Levitikus 14:5 - সান্তালী বাইবেল

⁵ Ona tayom naeke do hasa bhajanre jharna khon rakapʼ ạguakatʼ dakʼ cetanre unkin cẽṛẽ modre mitʼṭen do goje reakʼe hukuma.

Levitikus 14:5 Referans Kwoze

Ibriko 2:14

Onko gidrạko doko hoyokʼ kana mãyãm ar jelren manwage. Onate Jisu acʼtetʼ hõ jel ar mãyãmren manwae hoyena, jemon gujukʼ reakʼ daṛe okoeyakʼ tire menakʼ uni Soetan do acʼakʼ gujukʼ hoteteye bhagaoe.

Levitikus 14:50

Ar ona tayom do hasa bhajanre dohoakatʼ jharna dakʼ cetanre mitʼṭen cẽṛẽye dãṛẽyea;

2 Korinthiko 13:4

Uni do nijorreye kurus ocolena, menkhan Isorakʼ daṛete jiwetʼ menaea. Ale do uni sãote mitʼakantele nijorakana, menkhan ape lạgitʼ Isorakʼ daṛete uni tulucʼ jiwetʼle tahena.

2 Korinthiko 5:1

Baḍaegea bon, noa dhạrtire oka kumbạ oṛakʼre bon tahenkan metakʼme, oka nijor hoṛmowante menakʼ bon ona rạputʼlenre hõ aboakʼ do Isor emakʼ mitʼṭecʼ oṛakʼ menakʼ tabona. Ona oṛakʼ do manwa tite benaoakʼ do baṅkana, ona do jaejug khonge sermare menakʼa.

2 Korinthiko 4:7

Menkhan noa dhon do hasa bhajanre dohoakana, ar alege ona hasa reakʼ bhajan do. Hasa reakʼ bhajanre dohoakana jemon hoṛkoko bujhạu daṛeakʼ baṅma, noa asambheṛ daṛe do apnar khonakʼ do baṅ bickom Isor ṭhen khonge hecʼakana.

Numeri 5:17

Ona tayom mitʼṭecʼ hasa reakʼ bhajanre thoṛa dakʼ ar sekʼwa tạmbu pinḍạ reakʼ thoṛa dhuṛi hataokate ona dakʼreye curuja.

Levitikus 14:4

enḍekhan naeke do uni saphakʼ lạgitʼ barea jiwetʼ sapha cẽṛẽ, debdạru kaṭ, jeṅgetʼ arakʼ sutạm ar husopʼ dare reakʼ ḍạr ạgu torae lạgitʼe metaea.

Levitikus 14:6

Ar jiwetʼicʼ cẽṛẽ, debdạru kaṭ, jeṅgetʼ arakʼ sutạm ar husopʼ dạṛ do jharna dakʼ cetanre gocʼ akade cẽṛẽwakʼ mãyãmreye topoya.