Levitikus 13:45 - সান্তালী বাইবেল

⁴⁵ “Nonkan rog okoeyakʼ hoyokʼ uni do oṛecʼ kicricʼ horog hoyokʼtaea. Ar upʼ do aṛakʼge tahentaea. Uni do acʼakʼ mẽtʼ betʼkate ãṭ aṛaṅte ‘besapha, besapha,’ roroṛ hoyokʼtaea.

Levitikus 13:45 Referans Kwoze

Mikạ 3:7

Onate dorson ńeńelko doko lajao ocokʼa gonokko doko bemanot ocokʼa. Onko do jotoge mẽtʼãhãko danaṅtakoa, ente Isor do cetʼ roṛ ruạṛge bae emakoa.

Levitikus 10:6

Ona tayom Mose do Aron ar uniren banar hopon Eliasar ar Ithamare metatʼkinạ, “Duk iạte bohokʼ totolakʼ do aloben raṛaea ar kicricʼ hõ alo ben oṛeja. Arben onkae khan aben hõ ben gujukʼa ar goṭa Israel jạtrenko cetanre Probhu Isorakʼ edre do sodorokʼa. Menkhan Probhu Isor okoekin seṅgelteye gocʼketʼkin unkin lạgitʼ aperen peṛa pạrbhạko, metakʼme eṭakʼ Israelko doko rakʼ homor daṛeakʼa.

Jeheskel 24:17

Am do kuhrạukʼme. Ar gocʼ icʼ lạgitʼ do alom homor halaṅa. Dạhṛikʼme jaṅgare cạṭki horogme; amakʼ moca alom bedtama ar hokʼmorkoakʼ jomakʼ hõ alom joma.”

Rak̕joṅ 4:15

Hoṛko do hohoateko metakokan tahẽkana, “Ocogokʼpe, ape dope bhonḍgea. Ocogokʼpe, men ocokʼpe, alope joṭetʼlea. ” Onko do uḍạcal hoṛ lekako ạcur baṛaekan tahẽkana; boṅgan hoṛ jạtrenko doko menetʼ tahẽkana, “Abo talare upriạ do bako tahẽ daṛeakʼa. ”

Luk 17:12

Unre mitʼṭecʼ atoteko bolokʼkan tahẽkanre uni do gel goṭen murhucʼ jom rog hoṛe ńel ńamketʼkoa.

Jeheskel 24:22

Unre Jeheskel okae cekaketʼ apehõ onape onkaea. Moca bape beda ar hokʼmorkoakʼ jomakʼ hõ bape joma.

Levitikus 21:10

“Maraṅ naeke, metakʼme boehako modre okoeyakʼ bohokʼre ojokʼ bahalokʼ reakʼ sunum dul akan ar bahalokʼ reakʼ porob hotete okoeṭakʼ maraṅ naeke do sonot kicricʼ horog reakʼ ạidạriye ńamakatʼ, uni do duk sodor lạgitʼ bohokʼ bae koṭoetaea ar acʼakʼ kicricʼko hõ bae oṛejtaea.

Luk 5:8

Noa ńelte Simon Patras do Jisu samaṅre ombakʼenteye menkeda, “E Probhu, iń doń kại hoṛ kana; iń ṭhen khon calao joṅme baṛe.”

Jesaea 64:6

Ale sanamkoge besapha hoṛko lekale hoyakana ar aleakʼ sanam dhorom kạmi do mạilạ kicricʼ leka hoyakantalea. Ale sanamkoge sakam lekale tolmocʼ akana, aleakʼ kại do hoe lekageye oṭaṅ idiyetʼlea.

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Sereńko 51:3

Ińakʼ sanam ghạṭko reakʼ katha do disạ menakʼtińgea; ar ińakʼ kại do jaoge iń samaṅre menakʼa.

Joel 2:13

Apeakʼ kicricʼ do baṅ menkhan ontor oṛejtape. Aperen Probhu Isor ṭhen ruạṛ hijukʼpe, ente uni do daya ar mãyãteye perecʼgea; uni do bae edre hodokʼa, uniyakʼ daya do asambheṛgetaea ar bạṛicʼakʼko iạteye kastaokʼkana.

Jirimiạ 36:24

Ar onko do okoehõ bako toraslena raj hõ baṅ ar uniren golamko modren tinạkʼko ańjomketʼ onko hõ baṅ. Ar akoakʼ kicricʼko hõ bako oṛecʼletʼtakoa.

Jirimiạ 3:25

Dela hijukʼpe, abo do aboakʼ lajaoakʼre bon kunḍlạṅokʼma,, aboakʼ lajao do aboko danaṅ esetʼbon ma. Juạn okte khon teheń hạbicʼ abo do aboren Probhu Isor upạrte bon kạiyeda, ar aboren hapṛamko hõ onkageko kạmileda. Abo do aboren Probhu Isorakʼ bon bebatao akada.”

Sereńko 51:5

Iń do janam tora khonge bedhoromre minạńa; ar kại dosarege eṅgạńakʼ kukhireń tahẽkana.

Jobakʼ 42:6

Onate okań men akatʼ ona do ńitokʼ iń chibaṅakʼ kana, ar dhuṛi ar torocʼre duṛupʼ kateń kastaokʼ kana.”

Jobakʼ 1:20

Niạ katha ańjomkate Job doe beretʼente mon reakʼ kosṭote kicricʼe oṛecʼkeda are munḍrạyena. Ona tayom otre ombakʼkate Isor sewawadeteye menkeda,

2 Samuel 13:19

Unre Tamar do bohokʼre torocʼe ojokʼana ar oneye horokʼ akatʼ kicricʼe oṛecʼketʼtaea. Ar ona tayom do bohokʼ capokate ãṭ aṛaṅte rakʼ rakʼteye calaoena.

Genesis 37:29

Tayomte Ruben do ona kuń ṭhen senkate Joseph bae ńel ńamledete dukte uniyakʼ kicricʼ oṛecʼkate boehako ṭhen senkateye menkeda, “Joseph do onḍe bạnuea. Iń do ńitokʼ cetʼ iń cekaea?”

Jesaea 52:11

Ma oḍokokʼpe, men ona jaega khon oḍok hijukʼpe. Ar chutakʼ jãhãn jinisko alope joṭeda. Ape okoe Probhu Isorakʼ bhajankope gokʼ idiyetʼ ape do ona jaega khon oḍok hijukʼpe ar saphakʼpe.

Levitikus 13:44

enḍekhan bujhạu hoyokʼa uni hoṛ do murhucʼjom rog hoyakantaea ar onateye besaphagea. Ar naeke do besapha menteye lại sodorea.

2 Rapajko 7:3

Unre nagraha reakʼ phaṭok duạr bolokʼ horre ponea murhucʼ jom rog hoṛko tahẽkana. Onko do ako akoreko mepenena, “Abo do nonḍe tahẽkate cedakʼ bon gujukʼa?

Numeri 5:2

“Israelkom hukumakoa ḍeraren okoeko hoṛ do murhucʼ jom rog menakʼtako se okoeyakʼ hoṛmo khon besaphawakʼ oḍokokʼkan se mạ̃ṛĩ iạteko besaphage onkan hoṛ jemon ḍera khonko oḍok ocokʼ.