Levitikus 14:10 - সান্তালী বাইবেল

¹⁰ “Ar irạlakʼ dinre do barea bheḍa hopon ar mitʼ bochorren mitʼṭen bhiḍi hopone ạgu darakinạ. Onko mimitʼko do niphuṭ utạrko hoyokʼ jạruṛa. Ar ona sãote uni do jomakʼ samaṅokʼakʼ lạgitʼ mõṛẽ keji ponsae gram sunum mesalakatʼ mĩhĩ holoṅ ar mitʼ liṭar pe poa sunum ạgui hoyokʼtaea.

Levitikus 14:10 Referans Kwoze

Levitikus 2:1

“Jãhãege Probhu Isor ńutumte jomakʼ samaṅokʼakʼe samaṅ khan uni do mĩhĩ holoṅteye onkaema. Uni do ona cetanre sunum dulkate onare kundurui dohoya ar Aronren hoponko ṭhen, metakʼme naekeko ṭhene idiya. Ar naeke do ona sunum sudhạ mitʼ cuputʼ holoṅe locaea ar kunduru do jotogeye hataoa ar jotowakʼ samaṅ baṅkate eken niạkoge pinḍ cetanreye jereda. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Luk 5:14

Jisu do uniye hukumadea, “Noa katha do okoe ṭhen hõ alom lại baṛaea, bickom senkate naeke ṭhen ńel ocokʼme. Ar ona tayom saphakʼ babotre Mose okaṭakʼ dãṛẽ reakʼe hukumakatʼ ona baṛe samaṅ me. Enḍekhan hoṛko ṭhenem sạbudokʼa am dom boge akana.”

Mark 1:44

“Ńelme, noa katha do okoe ṭhen hõ alom lại baṛaea. Bickom naekeko ṭhen senkate ńel ocokʼme ar saphakʼ lạgitʼ Mose okaṭakʼ samaṅ reakʼ kathae menakatʼ ona samaṅme. Ar nonkate naekeko ṭhenem sạbudokʼa, am dom boge akana mente.”

Mathae 8:4

Ar Jisu do uniye metadea, “Men, okoe hõ alom lại baṛawakoa; bickom senkate naeke ṭhen ńel ocokʼme, ar Moseye hukum akatʼ leka dan samaṅme. Onate hoṛko ṭhenem sạbudokʼa am dom boge akana.”

Levitikus 14:21

“Menkhan uni doe reṅgecʼ hoṛkan khan ar onako ạgui reakʼ daṛe bạnukʼtae enhõ dos ńutumte samaṅokʼakʼ lạgitʼ uni do mitʼṭen bheḍa hopon ạguiye hoyokʼtaea, ar naeke do puruchun ńutumteye dolaoea. Ar ona sãote uni hoṛ do jomakʼ samaṅokʼakʼ lạgitʼ mitʼ keji irạl sae gram sunum mesalakatʼ mĩhĩ holoṅ, mitʼ liṭar pe poa sunum ar barea potam hopon baṅkhan barea parwa hopon ạgukin hoyokʼtaea, noa do uniyakʼ daṛeakʼ bahre do baṅkana. Ar unkin cẽṛẽ modre mitʼṭen do kại ńutumte ar eṭagicʼ do jeredokʼ samaṅokʼicʼ ńutumteye samaṅkina.

Levitikus 14:15

Ar inạ tayom ona sunum do acʼakʼ leṅga ti talkareye dula.

Levitikus 14:12

“Ar naeke do unkin bhiḍi modren mitʼṭene hataoea ar mitʼ liṭer pe poa sunum tulucʼ dos ńutumte samaṅokʼakʼe samaṅa ar dolek samaṅokʼakʼ ńutumte Probhu Isor samaṅreye dolaoa.

1 Patras 1:19

ape dope kiriń chaḍao akana niphuṭ ar bedagan Bheḍa Hopon Jisu Mạsiyakʼ mãyãmte.

Johan 6:51

Ińge ona jiwetʼ reakʼ piṭhạ do one serma khon pheḍ hecʼakan. Ar okoe noa piṭhại jom uni do jaejug hạbicʼ jiwetʼe tahena. Ińakʼ hoṛmo kangea ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”

Johan 6:33

Serma khon pheḍ hecʼkate manwako okoe jione emakokan unikangeae Isore emokʼkan piṭhạ do.”

