Kạhtukko 8:9 - সান্তালী বাইবেল

⁹ Ar bujhạntar hoṛko ṭhen ińakʼ kathako do pusṭạugea; ar ạkil menakʼtako ṭhen hõ onako do khạṭigea.

Kạhtukko 8:9 Referans Kwoze

Kạhtukko 14:6

Landa dhutʼicʼ hoṛ do sendrate ạkil bae ńama, menkhan bud menakʼtae hoṛ do usạrage ạkile hameṭ joṅa.

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

Johan 7:17

Jãhãe uniyakʼ sanaleka senokʼe menjoṅ khan enḍekhane bujhạu daṛeakʼa noa cecetʼakʼ do Isor secʼ khonakʼ kana se iń nij khoniń roṛeda.

Johan 6:45

Nạbikoakʼ puthire ol akana, ‘onko sanamkoge Isor ṭhen sikhạunako ńama.’ Baba ṭhen khon ańjomkate okoeye cetʼakatʼ unige iń ṭhene hijukʼa.

Kạhtukko 15:24

Budan hoṛakʼ jion reakʼ hor do cetan secʼe idiya, ar onate uni do patal puri khon rukhiyại ńama.

Mikạ 2:7

E Jakob bõsrenko, apeakʼ noa katha roṛ do baṅ ganokʼa, “Probhu Isorren Jiu do bae ạṛis akana; ar uni do noako kạmi bae kạmiya.” Probhu Isore meneda, “Okoe dhorom horteye calakʼ eken onko cetanrege ińakʼ katha do bhạlạiye ạguiya.

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Kạhtukko 18:15

Okoeyakʼ monre buj menakʼ uni do ạkile hameṭ joṅa, ar ạkilankoakʼ lutur do ạkile ńam baṛaea.

Kạhtukko 17:24

Buj menakʼtae hoṛ do ạkile moneyakʼ kana, menkhan khaṭo bujan hoṛakʼ mon do beṛhaeteye beṅgetʼ ạcura.

Kạhtukko 15:14

Okoeyakʼ monre buj menakʼ uni do ạkile sendraea, menkhan khaṭo bujankoakʼ moca do lelhawakʼe ạtińjoṅa.

Kạhtukko 3:13

Bhạgangeae uni hoṛ, okoe do ạkile ńam bakʼṛakan ar buje hameṭ joṅkan,