Levitikus 14:54 - সান্তালী বাইবেল

^54-56 Noa do murhucʼjom rog, babatʼ rog, kicricʼre se oṛakʼko reakʼ murhucʼjom rog, laṭa loṭoko, bhumriko ar ṭaklakʼ ṭiklạkʼko rog reaṅ niạm kana.

Levitikus 14:54 Referans Kwoze

Levitikus 15:32

Herel hoṛakʼ herelteakʼ itạ, maejiukoakʼ mãyãm oḍokokʼ, herel se maejiukoakʼ hoṛmo reakʼ jãhãn besaphawakʼ ar besapha maejiu tulucʼe giticʼmidokʼ ar noako iạte besapha akane hoyokʼ enḍekhan uni lạgitʼ kangea noako ạn do.

Levitikus 14:32

Murhucʼjom rog menakʼtae hoṛ okoe do saphakʼ lạgitʼ daṛe bạnukʼtae eken uni hoṛ lạgitʼ kana noa niạm do.

Dosar Biboron 24:8

“Murhucʼ jom rog menakʼtae hoṛ khon sontorokʼpe ar Liwi naekeko okako hukumape onako joton salakʼ manaope. Iń okań hukum akawatʼko ape hõ sontor salakʼ onka leka calakʼpe.

Numeri 19:14

“Jãhãe hoṛ tạmbu bhitrireye gocʼlen khan noa niạmge manao hoyokʼa- ar okoe ona tạmbu bhitriteko bolokʼ ar okoe ona tạmbureko tahẽkan onko jotoge eae din hạbicʼ besapha akanko tahena.

Numeri 6:13

“Probhu Isor ńutumte mitʼṭen nạsri hoṛ do begar tahen reakʼ din purạulentae tayom uni do noa manao hoyokʼtaea. Uni do ńapamokʼ tạmbu reakʼ duạr ṭhene hijukʼa.

Numeri 5:29

“Jãhãe maejiu bapla tayom bạṛicʼ horte senkateye bhõnḍlen khan se jãhãe herel hoṛ indidokʼ iạte rinicʼtetʼ cetanreye jolonokʼ enḍekhan uni do niạ niạmtege kạmikatae hoyokʼa. Uni do Probhu Isor samaṅre acʼren rinicʼtetʼe idiyea ar naeke do ona niạm lekageye kạmikataea.

Levitikus 14:2

“Murhucʼjom rog hoyakan nonkan jãhãe hoṛakʼ saphakʼ reakʼ dinre niạ niạmge manao hoyokʼa. Uni do naeke ṭhene calakʼa.

Levitikus 11:46

“Janwarko, cẽṛẽko ar dakʼren jiwiyanko ar ot cetanre ạcur baṛae joto lekan kạṭicʼ janwarko reaṅ noage ińakʼ niạm tahẽyena.

Levitikus 7:37

Noa do hoyokʼkana jeredokʼ samaṅokʼakʼ, jomakʼ samaṅokʼakʼ, kại ńutumte samaṅokʼakʼ, dos ńutumte samaṅokʼakʼ, ojokʼ bahal porob reakʼ samaṅokʼakʼ ar sulukren samaṅokʼakʼ reakʼ niạmkoge.

Levitikus 7:1

“Noa do hoyokʼ kana dos ńutumte samaṅokʼakʼ niạm. Samaṅokʼakʼ reakʼ noa jel do sonot utạrakʼ kana.

Levitikus 6:25

“Aron ar uniren hoponkom metakoa, noa do kại ńutumte samaṅokʼakʼ kana. Ar jeredokʼ samaṅedekạnicʼ janwar do teṅgenokʼ ṭhạ̃ire Probhu Isor samaṅre kại ńutumte samaṅedekanicʼ janwar hõ gure hoyokʼa. Noa samaṅokʼakʼ reakʼ jel do sonot utạrakʼ jinis kana.

Levitikus 6:14

“Jomakʼ samaṅokʼakʼ niạm do nonkaleka. Aronren hoponko do jomakʼ samaṅokʼakʼ jinisko pinḍ ṭhen Probhu Isor samaṅreko ạguiya.

Levitikus 6:9

“Aron ar uniren hoponkom baḍae ocokoa, jeredokʼ samaṅokʼakʼ reakʼ niạm do nonka leka hoyokʼa. Ona samaṅokʼakʼ jinis do goṭa ńindạ ar setakʼ hạbicʼ pinḍ reakʼ seṅgel cetanre tahena, ar pinḍ reakʼ seṅgel do jol akaege dohokakʼ hoyokʼa.

Levitikus 14:53

Ona tayom uni jiwetʼicʼ cẽṛẽ do nagraha bahrereye aṛakʼgotʼkaea. Ar nonkate ona oṛakʼ do saphakʼa.”

Levitikus 13:3

Ar naeke do uniyakʼ harta reakʼ ona roge ńeltaea. Ar onḍenakʼ upʼko ponḍ akan khan ar rog do hartate bolo akan khan ona do murhucʼjom rog mente bujhạu hoyokʼa. Unre naeke do ona ńel tayom besapha menteye lại sodorea.