Levitikus 10:5 - সান্তালী বাইবেল

⁵ Moseyakʼ hukum leka unkin do hecʼkate Nadab ar Ạbihuakʼ mạ̃ṛĩ ḍera bahretekin oḍok idikeda. Unre unkinakʼ mạ̃ṛĩre naeke kicricʼ do horokʼge tahẽkana.

Levitikus 10:5 Referans Kwoze

Levitikus 8:13

Ona tayom uni do Aronren hoponkoe ạguketʼkote aṅgrope horokʼatʼkoa ar ḍanḍa reakʼ paṭheakʼteye paṭheketʼkote bohokʼe dạhṛiketʼkoa. Ar Mose do sanamakʼge Probhu Isorakʼ hukum lekae kạmikeda.

Exodus 29:5

Tayomte ona bises kicricʼkoante Aron do bhitri reakʼ aṅgrop, ephod latarre horokʼ lạgitʼ jeleń aṅgrop, ephod ar koṛam-ḍhalwam horokʼaea. Ar gạkhuṛ tite benaoakʼ ḍanḍa reakʼ ḍombe sãote ephodem tolaea.

1 Rapajko 13:28

Ona tayom uni do senkateye ńelkeda horre mạ̃ṛĩ do giḍi akana ar ona sorre gadha ar mitʼṭen dhạcri kul do teṅgo akan menakʼkinạ. Dhạcri kul do ona mạ̃ṛĩ bae jom akada ar gadha hõ bae ghạl akadea.