Levitikus 11:24 - সান্তালী বাইবেল

²⁴ “Noko iạte ape dope besaphakʼa. Ar okoe onkoakʼ mạ̃ṛĩye joṭed uni do ạyupʼ hạbicʼ besapha akane tahena.

Levitikus 11:24 Referans Kwoze

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

Ibriko 9:26

Ar onkage hoyokʼ hoylentae khan enḍekhan dhạrti sirjạu khon ehopʼkate ạḍi dhaoge duk jomkate gujukʼ hoykokʼtaea; menkhan ńitokʼ sanam jugko reakʼ mucạtʼre uni do mitʼ dhaogeye sodorena jemon apnartetʼe dãṛẽkʼte kạikoe ocokʼ giḍikakʼ.

Kolossiko lạgitʼ Pạul Apostolakʼ ciṭhi 2:20

Mạsi tulucʼpe gocʼente ape do dhạrti reakʼ aema lekan ạri-cạli khonpe pharak akana, menkhan enrehõ dhạrtiren hoṛko leka cedakʼ arhõ dhạrti reakʼ ạri-cạlirepe gobolokʼ kana?

Ephesiko lạgitʼ Pạul Apostolakʼ ciṭhi 5:11

Ńut reakʼ bin jowanakʼ kạmikore do alope seledokʼa; bickom onako reakʼ dos udukʼakope,

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

1 Korinthiko 15:33

“Alope bulạukʼa, bạricʼakʼko tulucʼ gatekʼte bhage cạl-colonko hõ bạṛijokʼa.”

Jesaea 22:14

Phạdkoren Probhu Isor do niạ katha iń ṭhene sodor akada, “Apepe gujukʼre hõ niạ kại do baṅ ikạkʼtapea. Iń phạdkoren Probhu Isorge niạ kathań meneda.”

Levitikus 11:31

Kạṭicʼ jiwiyanko modre noko do ape lạgitʼko besaphagea. Nokoakʼ mạ̃ṛĩ okoeye joṭed uni hõ ạyupʼ hạbicʼ besapha akane tahena.

Levitikus 11:8

Onkoakʼ jel do alope joma ar onkoakʼ mạ̃ṛĩ hõ alope joṭeda. Noko doko besaphagea.

Levitikus 11:23

Menkhan eṭakʼ pon jaṅga menakʼtako uḍạukʼ tejoko hõko besaphagea.

Levitikus 11:25

Ar jãhãege onkoren mitʼṭecʼ reakʼ mạ̃ṛĩye joṭed enḍekhan uni do acʼakʼ kicricʼe saphaetaea ar ạyupʼ hạbicʼ besapha akane tahena.

Levitikus 22:4

Hoṛmo reakʼ harta ruạ se besaphawakʼ oḍokokʼ oktere Aron bõsren jãhãege ạuriko saphakʼ hạbicʼ samaṅ akatʼ sonotakʼ jinis do bako jom daṛeakʼa. Mạ̃ṛĩre jakʼ akan jãhãn jinisge jãhãeye joṭed se herelakʼ itạ se jãhãn besapha huḍiń jiwiyanko se bhõnḍ akan hoṛe joṭede-metakʼme onko hotete hoṛko besaphakʼ, enḍekhan uni do ạyupʼ hạbicʼ besapha akane tahena. Ar ạuriye ḍạbrạ saphakʼ hạbicʼ samaṅakʼ jãhãn sonotakʼ jinis do bae jom daṛeakʼa.

Levitikus 5:2

“Ar jãhãe begor baḍaete jãhãn besaphawakʼe joṭetʼ eman lekhan uni do besapha ar dusi hoṛe hoyokʼa, baṅ do besapha janwar ar ạsul janwarakʼ mạ̃ṛĩkan ar baṅ do leńokʼ ṭunḍạṅkan kạṭicʼ jãhãnkoakʼ mạ̃ṛĩkan.

Levitikus 7:21

Jãhãege manwa se janwarakʼ jãhãn chutakʼ jinis se eṭakʼ jãhãn chutakʼ hirkhạwakʼ jinise joṭed ar ona tayom Probhu Isor ṭhen samaṅ akatʼ sulukren samaṅokʼ reakʼ jele jom enḍekhan uni hõ acʼakʼ jạtrenko khone biṭlạha ocokʼa.”