Johan 1:29

Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

Numeri 28:20

Jomakʼ samaṅokʼakʼ lạgitʼ mimitʼ ḍaṅgra sãote sunumre sipiyakʼ mõṛẽ keji ponsae gram holoṅ emokʼ hoyokʼa; ar bheḍa sãote do pe keji turui sae gram holoṅ ar mimitʼ bheḍa sãote do mitʼ keji irạl sae gram holoṅ emokʼ hoyokʼa.

Numeri 6:14

Ar onḍe Probhu Isor ńutumte samaṅokʼakʼ lekate jeredokʼ samaṅokʼakʼ lạgitʼ mitʼ bochor umerren mitʼṭen niphuṭ utạricʼ bheḍa hopon, kại ńutumte samaṅokʼakʼ lạgitʼ mitʼṭen mitʼ bochor umerren niphuṭ utạricʼ bhiḍi hopon ar sulukren samaṅokʼ lạgitʼ mitʼṭen niphuṭ utạricʼ bheḍa ạguiye hoyokʼtaea.

Levitikus 23:13

Ona sãote jomakʼ samaṅokʼakʼ lekate sunum mesalakatʼ pe keji turui sae gram holoṅ hõ samaṅ hoyokʼtaea. Noa do Probhu Isor ńutumte seṅgelteakʼ jomakʼ samaṅokʼakʼ kana one ona reakʼ jut so Probhu Isore kusiyakʼkan. Ar inạ sãote coḍor samaṅokʼakʼ lekate mitʼ liṭar darkha rasa hõ emokʼ hoyokʼtaea.

Levitikus 9:1

Ojokʼ bahalokʼ reakʼ irạlakʼ din hilokʼre Aron ar uniren hoponko ar Israelren mukhiyạko do Moseye hohowatʼkoa.

Levitikus 4:32

“Kại ńutumte dãṛẽ lạgitʼ jãhãege bhiḍi hopone ạguiye, enḍekhan uni do niphuṭ utạricʼ bhiḍi ạguiye hoyokʼtaea.

Levitikus 2:13

Jomakʼ samaṅokʼakʼ lạgitʼ okako jinis ạgukʼ onare do buluṅ emakʼ hoyokʼa. Israelren Isor onko lạgitʼ oka bondobose dohoakatʼ onate jomakʼ samaṅokʼakʼre buluṅ do baṅ badkakʼ hoyokʼa; joto lekan samaṅokʼakʼre buluṅ do emakʼtege hoyokʼa.

Levitikus 2:11

“Probhu Isor ńutumte jomakʼ samaṅokʼ lạgitʼ jãhãnakʼge ạgukʼ ona do bin khạmiyanakʼ baṛe hoyokʼ ma. Probhu Isor ńutumte seṅgelre samaṅokʼakʼ jiniskore khạmi se rasa do alope jereda.

Levitikus 1:10

“Noa jeredokʼ samaṅokʼakʼ do bheḍa se meromteye hoyocoe khan uni do mitʼṭen niphuṭ merom boda se bheḍa baṛeye ạguiyema.

Exodus 29:40

Pạhil bheḍa sãote do mitʼ keji irạl sae gram mĩhĩ holoṅ ar koṭecʼ roḍocʼakʼ mitʼ liṭar jạitun sunum sãote mesalkate samaṅ hoyokʼa. Ona chaḍa coḍor lạgitʼ mitʼ liṭar darkha rasa hõ samaṅ hoyokʼa.

Levitikus 14:11

Ar okoeṭakʼ naeke uniyakʼ saphakʼ reakʼe kạmikatae uni do samaṅokʼakʼ lạgitʼe ạguakatʼ uniyakʼ jinisko ńapamokʼ tạmbu reakʼ duạr ṭhen Probhu Isor samaṅreye ạguiya.

Numeri 7:43

Uniyakʼ sandes do tahẽkana jomakʼ samaṅokʼ lạgitʼ sunumre sipiyakʼ holoṅ, mitʼ keji pesae gram ojon reakʼ mitʼṭecʼ rupạ thạri ar eae sae gram ojon reakʼ mitʼṭecʼ rupạ reakʼ bạṭi;

Levitikus 1:3

“Uni do ona jeredokʼ samaṅokʼakʼ ḍaṅgrateye menetʼ khan enḍekhan uni do niphuṭ ạnḍiạ ḍaṅgrage ạguiye hoyokʼtaea. Probhu Isor jemon uni cetanreye kusikʼ onate uni do ńapamokʼ tạmbu reakʼ duạr ṭhen ḍaṅgrae ạguiyea.