Levitikus 11:44 - সান্তালী বাইবেল

⁴⁴ Iń do aperen Probhu Isor kạnạń. Onate ape do iń ńutumte begar akae tahenpe ar sonotko hoyokʼpe, ente iń doń sonotgea. Ot cetanre ạcur baṛae kạṭicʼ jãhãn janwarte hõ alope besapha ocokʼa,

Levitikus 11:44 Referans Kwoze

Exodus 20:2

“E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.

Levitikus 20:7

Iń ńutumte begarokʼte sonotko hoyokʼpe, ente iń kangeạń aperen Probhu Isor do.

1 Thessalonikikko 4:7

ente Isor do be sapha lekate calakʼ lạgitʼ do baṅ, menkhan sonot lekate calakʼ lạgitʼgeye hohoakatʼ bona.

Levitikus 20:26

Iń Probhu Isor doń sonotgete ape hõ sonotko hoyokʼpe; ar ińge ińren hoṛ hoyokʼ lạgitʼ eṭakʼ jạtrenko khoniń begar akatʼpea.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Levitikus 21:8

E Israelko, naekeko Isor ńutumte begar doho akan hoṛ mente bujhạukope, ente onko do aperen Isor ńutumte jomakʼ samaṅokʼakʼ reakʼko kạmikana. Onate begar akan hoṛ menkate hudiskope, ente iń Probhu Isor doń sonotgea ar iń lạgitʼge ape doń begar dohoakatʼpea.

Dosar Biboron 14:2

Ape do Probhu Isor ńutumte mitʼṭen begar akan jạtrenko kanape. Dhạrtiren sanam jạtrenko mod khon Probhu Isor do apegeye bachao akatʼpea jemon uniren ạidạri porjakope hoyokʼ.

Johan sodor 22:11

ar okoe mạilạyicʼ uni do mạilạ iditegeye tahenma. Dhoromicʼ do dhorom iditegeye tahenma ar okoe doe sonotge uni do sonot iditegeye tahenma.”

Sereńko 99:9

Ona iạte aboren Probhu Isor baṛe sarhaoepe; uniyakʼ sonot buru samaṅre ḍobokʼaepe, ente aboren Probhu Isor doe sonotgea.

Sereńko 99:5

Aboren Probhu Isor sarhaoepe; uniyakʼ jaṅga lebedokʼ ṭhen ikhṛumokʼte ḍobokʼaepe; ente uni doe sonotgea.

Mathae 5:48

Onate aperen sermaren Baba cetʼlekae khạṭige, onkage ape hõ khạṭi hoyokʼpe.

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

Exodus 23:25

Ape do eken aperen Probhu Isorge, metatʼme ińgepe sewawạńạ. Onate apeakʼ jomakʼ ar dakʼre ińakʼ bhor tahena ar ińge apeakʼ sanam ruạ hasokoń ocogtapea.

Exodus 19:6

Ińren hoṛko hotetege ińren naekekoakʼ rajosṭi do hoyokʼa ar noko jạtrenkoge iń ńutumteń begar akatʼko jạtrenko hoyokʼa. Noa katha do Israelkom baḍae ocokoa.”

Jesaea 43:3

ente ińkangeạń amren Probhu, amren babańcaoicʼ Isor, ar Israelren uni sonoticʼ. Iń do amakʼ chaḍao reakʼ dam lekate Misor disạmiń emokʼkana, ar am bodolte do Kus ar Seba disạmge.

1 Samuel 6:20

Onkoko menkeda, “Nui sonot Probhu Isor samaṅre do okoeye ṭikạu tahẽdaṛeakʼa? Ńit khon uni ṭhen do okoeye kol ocokʼa?”

Levitikus 11:43

Onko iạte alope hirkhạ ocokʼa. Ar onko iạte alope besapha ocokʼa. Ar alope bhõnḍokʼa

Exodus 6:7

Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Amos 3:3

Laha khon jãhãe bạkin ṭhik dohole khan cetʼ mitʼ sãotekin calao daṛekokʼa?

Jesaea 51:15

Ińge Probhu, aperen Isor do. One jalapuriń leoḍalere ona do ḍheokote hud hudạukʼkan. Ińakʼ ńutum do phạdkoren Probhuge.

Exodus 16:12

“Israelko iń upạrte okako kathako roṛakatʼ ona doń ańjom akada. Onko do noa katha lạiyakome, ạyupʼ jokhecʼ onko do jelko joma ar setakʼ do lacʼ bikʼ piṭhạko joma. Ar nonkateko baḍae daṛeakʼa, onkoren Probhu Isor doń ińkangea mente.”

Exodus 19:10

Probhu Isor do Mose arhõe metadea, “Teheń ar gapa niạ bar din do hoṛko ṭhen senkate onkom saphakoa. Onko do jemon akoakʼ kicricʼ hõko saphaetako ar tesar hilokʼ lạgitʼ sapṛao akanko tahen, ente tesar hilokʼ iń Probhu Isor do sanam hoṛko samaṅre sinại burureń pheḍ hijukʼa.

Exodus 22:31

“Ape do ińren begar akan hoṛ kanape. Onate nonkan jãhãn janwarakʼ jel alope joma one okoe do kaṭaha janwar ṭhene gocʼ ocoakan; ona do setape emakoa.

Levitikus 19:3

Aperen gogo-baba manotkope ar ińakʼ jirạukʼ mãhã manaope. Iń kangeạń aperen Probhu Isor do.

Numeri 15:40

Unre ińakʼ sanam hukumko manao reakʼ kathape disạya ar aperen Isor ńutumte begar akan hoṛpe tahena.

Exodus 22:30

Aperen ḍaṅgra ar bheḍako hõ onkage lagaoapea. Ar eae din hạbicʼ onkoren hoponko do eṅgat ṭhenko tahena, ar ona tayom irạl mãhã hilokʼ do iń ṭhen emokʼ hoyokʼtapea.

Levitikus 19:4

Boṅga sekʼwa do baṅ ganokʼtapea se apnarakʼ dewa sewae lạgitʼ tite jãhãn debota do alope benao joṅa. Iń kangeạń aperen Probhu Isor do.

Levitikus 19:10

Darkha khet khon darkha gotʼ tayom ona khon darkha alope gotʼ dohṛaea ar ńur akan darkha jo hõ alope halaṅa. Ona do reṅgecʼ orecʼko ar eṭakʼ jạtren hoṛko lạgitʼpe sarecʼ oṭokakʼa. Ar iń kangeạń aperen Probhu Isor do.

Josuạ 24:19

Niạ katha ańjomkate Josuạ do hoṛkoe metatʼkoa, “Menkhan ape do uni bape sewa daṛeaea, ente uni doe sonot Isor kana, acʼakʼ paona bhokti do okoe hõ bae ńam ocoakoa. Uni do apeakʼ kại ar ghạṭko bae ikạitapea.

1 Samuel 2:2

Probhu Isor leka sonoticʼ do okoe hõ bạnugicʼan, ente am chaḍa ar cele Isorge bạnukʼkoa; aboren Isor leka asrae buru do ar cetʼge bạnukʼa.