Levitikus 14:46

“Jãhãege oneko siń akatʼ dinre oṛakʼteye bolokʼ enḍekhan uni do enhilokʼ ạyupʼ hạbicʼ besapha akane tahena.

Levitikus 15:5

Hoṛmo khon besaphawakʼ oḍokokʼkantae hoṛakʼ aṭetʼ okoeye joṭed uni hõ acʼakʼ kiricʼko saphaetae hoyokʼtaea, ar ạyupʼ hạbicʼ besapha akane tahena.

Levitikus 15:6

Ar okoe uniyakʼ duṛupʼakʼreye duṛupʼ uni hõ acʼakʼ kicricʼ saphaetae hoyokʼtaea, ar ạyupʼ hạbicʼ besapha akane tahena.

Levitikus 15:7

Jãhãe hoṛakʼ besaphawakʼ oḍokokʼkan ar uni okoeye joṭede uni hõ acʼakʼ kicricʼ saphae hoyokʼtaea are ḍạbrạ saphakʼa, ar ạyupʼ hạbicʼ besaphageye tahena.

Levitikus 15:8

Okoe hoṛakʼ besaphawakʼ oḍokokʼkantae ar jãhãe sapha hoṛe thoae enḍekhan sapha akan hoṛ do kicricʼ saphaetae hoyokʼtaea ar acʼ hõe ḍạbrạ saphakʼa, ar ạyupʼ hạbicʼ besapha akane tahena.

Levitikus 15:10

Ar uniyakʼ duṛupʼakʼ ṭhạ̃i jãhãegeye joṭed uni hõ ạyupʼ hạbicʼ besapha akane tahena. Ar uniyakʼ duṛupʼakʼ okoeye kuṭuṅ uni hõ acʼakʼ kicricʼ saphaetae hoyokʼtaea, ar ạyupʼ hạbicʼ besapha akane tahena.

Levitikus 15:11

Besaphawakʼ oḍokokʼkantae hoṛ ti begor ạbukte jãhãeye joṭede enḍekhan uni hoṛ hõ acʼakʼ kicricʼko saphae hoyokʼtaea, ar ạyupʼ hạbicʼ besapha akane tahena.

Levitikus 15:15

Unre naeke do unkin modre mitʼṭen do kại ńutumte ar eṭagicʼ do jeredokʼ samaṅokʼakʼ menteye samaṅkinạ. Ar besaphawakʼ oḍokokʼ iạte okoe chutgeye tahẽkan uni saphakʼ lạgitʼ naeke do Probhu Isor samaṅreye puruchuna.

Levitikus 15:21

Ar okoe uniyakʼ aṭetʼakʼe joṭedtae uni hõ acʼakʼ kicricʼ ạrupʼ saphaetae hoyokʼa, ar ạyupʼ hạbicʼ besapha akane tahena.

Levitikus 15:22

Ar uni maejiu okaṭakʼreye duṛupʼ akan ar ona jãhãeye joṭed, enḍekhan uni hõ acʼakʼ kicricʼkoe saphaetaea, ar ạyupʼ hạbicʼ besapha akane tahena.

Levitikus 15:23

Uniyakʼ aṭetʼakʼ se duṛupʼakʼ okoeye joṭed uni hõ ńindạ hạbicʼ besapha akane tahena.

Levitikus 15:27

Okoe ona aṭetʼakʼ se duṛupʼakʼe joṭed uni hõ besapha akane hoyokʼa; uni do kicricʼko saphae hoyokʼtaea are ḍạbrạ saphakʼa, ar ạyupʼ hạbicʼ besapha akane tahena.

Levitikus 16:26

Ar okoeṭakʼ hoṛ do Asasel lạgitʼ merom bodae aṛakʼgotʼkae uni hõ acʼakʼ kicricʼe saphaetaea are ḍạbrạ saphakʼa, ar ona tayom do ḍera bhitriteye bolokʼa.

Levitikus 16:28

Ar okoe hoṛ ona atar giḍikakʼ lạgitʼ bahreteye calakʼ uni do acʼakʼ kicricʼkoe saphaetaea are ḍạbrạ saphakʼa ar ona tayom do ḍera bhitriteye bolokʼa.

Numeri 19:7

Inạ tayom naeke do acʼakʼ kicricʼko dakʼteye saphaetaea are ḍạbrạ saphakʼa. Ar inạ tayom do ḍera bhitriteye bolo daṛeakʼa, menkhan ạyupʼ hạbicʼ besapha akan tahen hoyokʼtaea.