Levitikus 11:25 - সান্তালী বাইবেল

²⁵ Ar jãhãege onkoren mitʼṭecʼ reakʼ mạ̃ṛĩye joṭed enḍekhan uni do acʼakʼ kicricʼe saphaetaea ar ạyupʼ hạbicʼ besapha akane tahena.

Levitikus 11:25 Referans Kwoze

Numeri 31:24

Eaeakʼ dinre ape do apeakʼ kicricʼkope saphaea arpe saphakʼa ar ḍera bhitritepe bolo daṛeakʼa.”

Levitikus 15:5

Hoṛmo khon besaphawakʼ oḍokokʼkantae hoṛakʼ aṭetʼ okoeye joṭed uni hõ acʼakʼ kiricʼko saphaetae hoyokʼtaea, ar ạyupʼ hạbicʼ besapha akane tahena.

Levitikus 14:8

Ar sapha ocokʼicʼ do acʼakʼ hoṛmo ar bohokʼ reakʼ sanam upʼko ar pạlku upʼkoe hoyo saphaea, ar kicricʼkoe saphaetaea are ḍạbrạ saphakʼa. Ar ona tayom do sapha akane hoyokʼa. Uni do ḍerateye bolo daṛeakʼa menkhan eae din hạbicʼ acʼakʼ tạmbu bahrere tahen hoyokʼtaea.

Levitikus 11:40

Ar jãhãe uni gocʼ akan janwarakʼ jele jom enḍekhan uni do acʼakʼ kicricʼe saphaetaea ar ạyupʼ hạbicʼ besapha akane tahena. Ar jãhãege uni gocʼ akanicʼakʼ mạ̃ṛĩ titeye sapʼ idiy enḍekhan uni do acʼakʼ kicricʼ saphaetae hoyokʼtaea ar ạyupʼ hạbicʼ besapha akane tahena.

Numeri 19:10

Okoe hoṛ uni gạiyakʼ torocʼe samṭao idiy uni hõ kicricʼkoe saphaetaea ar ạyupʼ hạbicʼ besapha akane tahena. Noage Israelko ar onare girobasokʼ kan eṭakʼ jạtren hoṛko lạgitʼ piṛhike piṛhi mitʼṭecʼ niạm do tahẽna.

Levitikus 16:28

Ar okoe hoṛ ona atar giḍikakʼ lạgitʼ bahreteye calakʼ uni do acʼakʼ kicricʼkoe saphaetaea are ḍạbrạ saphakʼa ar ona tayom do ḍera bhitriteye bolokʼa.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

1 Patras 3:21

Noa do hoyokʼ kana bạptisma reakʼ mitʼṭecʼ nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilại ocokʼ giḍi daṛeakʼa ona do baṅ; Isor ṭhen noa do mitʼṭecʼ bhage bibek reakʼ hohokana. Ape do Jisu Mạsiyakʼ gujukʼ ar jiwetʼ beredokʼ hotetepe bańcao ocoakana.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

Ibriko 9:10

Onako do eken hoṛmoteakʼ kana, metakʼme jom-ńũ ar dhorom reakʼ niạm lekate saphakʼ reaṅge. Onako do sanamakʼ jut aroe okte hạbicʼge kạmire lagaolena.

Aposkạmi 22:16

Am do ńitokʼ cedakʼem bilomeda? Ma beredokʼte bạptis ocokʼme ar uniyakʼ ńutum dohayakʼme ar amakʼ joto kạiko ạrupʼ saphaetam.’

Johan 13:8

Patras do uniye metadea, “Ińakʼ jaṅga do tis hõ bam ạbuk ńama.” Jisu do Patrase metadea, “Bạń ạbukletam khan iń tulucʼ amakʼ bakhra do bạnukʼ tama.”

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

Sereńko 51:7

Husopʼ dare reakʼ ḍạrte saphayińme, onate iń doń sapha utạrokʼa; ạrupʼ saphayińme, onate iń do pĩṛĩtʼ pĩṛĩtʼ ponḍ iń hoyokʼa.

Sereńko 51:2

Ińakʼ sanam ghạṭko khon ạrupʼ saphayińme; ińakʼ kại khon sapha utạr kạńme baṛe.

Numeri 19:19

Sapha menae hoṛ do chut hoṛ cetanre tesar ar eae din hilokʼre ona dakʼe irciaya ar eae din hilokʼ do uniye saphakʼa. Ar okoeye sapha ocokʼkan uni do acʼakʼ kicricʼkoe saphaetaea are ḍạbrạ saphakʼa ar enhilokʼ ạyupʼ khon doe saphakʼa.

