Levitikus 13:6 - সান্তালী বাইবেল

⁶ Ar eae din hilokʼ naeke do arhõe ńeltaea. Ar inạko dinte hartare pasnao baṅkate cabalen khan uni do saphageae menteye lại sodorea, ente ona do eken bhumri kana ar jãhãnakʼ do baṅkana. Unre uni hoṛ do acʼakʼ kicricʼkoe saphaetaea ar ona tayom doe sapha utạrokʼa.

Levitikus 13:6 Referans Kwoze

Levitikus 11:25

Ar jãhãege onkoren mitʼṭecʼ reakʼ mạ̃ṛĩye joṭed enḍekhan uni do acʼakʼ kicricʼe saphaetaea ar ạyupʼ hạbicʼ besapha akane tahena.

Levitikus 14:8

Ar sapha ocokʼicʼ do acʼakʼ hoṛmo ar bohokʼ reakʼ sanam upʼko ar pạlku upʼkoe hoyo saphaea, ar kicricʼkoe saphaetaea are ḍạbrạ saphakʼa. Ar ona tayom do sapha akane hoyokʼa. Uni do ḍerateye bolo daṛeakʼa menkhan eae din hạbicʼ acʼakʼ tạmbu bahrere tahen hoyokʼtaea.

Jakob 3:2

Abo do sanamkoge ạḍi lekate bon behokeda. Jãhãe katha hotete bae behoketʼ khan enḍekhan uni doe dhoromgea; ar uni do goṭa hoṛmoe sambṛao daṛeakʼ kana.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

Ibriko 9:10

Onako do eken hoṛmoteakʼ kana, metakʼme jom-ńũ ar dhorom reakʼ niạm lekate saphakʼ reaṅge. Onako do sanamakʼ jut aroe okte hạbicʼge kạmire lagaolena.

2 Korinthiko 7:1

E dulạṛiạ gateko, abon lạgitʼ noako gokʼakʼ menakʼte delabon, jel ar jiu reakʼ joto chut khon apnar bon saphakʼma, ar Isor botorae tulucʼ sonot reakʼ hortebon laha idikʼma.

Romiko lạgitʼ Pạul Apostolakʼ ciṭhi 14:1

Pạtiạure okoeye nijorge uni do ataṅ sãohãyepe; uniyakʼ hudis bundis joṅre uni tulucʼ alope reṭe peṭekʼa.

Jesaea 42:3

Ar talga tạuạkʼ akan chuci do bae rạpuda ar ńũṛũ ńũṛũkʼkan diuhe hõ bae ĩṛĩja. Uni do dhoromte hok reakʼe bicạra.

Sosolhayic̕ 7:20

Dhạrtire nonkan dhorom hoṛge bạnukʼkoa okoe jao okte bhageakʼe kạmikan, ar tishõ bae kạiyetʼ.

Kạhtukko 20:9

Okoeye men daṛeakʼa, “Iń do ińakʼ ontoriń khạṭi akada, ar ińakʼ kại khoniń sapha akana?”

Sereńko 19:12

Apnarakʼ bhul do okoeye bujhạu daṛeakʼa? Ińakʼ bin baḍae dosko reakʼ baṛe ikạitińme.

1 Rapajko 8:45

enḍekhan serma khon onkoakʼ koejoṅ ar nehõr ańjomtakome ar onko secʼ baṛe tahenme.

1 Rapajko 8:38

unre amren Israel hoṛko jãhãege mon khon kastaokate niạ mundil secʼ ti tiạrkateko koejoṅ se am ṭhenko nehõrokʼ,

Dosar Biboron 32:5

“Acʼren hoṛko do unire bạṛicʼko beohar akada. Onkoakʼ dos dạgi iạte uniren hopon ar hoponera doko baṅkana. Onko do bin pạtiạran ar phepṛa hoṛ kanako.

Levitikus 13:2

“Jãhãe hoṛ hoṛmo reakʼ hartare jãhãn laṭa loṭo se bhumri se mitʼ bar ṭaklakʼ ṭiklạkʼ rakapʼae ar ona tayom do murhucʼjom rog leka ńelokʼtae, enḍekhan uni do naeke Aron se uniren jãhãeṭakʼ hopon ṭhene ạgu ocokʼma.

Levitikus 11:40

Ar jãhãe uni gocʼ akan janwarakʼ jele jom enḍekhan uni do acʼakʼ kicricʼe saphaetaea ar ạyupʼ hạbicʼ besapha akane tahena. Ar jãhãege uni gocʼ akanicʼakʼ mạ̃ṛĩ titeye sapʼ idiy enḍekhan uni do acʼakʼ kicricʼ saphaetae hoyokʼtaea ar ạyupʼ hạbicʼ besapha akane tahena.

Levitikus 11:28

Ar jãhãege onkoakʼ mạ̃ṛĩye idiy uni do acʼakʼ kicricʼe saphaetaea ar ạyupʼ hạbicʼ besapha akane tahena. Ape lạgitʼ noko jiwiyanko doko besaphagea.

Levitikus 13:5

Ar eae din hilokʼ naeke do arhõe ńel doṛhaetaea. Ar inạko dinte ona rog harta bhitri hạbicʼ baṅ bololen khan enḍekhan uni do arhõ eae din begarreye dohokaea.

Levitikus 13:7

“Naeke do uni hoṛ saphageae menteye lại sodore tayom hõ uni hoṛakʼ hartare bhumri pasnao idikʼ enḍekhan uni do arhõ naeke ṭhen senkateye ńel ocoytaea.