Kạhtukko 8:27 - সান্তালী বাইবেল

²⁷ Uni do tinre sermae bạisạuetʼ tahẽkana unre iń do onḍeń tahẽkana; uni do tinre jalapuri reakʼ simạnakoe ṭhiketʼ tahẽkana, unre iń do onḍeń tahẽkana.

Kạhtukko 8:27 Referans Kwoze

Jobakʼ 26:10

Marsal ar ńut tala reakʼ simạnare uni do rimil ar doreão talare beṛhaete simạnae dohoakada

Jesaea 40:22

Prithimi cetan reakʼ sermare unige siṅghạsonreye duṛupʼ akana, dhạrtiren hoṛko do sosrocʼ leka kanako. Orwal leka uni do sermae pasnao akada, tahen lạgitʼ tạmbu leka onae ṭaṅgao akada.

Kạhtukko 3:19

Probhu Isorakʼ ạkilte dhạrti do bạisạu akana, ar uniyakʼ bujte serma doe bandhao akada.

Kolossiko lạgitʼ Pạul Apostolakʼ ciṭhi 1:16

Ente sermare ar otre, oka ńelokʼkan ar oka baṅ ńelokʼ kan, jotowakʼge uni hotete sirjạu akana. Siṅghạsonkoge cetʼ, rajosṭikoge cetʼ, baṅ do rajkoge, baṅ do ektiạriankoge sanamakʼ do uni hotete uni lạgitʼge sirjạu akana.

Jirimiạ 10:12

Probhu Isor do acʼakʼ daṛete dhạrtiye sirjạu akada, ar acʼakʼ ạkiltege pirthimi reakʼ rehetʼe bạisạu akada ar uniyakʼ bujte sermae pasnao akada.

Sereńko 136:5

Okoe do acʼakʼ bujte sermae benao akatʼ uni gun manao joharaepe; ente uniyakʼ dulạṛ do jaejuggetaea.

Ibriko 1:2

Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.

Jesaea 40:11

Uni do gukʼpiko leka acʼren bhiḍikoe gupikoa, bhiḍi hoponkoe hobor samṭaokoa ar hoborkateye idikoa, hopon menakʼkotako eṅga do bại bạiteye sotokʼ idikoa.

Sereńko 103:19

Probhu Isor do sermare uniyakʼ siṅghạsone tear akada; uni do jotowakʼ cetanregeye rajokʼa.

Sereńko 33:6

Probhu Isorakʼ kathatege serma do sirjạu akana; ar ona reakʼ sanamakʼ do uniyakʼ sahẽtʼte sirjạu akana.

Kạhtukko 8:26

Tinre dhạrti ar ṭạnḍiko se dhạrti reakʼ mitʼṭecʼ dhuṛi hõ baṅ benao akan tahẽkan, un khon iń doń tahẽkana.

Kạhtukko 8:28

Uni do tinre cetan secʼre rimile bạisạuetʼ tahẽkana ar ot latarre jharnakoe bạisạuetʼ tahẽkana,