Numeri 19:8

Okoe uni gạiye atare uni hõ acʼakʼ kicricʼko saphae hoyokʼtaea are ḍạbrạ saphakʼa ar ạyupʼ hạbicʼ besapha akane tahena.

Levitikus 15:13

“Jãhãe hoṛakʼ hoṛmo reakʼ besaphawakʼ oḍokokʼ thirlentae khan uni do saphakʼ lạgitʼ eae dine lekhaea ar eae hilokʼ do kicricʼkoe saphaetaea are ḍạbrạ saphakʼa ar unre doe sapha utạrokʼa.

Levitikus 14:47

Ar jãhãege ona oṛakʼreye jom seye gitijokʼ uni do acʼakʼ kicricʼ saphaetae hoyokʼtaea.

Levitikus 11:28

Ar jãhãege onkoakʼ mạ̃ṛĩye idiy uni do acʼakʼ kicricʼe saphaetaea ar ạyupʼ hạbicʼ besapha akane tahena. Ape lạgitʼ noko jiwiyanko doko besaphagea.

Exodus 19:14

Inạ tayom Mose do buru khon pheḍ hecʼkate hoṛkoe sapha ocoketʼkoa ar hoṛko hõ akoakʼ kicricʼko saphaketʼtakoa.

Exodus 19:10

Probhu Isor do Mose arhõe metadea, “Teheń ar gapa niạ bar din do hoṛko ṭhen senkate onkom saphakoa. Onko do jemon akoakʼ kicricʼ hõko saphaetako ar tesar hilokʼ lạgitʼ sapṛao akanko tahen, ente tesar hilokʼ iń Probhu Isor do sanam hoṛko samaṅre sinại burureń pheḍ hijukʼa.

Levitikus 11:24

“Noko iạte ape dope besaphakʼa. Ar okoe onkoakʼ mạ̃ṛĩye joṭed uni do ạyupʼ hạbicʼ besapha akane tahena.

Levitikus 11:26

“Okoeko janwarakʼ khurạ cirạgetakore hõ bar hạṭiń bạnukʼtako se okoeko janwar do bako pạgur onko hõ ape lạgitʼko besaphagea. Ar okoe noakoe joṭed uni do besapha akane tahena.

Levitikus 13:6

Ar eae din hilokʼ naeke do arhõe ńeltaea. Ar inạko dinte hartare pasnao baṅkate cabalen khan uni do saphageae menteye lại sodorea, ente ona do eken bhumri kana ar jãhãnakʼ do baṅkana. Unre uni hoṛ do acʼakʼ kicricʼkoe saphaetaea ar ona tayom doe sapha utạrokʼa.

Levitikus 16:26

Ar okoeṭakʼ hoṛ do Asasel lạgitʼ merom bodae aṛakʼgotʼkae uni hõ acʼakʼ kicricʼe saphaetaea are ḍạbrạ saphakʼa, ar ona tayom do ḍera bhitriteye bolokʼa.

Levitikus 14:46

“Jãhãege oneko siń akatʼ dinre oṛakʼteye bolokʼ enḍekhan uni do enhilokʼ ạyupʼ hạbicʼ besapha akane tahena.

Levitikus 15:15

Unre naeke do unkin modre mitʼṭen do kại ńutumte ar eṭagicʼ do jeredokʼ samaṅokʼakʼ menteye samaṅkinạ. Ar besaphawakʼ oḍokokʼ iạte okoe chutgeye tahẽkan uni saphakʼ lạgitʼ naeke do Probhu Isor samaṅreye puruchuna.

Levitikus 17:15

“Jãhãege gocʼ janwar se bir janwar tite cirạ ocoakan janwarakʼ jele jom, baṅ do Israelkoge cetʼ baṅ do onko talareko girobasokʼkan eṭakʼ jạtren hoṛkoge cetʼ, uni do acʼakʼ kicricʼkoe saphaetaea are ḍạbrạ saphakʼa. Ar ạyupʼ hạbicʼ besapha akane tahena, ar ona tayom do chut meṭaokʼtaea.

Numeri 19:7

Inạ tayom naeke do acʼakʼ kicricʼko dakʼteye saphaetaea are ḍạbrạ saphakʼa. Ar inạ tayom do ḍera bhitriteye bolo daṛeakʼa, menkhan ạyupʼ hạbicʼ besapha akan tahen hoyokʼtaea.