Levitikus 10:14 - সান্তালী বাইবেল

¹⁴ Menkhan Probhu Isor ńutumte dolek akatʼ koṛam reakʼ jel ar bulu reakʼ phạṛi do am ar amren hopon ar hoponera jotogeko jom daṛeakʼa. Menkhan noa do mitʼṭecʼ sapha ṭhạ̃irepe joma. Israelkoakʼ sanam sulukren samaṅokʼakʼ noa hĩs do am ar amren hopon ar hoponerako lạgitʼ kana.

Levitikus 10:14 Referans Kwoze

Numeri 18:11

Israelkoakʼ emakʼ dolao samaṅokʼakʼ jinis hõ amakʼge hoyokʼa. Ona do am ar amren bõskoakʼ bakhra lekateń emapekana. Amakʼ gharońjren okoe saphako tahen eken onkoge onako jom daṛeakʼa.

Johan 4:34

Unre Jisui metatʼkoa, “Okoeye kol akadiń uniyakʼ sanaleka calakʼ ar uniyakʼ kạmi purạutaege hoyokʼ kana ińakʼ jomakʼ do.

Levitikus 9:21

Ar Mose cetʼlekae hukumade tahẽkan onkage uni do dolek samaṅokʼakʼ lekate koṛam reakʼ jel ar jojom bulu reakʼ phạṛi do Probhu Isor samaṅreye dolaokeda.

Exodus 29:33

Naeke kạmire bahalko lạgitʼ ar iń ńutumte begar dohoko lạgitʼ oka samaṅokʼakʼ jomakʼ puruchun lạgitʼ beoharokʼ ona do Aron ar uniren hoponko jojom hoyokʼtakoa. Eṭakʼ hoṛ ona do bako jom daṛeakʼa, ente ona do sonotakʼ jomakʼ kana.

Levitikus 10:13

Onate sonot ṭhạ̃ire idikatepe joma. Probhu Isor ńutumte seṅgelre samaṅokʼakʼ noa hĩs do am ar amren hoponkoakʼ kana. Noa hukum do ińiń ńam akada.

Numeri 5:9

Israel hoponko okaṭakʼ sonotakʼ jinis naeke ṭhenko ạgui ona do jotoge uniyakʼ hoyokʼa.

Jeheskel 42:13

Ona tayom uni do ińe metadińạ, “Mundil reakʼ phaelao jaegare utạr ar dạkhin secʼakʼ banar dolan do naekekoakʼ kana. Okoe naekeko do Probhu Isor ṭhenko bolokʼ onkoge niạ banar dolanre samaṅokʼakʼ sonot utạrakʼ jinisko joma. Onḍe onko do anaj samaṅokʼakʼ, dos ńutumte samaṅokʼakʼ ar kại ńutumte puruchunokʼ reakʼ samaṅokʼakʼ sonot utạrakʼ jinisko dohoya, ente banar dolange sonotgea.

Levitikus 22:13

Menkhan naekeren jãhãe rạnḍi hoponera se jãwãetetʼe bạgi akade begor gidrạwan kuṛi do apatakʼ oṛakʼre tahen lạgitʼe ruạr hecʼakan khan uni do acʼ apat reakʼ hĩse ńama. Naekeakʼ gharońjrene baṅkan nonkan okoehõ ona do bako jom daṛeakʼa.