Kạhtukko 6:34 - সান্তালী বাইবেল

³⁴ ente ontor reakʼ jaljalaokʼ do jãwãetetʼakʼ edreye rakaba; ar hala hạli lạgitʼ uni do jãhãn mãyãge bae uduga.

Kạhtukko 6:34 Referans Kwoze

Soros sereń 8:6

Amakʼ ontorte dohoyińme mohorchap akatʼleka ar amakʼ soporege mohor chapakʼme; ente dulạṛ do moron leka daṛeanakʼ kana, ar kobor leka kumãyãwakʼ kana ahkaokʼ do. Ona do lepʼ seṅgel leka jolokʼtege tahena, ạḍi tạpis lepʼ lekage ona do.

Kạhtukko 27:4

Raṅgao do kurmutạhagea ar edre hõ ạḍi tạpisgea, menkhan mẽtʼ jolokʼ samaṅre do okoehõ bae teṅgo daṛeakʼa.

Numeri 5:14

ar rinicʼtetʼ cetanre inditʼ iạte jãwãetetʼ do monre jolon hecʼae enḍekhan uni do acʼren oṛakʼ hoṛ naeke ṭhene idiyea; ar rinicʼtetʼ bae bhõnḍ akanre hõ hereltetʼe inditʼae enḍekhan uni hõ naeke ṭhene idiyea. Ona sãote acʼren rinicʼtetʼ ńutumte samaṅokʼakʼ lạgitʼ mitʼ keji irạlsae gram jao reakʼ holoṅ idi torae hoyokʼtaea. Uni do noare jãhãn sunum se kunduru bae mesalakʼa ente noa do indidokʼ reakʼ jomakʼ samaṅokʼakʼ kana, metakʼme Probhu Isor ṭhen behokakʼ reakʼ samaṅokʼakʼ kana.

1 Korinthiko 10:22

Noa iạte Probhu Isor do cetʼ babon ãṭ ocoyedekana? Abo do cetʼ uni khon bon daṛegea?

Numeri 25:11

“Naeke Aronren goṛomtetʼ koṛa, metakʼme Eleasarren hopon Pinehas do Israelko cetan khon ińakʼ edreye sạṅgińketʼtińạ. Israelko modre uni do ińakʼ bakhra babotre iń lekageye ahkaokʼ kana. Onate ińakʼ bakhra reakʼ ạḍi ahkaoteakʼ tahẽkanre hõ iń do bạń marao utạrletʼkoa.

Genesis 39:19

Erattetʼakʼ noa katha ańjomkate kisạ̃ṛ do ạḍiye edreyena, ente acʼren bạhui metade tahẽkana, “Amren guti doe nonka kedińa.”

Kạhtukko 6:33

Uniyakʼ bhạgre do ghạl ar bemanot menakʼa; ar uniyakʼ durnam do tisge baṅ muchạukʼtaea;

Kạhtukko 6:35

Uni do jãhãn khuti purun bae ataṅa, ar ạḍi bạ̃ṛti danaere hõ bae tirpitokʼa.

Kạhtukko 11:4

Isorakʼ edre tisokʼ pheḍ hijukʼa enhilokʼ dhon do jãhãn porhoge baṅ hoyokʼa, menkhan Isor botorae do gujukʼ khone rukhiyạwa.

Jesaea 13:17

“Ńelpe, onko upạrte iń do Mediren hoṛkoń buskukoa. Onko do rupạ secʼ hõ bako beṅgeda ar sona iạte hõ bako rạskạkʼa.

2 Samuel 11:5

Ar maejiu do bhạrti hoṛmo akana menteye bujhạuketʼ khan ona khobor do Dạud ṭhene kolkeda.