Kạhtukko 9:10 - সান্তালী বাইবেল

¹⁰ Probhu Isor botorae do ạkil reakʼ etohopʼ kana; ar uni sonoticʼ baḍaeye do buj kana.

Kạhtukko 9:10 Referans Kwoze

Sereńko 111:10

Probhu Isor botorae do ạkil reakʼ etohopʼ kana; okoe ona lekako kạmi onko do akelko ńama. Probhu Isorakʼ sarhao do jaejug hạbicʼ tahenma.

Jobakʼ 28:28

Ona tayom uni do manwae metadea, ‘Probhu Isor botoraege hoyokʼ kana ạkil do, ar bạṛicʼ khon sahaṛokʼge hoyokʼ kana buj do.

Kạhtukko 1:7

Probhu Isor botorae do ạkil reakʼ etohopʼ kana, menkhan lelha hoṛ do ạkil ar sikhạunako nihạ̃tetʼ kana.

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.

Kạhtukko 2:5

enḍekhan Probhu Isor botorae do cetʼkana mente, onam bujhạu daṛeakʼa ar Isorakʼ ạkilem ńama;

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Kạhtukko 30:3

Iń do ạkil bạń hameṭ akawana; ar sonot nagraha reaṅ jãhãn ạkil hõ bạnukʼtińa.

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍae edekana, Hopon okoe ṭhen Baba sodoreye menjoṅkan unige uni doe baḍaeyea.

Sereńko 34:12

Ape modre noa jion khemao do okoeye menetʼkana? Ar suk jomkate ḍher din bahaokʼ lạgitʼ do okoye khojkana?