Kạhtukko 8:12 - সান্তালী বাইবেল

¹² “Iń doń ạkilangea, ińre do buj menakʼa; bidiạ ar boge bạṛicʼ bujhạu reakʼ daṛe hõ ińre menakʼgea.

Kạhtukko 8:12 Referans Kwoze

Jesaea 28:26

Uniren Isorge uni doe hukumaea ar ṭhik hor reakʼe cetʼaea.

Exodus 35:30

Inạ tayom Mose do Israelkoe metatʼkoa, “Probhu Isor do Jihudạ khũṭren Hur goṛomtetʼ koṛa, metakʼme Uriạ hopon Besalele bachaoana ar acʼakʼ Jiuteye perecʼkedete uni do ạkilte, bidiạte ar sanam lekan kạmi reakʼ daṛeye emadea.

Romiko lạgitʼ Pạul Apostolakʼ ciṭhi 11:33

Isorakʼ dhon do asambheṛgea. Uniyakʼ bud ar akel hõ khạndrińgea. Uniyakʼ bicạr ar sanam kạmiko do oho ḍunḍhạulena.

Kạhtukko 1:4

jemon lelha hoṛ do budanko hoyokʼ ar juạnko do bud ar ạkilko ńam,

Kolossiko lạgitʼ Pạul Apostolakʼ ciṭhi 2:3

Mạsirege sanam lekan bud ar akelko do oko menakʼa.

Ephesiko lạgitʼ Pạul Apostolakʼ ciṭhi 1:11

Isor do acʼakʼ bud ar akelte apnarakʼ kusileka jotowakʼgeye kạmiyeda. Acʼakʼ monsubạ leka laha khon okaṭakʼe niṭ dohoakatʼ tahẽkan onkage Mạsi hotete acʼren hoṛko hoyokʼ lạgitʼ uni do aboe bachao dohoakatʼ bona.

Sereńko 104:24

E Probhu Isor, am do ạḍi utạrakʼkom sirjạu akada; ar amakʼ akelte onako dom benao akada; amakʼ sirjạuakʼ jiniskotege dhạrti do perecʼ akana.

1 Bõsbudạ 28:19

Dạude menkeda, “Probhu Isor iń ṭhen okaṭakʼ nạmunae sodorletʼ tahẽkan uniyakʼ ạyurte iń do onań akaokeda, ar ona nạmuna reakʼ khạṭi-nạṭi bujhạu reakʼ akel do uniye emadiń tahẽkana.”

Ephesiko lạgitʼ Pạul Apostolakʼ ciṭhi 3:10

Uni doe onkaleda jemon Mạsiyakʼ manḍer hotete sermaren sanam cakʼlaoko ar ektiạrianko ṭhen aema lekate sodor akan Isorakʼ akel ńitokʼ sodorokʼ.

Ephesiko lạgitʼ Pạul Apostolakʼ ciṭhi 1:8

Isor do noa daya acʼakʼ maraṅ bud ar akel salakʼe dan akatʼ bona.

2 Bõsbudạ 13:14

Jihudạren hoṛko do ạcuren khanko ńelkeda, lạṛhại phạdko do ako samaṅ ar tayom banar secʼrege menakʼko. Unre onko do Probhu Isor ṭhenko rakʼkeda. Ar naekeko do akoakʼ sakwako oroṅkeda ar Jihudạren hoṛko do lạṛhại lạgitʼko hohokeda. Ar onko do lạṛhại reakʼ tinreko hohokeda unre Abiạ ar Jihudạren hoṛko samaṅ khon Isor do Jerobiam ar sanam Israelkoe bhagaoketʼkoa.

1 Rapajko 7:14

Uniren eṅgattetʼ do mitʼṭecʼ rạnḍi maejiu ar Naphtali gusṭiren hoponerae tahẽkana. Uniren apattetʼ do Turren hoṛe tahẽkana. Ar Hiram do pitạl kạrigole tahẽkana. Hiram do pitạl reakʼ sanam lekan kạmikoe baḍaekan tahẽkana ar ona kạmire uni do ạḍi gạkhuṛ kạrigole tahẽkana. Uni do Solomon raj ṭhene hecʼena ar okako kạmiye emocoyen onakoe kạmikeda.

1 Bõsbudạ 28:12

Probhu Isorakʼ oṛakʼ reakʼ bakher raca, ona beṛhaeteakʼ kandhako, Isorakʼ oṛakʼ reakʼ khajańciko ar samaṅokʼ jinisko dohoy reakʼ oka noksa Sonot jiu do Dạud ṭhene sodorletʼ ona do jotoge Solomone baḍae ocokedea.

Kạhtukko 8:5

Lelha hoṛ do, budan hoyokʼ lạgitʼ ạkilko hameṭ joṅa; ar khaṭo bujan hoṛ hõ ạkilko hameṭ joṅa.