Levitikus 1:1 - সান্তালী বাইবেল

^1-2 Mitʼdin Probhu Isor do ńapamokʼ tạmbu khon Moseye hohoadea ar Israelko lạiyako lạgitʼe hukumadea, “Ape modre Probhu Isor ńutumte jãhãe jãhãnakʼ samaṅokʼakʼ lekate emogokʼ reakʼe menetʼ khan uni do mitʼṭen janware ạguyema; ar uni do jemon ḍaṅgra se bheḍa se meromge baṛeye hoyokʼma.

Levitikus 1:1 Referans Kwoze

Exodus 19:3

Mose do burute Isor ṭhene rakapʼena. Ona jokhecʼ Probhu Isor do buru cetan khon hohoadeteye menkeda, “Am do Jakob bõsren Israelkom metakoa,

Exodus 25:22

Ar iń do goha sinduk reakʼ daya duṛupʼakʼ cetanre Kerubkin talare am sãote ńapamkate Israelko lạgitʼ ińakʼ sanam hukumiń emama.

Exodus 29:42

“Piṛhike piṛhi hạbicʼ ńapamokʼ tạmbu reakʼ duạr ṭhen Probhu Isorakʼ, metakʼme iń samaṅre noa jeredokʼ samaṅokʼakʼ do jaoge samaṅ hoyokʼa. Ar iń do onḍege ape sãoteń ńapamokʼa ar am tulucʼ iń galmaraoa.

Johan 1:17

Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.

Numeri 7:89

Ona tayom Mose do tinre Probhu Isor tulucʼ galmarao lạgitʼ ńapamokʼ tạmbuteye bolokʼkan tahẽkana unre sekʼwa sindukre menakʼ daya duṛupʼakʼ cetan Kerubkin tala khon uniyakʼ aṛaṅ do Moseye ańjometʼ tahẽkana. Ar nonkate Probhu Isor do Mose tulucʼe galmaraoetʼ tahẽkana.

Exodus 39:32

Nonkatege sekʼwa tạmbu, metakʼme ńapamokʼ tạmbu reakʼ jotowakʼ kạmi do sạtena. Ar Probhu Isor Mose okalekae hukumade tahẽkan onkage Israelko do jotowakʼko kạmikeda.

Exodus 33:7

Mose do Israelkoakʼ ḍera bahre sạṅgiń ńokʼre tạmbui ṭaṅgaoetʼkan tahẽkana ar ona do “Ńapamokʼ tạmbui metakʼkan tahẽkana.” Ar Probhu Isor ṭhen jãhãege jãhãnakʼe khoj enḍekhan uni do ńapamokʼ tạmbu ṭhene senokʼkan tahẽkana.

Exodus 24:12

Ona tayom Probhu Isor do Moseye metadea, “Am do buru cetanre iń ṭhen rakapʼ hijukʼme ar thoṛa okte hạbicʼ iń ṭhen tahenme. Iń do hoṛko cetʼako lạgitʼ dhiri cạktireń olakatʼ ạn-ạri ar hukumkoń emama.”

Levitikus 7:38

Probhu Isor do sinại hahaṅkarre Israelko oka hilokʼ acʼ ńutumte samaṅokʼakʼ jinisko ạguiye metatʼko tahẽkan enhilokʼge uni do sinại burure Mose noako niạme emade tahẽkana.

Levitikus 9:16

Ona tayom uni do jeredokʼ samaṅokʼren barea janware ạguketʼkinạ ar Probhu Isore emakan niạm lekage unkin hõe samaṅketʼkinạ.

Exodus 3:4

Mose do ona jạnum jhạuạ ńel lạgitʼe sen sorokʼkan tahẽkanre Probhu Isor do ona jạnum jhạuạ tala khone menkeda, “E Mose, E Mose.” Moseye menkeda, “Minạńgea.”

Exodus 40:29

Sekʼwa tạmbu, metakʼme ńapamokʼ tạmbu duạr ṭhen uni do jeredokʼ samaṅokʼ reakʼ pinḍe dohokeda ar Probhu Isorakʼ hukum leka ona cetanre jeredokʼ samaṅokʼakʼ ar anaj samaṅokʼakʼ porobe porobena.

Numeri 1:1

Israelko Misor disạm khonko oḍok hecʼen tayom dosar bochor reakʼ dosar cando reakʼ pạhil hilokʼ Probhu Isor do sinại hahaṅkarre ńapamokʼ tạmbure Mose galmaroadeteye metadea,

Numeri 7:15

jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon;

Dosar Biboron 27:6

Aperen Probhu Isorakʼ noa pinḍ do pahṭa dhiriko reakʼtegepe benaoa ar ona cetanre aperen Probhu Isor ńutumte jeredokʼ samaṅokʼakʼpe samaṅa.

2 Rapajko 16:13

Uni do onḍe acʼakʼ jeredokʼ samaṅokʼakʼ, anaj samaṅokʼakʼ ar coḍorakʼ samaṅokʼakʼ samaṅkeda ar acʼakʼ sulukren samaṅokʼakʼ reakʼ mãyãm hõe ircikeda.

2 Bõsbudạ 29:32

Onko do jeredokʼ samaṅokʼakʼ lạgitʼ eaegel ḍaṅgrako, mitʼsae bheḍako ar barsae bheḍa hoponko ạguketʼkoa. Noko do Probhu Isor ńutumte jeredokʼ samaṅokʼakʼren dãṛẽko tahẽkana.