea; menkhan ńitokʼ sanam jugko reakʼ mucạtʼre uni do mitʼ dhaogeye sodorena jemon apnartetʼe dãṛẽkʼte kạikoe ocokʼ giḍikakʼ.

Ibriko 9:21

Sewa tạmbu ar dewa sewa kạmire beohar lạgitʼ joto jinisko cetanre Mose do inạ mitʼ lekage mãyãme ircileda.

Johan 19:34

Menkhan mitʼṭen palṭon do borlomte uniyakʼ kokhareye sobokʼkedea ar onḍe khon mãyãm ar dakʼ oḍokena.

Mikạ 7:19

Am do arhõ ale cetanrem mãyãkʼkana; ar aleakʼ sanam kạiko dom jaṅga latarketʼtalea ar aleakʼ joto ghạṭko do jalapuri reakʼ khạndri dakʼrem giḍikatalea.

Daniel 9:24

“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.

Sereńko 51:7

Husopʼ dare reakʼ ḍạrte saphayińme, onate iń doń sapha utạrokʼa; ạrupʼ saphayińme, onate iń do pĩṛĩtʼ pĩṛĩtʼ ponḍ iń hoyokʼa.

Sereńko 51:2

Ińakʼ sanam ghạṭko khon ạrupʼ saphayińme; ińakʼ kại khon sapha utạr kạńme baṛe.

Levitikus 16:22

Uni hoṛ do idikate hahaṅkarreye aṛakʼ oṭokaea. Ar uni merom boda do nisun jaegakore onkoakʼ sanam ghạṭkoe gokʼ baṛaea.

Levitikus 16:19

Pinḍ sapha ar Israelko sonotko lạgitʼ uni do kạtupʼte mãyãm hataokate ona ar onko cetanre eae dhaoe irciya.

Levitikus 16:14

Ar ona tayom do uni ḍaṅgrawakʼ thoṛa mãyãm kạṭupʼte hataokate daya duṛupʼakʼ reakʼ samaṅ secʼe irciyakʼa. Ona tayom arhõ kạṭupʼkote thoṛa mãyãm hataokate daya duṛupʼakʼ samaṅre eae dhaoe irciyakʼa.

Levitikus 14:51

ar ona debdạru kaṭ, husopʼ dare reakʼ ḍạr, jeṅgetʼ arakʼ sutạm ar jiwetʼicʼ cẽṛẽ do uni gocʼkedeyicʼ cẽṛẽyakʼ mãyãmreye topoyea ar oṛakʼ cetanre eae dhaoe irciyakʼa.

Levitikus 13:17

Unre naeke do arhõe ńeltaea. Ar uniyakʼ goṭa hoṛmo reakʼ rog sạrige ponḍgetae khan uni do sapha mentegeye lại sodorea, ente uni doe saphagea.

Levitikus 13:13

enḍekhan naeke do mońjteye ńelea. Ar sạrige goṭa hoṛmore menakʼtae ar ponḍge khan uni do sapha menteye lại sodorea. Menkhan goṭa hoṛmo ponḍge menakʼtae iạte uni do besaphayicʼ doe baṅkana.

Levitikus 8:11

Uni do sunum reakʼ thoṛa hataokate pinḍ cetanre eae dhaoe ircikeda. Ar ona sunumte pinḍ ar ona reakʼ sanam thạri-bạṭiko ar gamlako sudhạ Probhu Isor ńutumteye begarkeda.

Levitikus 4:17

Uni do ona mãyãmre acʼakʼ kạṭupʼkoe topoetaea ar Probhu Isor samaṅre sonot ṭhạ̃i reakʼ orwal secʼ eae dhaoe irciya.

Levitikus 4:6

Ar ona mãyãmre acʼakʼ kạṭupʼe caḍoetaea ar thoṛa mãyãm do Probhu Isor samaṅre ona sonot ṭhạ̃i reakʼ orwal secʼ eae dhaoe irciya.

Numeri 19:12

Uni do tesar ar eae din hilokʼ saphakʼ reakʼ dakʼte saphakʼ hoyokʼtaea ar ona tayom doe saphakʼa. Menkhan tesar ar eae hilokʼ hõ apnar bae saphakʼ enḍkhan uni do besapha akangeye tahena.