Kạhtukko 8:18 - সান্তালী বাইবেল

¹⁸ Dhon ar man do iń khonge hijukʼa, ar thambaoakʼ dhon ar bhạlại hõ.

Kạhtukko 8:18 Referans Kwoze

Kạhtukko 3:16

Uniyakʼ jojom tire do ḍher bahaokʼ din menakʼa ar leṅga tire do dhon ar manot menakʼtaea.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Johan sodor 3:18

Onate noa solhań emam kana, am do iń ṭhen khon seṅgelre rapakʼakʼ khạṭi sona kirińjoṅme, jemonem kisạ̃ṛ daṛeakʼ. Iń ṭhen khon ponḍ kicricʼ kirińkate horogme jemon onem uluṅ akan reakʼ lajaotetʼ alo ńelokʼtam. Iń ṭhen khon mẽtʼre lagao lạgitʼ aenom kirińjoṅme, jemonem ńeńel.

Philipiko lạgitʼ Pạul apostolakʼ ciṭhi 4:19

ar noate Isor doe kusikʼkana. Ińren Isor do acʼakʼ ṭhonokte perecʼ dhon lekate Mạsi Jisu hotete apeakʼ joto ṭonṭakoe cabaetapea.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

2 Korinthiko 6:10

Ạḍi dukle ńametʼre hõ aleakʼ ontor do jao ghuṛi rạskạte perecʼgetalea. Ale do apnarle reṅgecʼgere hõ, ḍher hoṛkole kisạ̃ṛ ocoyetʼkoa. Cetʼge bạnukʼtalere hõ, jotowakʼren ạidạriko kanale. Ar nonkatele sodoretʼkana, ale do Isorren sapʼ dapʼko kanale.

Luk 12:33

Ape do menakʼ tapeakʼko ạkhrińkate dan emokʼpe. Ar baṅ marekʼ ṭaka reakʼ thạilạkʼ tear joṅpe, metakʼme okaṭakʼ dhon jaejug hạbicʼ ṭikạu tahen onage sermare jarwajoṅpe. Onḍe do kombṛo hõ bako hijukʼa ar tejoko hõ bako bạṛija.

Luk 10:42

menkhan mitʼṭecʼge jạruṛakʼ do menakʼa. Ente Mạriạm do bhage bakhrageye bachao akawana. Ona do uni ṭhen khon baṅ rejogokʼa.”

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Kạhtukko 11:4

Isorakʼ edre tisokʼ pheḍ hijukʼa enhilokʼ dhon do jãhãn porhoge baṅ hoyokʼa, menkhan Isor botorae do gujukʼ khone rukhiyạwa.

Sereńko 112:3

Uniyakʼ oṛakʼre do dhon duribko tahena; uniyakʼ dhorom do jaejug hạbicʼ tahena.

Sereńko 36:6

Amakʼ dhorom do Isorakʼ buruko lekana; amakʼ dhorom bicạr do athantar doreão leka. E Probhu Isor, manwa ar janwar jotoge jiwetʼ baṛe dohokom.

Kạhtukko 24:4

Ạkil reakʼ goṛote kandhako do daman ar mońj mońj jisinkote perejokʼ kana.