Levitikus 11:42 - সান্তালী বাইবেল

⁴² Otreko ṭunḍạṅ baṛae jãhãn kạṭicʼ jiwiyanko hõ alope jomkoa. Onko sanamkoge hirkhạwan jinis kanako one okoe do lacʼteko taṛam se jaṅgateko taṛam onko sanamkogeko besaphagea.

Levitikus 11:42 Referans Kwoze

Titus lạgitʼ Pạul Apostolakʼ ciṭhi 1:12

Onko modren mitʼṭen nạbi do noa kathae meneda, “Kret dipren hoṛko doko eṛegea, bir janwar lekanako, asaṅpoḍa arko lebṛagea.”

2 Korinthiko 11:13

Ente onkanko hoṛ do eṛe apostol ar phạsiara kạmiyạko kanako. Ar Mạsiren apostolko mente udugokʼ lạgitʼ onko do apnartetʼko bodolokʼ kana.

2 Korinthiko 11:3

Menkhaniń botorokʼ kana, uni biń do acʼakʼ bạṛicʼ phorphundite cetʼleka Hawae bulạulede onkage Mạsire menakʼtape soṛatetʼ ar napaetetʼ khon apehõkoe bulạu botecʼpea.

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

Mathae 23:23

“Hae, ape sostor baḍaeko, Phạrusiko ar phạsiạrako do! Ape do ṭhik lekage pudina, muhori ar jirạ reakʼ bhag do gel hạṭiń reakʼ mitʼ hạṭińge Isorpe emaekana; menkhan bicạr, mãyã, ar pạtiạr, okaṭakʼ do Moseyakʼ ạn-ạriko reakʼ arhõ jạruṛanakʼ kan ona dope bạgi oṭoakawada. Onate lahateakʼko são sãote tayomakʼko hõ manao lektapea.

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

Mikạ 7:17

Onko do biń ar eṭakʼ lacʼte takʼṛam jiwiyanko leka dhuṛiko caṭoga. Onkoakʼ gaṛ khon onko do thar tharaoate am ṭhen, aleren Probhu Isor ṭhenko oḍok hijukʼa arko botoram ma.

Jesaea 65:25

Hunḍạr ar bhiḍi hopon do mitʼtekin ạtińa, dhạcri kul do ḍaṅgra leka busupʼe joma ar dhuṛi do bińakʼ jomakʼge hoyokʼa. Onko do ińakʼ sonot burure okare hõ bako hạhạna se bako nonosṭowa.

Genesis 1:20

Ona tayom Isore menkeda, “Dakʼko do sanam lekan jiwiyankote perejokʼma, ar ot cetanre ar serma latarre cẽṛẽkoko uḍạu baṛaema.”

Levitikus 11:41

“Huḍiń janwarko modre okoe do otreko ṭuṅdạṅ baṛae onko do hirkhạwan jiwiyanko mente bujhạukope. Onko do alope jomkoa.

Levitikus 11:43

Onko iạte alope hirkhạ ocokʼa. Ar onko iạte alope besapha ocokʼa. Ar alope bhõnḍokʼa