Kạhtukko 8:17 - সান্তালী বাইবেল

¹⁷ Okoe ińko dulạṛedeńkan onko do iń hõń dulạṛkoa; okoe goṭa ontorteko ńam baṛayedeńkan onko do ińko ńameńa.

Kạhtukko 8:17 Referans Kwoze

Johan 14:23

Jisu do uniye roṛ ruạṛadea, “Jãhãege ińe dulạṛiń uni do ińakʼ kathae dohoya. Ińren Baba do uniye dulạṛea ar uni ṭhen liń hijukʼte uni soṅgeteliń tahena.

Johan 14:21

Okoe ińakʼ hukumkoe baḍaekan ar onakoe manaoetʼkan unige iń doe dulạṛedeńa.” Ar okoe ińe dulạṛedeń ińren Baba hõ uniye dulạṛea. Iń hõ uniń dulạṛea ar uni ṭheniń sodorokʼa.

Sereńko 91:14

Probhu Isore meneda, “Dulạṛte okoye sabeńkan, uni doń rukhiyạyea; ar muhin khoniń bańcaoea, ente uni do ińe oromakadińạ.

Jesaea 55:6

Probhu Isor do sorreye tahenrege uni secʼ ruạṛokʼpe; ar sorreye tahenrege uni ńam baṛayepe.

1 Samuel 2:30

“Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.

1 Johan 4:19

Uni do pạhilre aboe dulạṛ maṛaṅ ketʼbontege abo hõ uni bon dulạṛede kana.

Jesaea 45:19

Iń do oko danaṅre hõ bạń roṛakada, ńut reakʼ disạmre hõ bạń roṛakada. Ar Jakobren bõsko hõ bạń men akawatʼkoa,, ‘ape do ạuṛiyakʼgepe ńam baṛayedińa.’ Iń Probhu Isor do hok reakʼ kathań roṛeda; ar oka sạriạkʼkan onageń lại jạhireda.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

Johan 16:27

Baba ma coṅ acʼgeye dulạṛetʼpe, ente ape do ińpe dulạṛakadińạ arpe pạtiạu akana, iń do Baba Isor ṭhen khoniń hecʼakana.

Mark 10:14

Jisu do ona ńelkate bae kusilente celakoe metatʼkoa, “Kạṭicʼ gidrạko iń ṭhen hecʼ ocoakope, alope manakoa; ente Isorakʼ raj do nonkankoakʼ kangea.

Kạhtukko 1:28

“Unre bebujkoko hohoạńạ menkhan bạń moneyakoa; ińko ńam baṛayińạ menkhan bako ńam daṛeạńạ.

Sosolhayic̕ 12:1

Amakʼ juạn oktere amren sisirjạuicʼ hõ disạyem, ente amakʼ haṛam umer reakʼ dinko hijukʼ kana, metakʼme, duk reakʼ dinko hijukʼ kana, one unrem men, “Niạ haṛam umerre onako do bạń hạ̃sakʼ kana.”

Johan 7:37

Ado porob reakʼ mucạtʼ din do mitʼṭecʼ asol din tahẽkana. Enhilokʼ Jisu doe teṅgoyente ãṭ aṛaṅteye menkeda, “Jãhãe hoṛ tetaṅede khan uni do iń ṭhene hijukʼma ar dakʼe ńũ idijoṅma.

2 Bõsbudạ 34:3

Uniyakʼ rajokʼ irạlakʼ bochorre uniyakʼ umer komge tahẽkanre hõ uniren hapṛam Dạudren Isorakʼ sana leka calakʼ reaṅgeye mone murukkeda. Uniye rajokʼ gelbar bochor oktere uni do than boṭkocʼko, Asera muṭhạnko, lakʼ rokʼ murtiko ar dul benao murhutʼko Jerusalem ar Jihudạ khone sạṅgińketʼkoa.

Kạhtukko 2:4

ar rupạ ńam baṛae leka ạkilem ńam baṛae khan ar okowakʼ dhon lekam sendra baṛale khan,

Kạhtukko 2:5

enḍekhan Probhu Isor botorae do cetʼkana mente, onam bujhạu daṛeakʼa ar Isorakʼ ạkilem ńama;

Kạhtukko 4:6

Ạkil do alom bạgi giḍiyakʼa, onage am doe horho jaṅgemea; ona dulạṛme, onageye rukhiyạmea.

Kạhtukko 8:16

Iń hotete rapajko ar cetan hudạren hoṛ do mạlikiko calaoeda; onko joto do bicạrakʼko kạmikana.

Soros sereń 3:4

Onkoń paromketʼko khan ińren dulạṛiạtiń doń ńamkedea. Ar uni sapʼkate eṅgạńakʼ oṛakʼte ạuriń ạguiye hạbicʼ bạń aṛakʼledea; ar okoe kukhireye doholediń uniyakʼ oṛakʼtegeń ạgukedea.

Johan 5:4

Ar mitʼṭen serma goḍet do okte oktere ona pukhrire pheḍkate dakʼe laṛao oṭokakʼkan tahẽkana ar ona tayom pạhilre okoe ona dakʼreye pheḍ maṛaṅokʼ uni do joto lekan rog khone boge utạrokʼkan tahẽkana. Ar rugiko do dakʼ laṛaokʼ reakʼko koyokʼ horetʼ tahẽkana.