Kạhtukko 5:19 - সান্তালী বাইবেল

¹⁹ Uni do dulạṛte perecʼ, ar ńelokʼte napae jel leka; uniyakʼ sohag do jotowakʼteye purunmea. Am do jao ghuṛi unirem moṅgonokʼa.

Kạhtukko 5:19 Referans Kwoze

Soros sereń 7:3

Amakʼ bạskin do jel hoponkin leka poṭretʼ jelren jawa hoponkin lekage.

Soros sereń 2:9

Dulạṛiạtiń do selepʼ jelren hopon leka. Hạni ńelepe, uni do aleakʼ pạcri tayomreye teṅgo akana, uni do jalna secʼteye ńeleń kana, ar bhurni khone oyoṅ edeńkana.

Soros sereń 8:14

E dulạṛiạtiń, dela hijukʼme; jut so mosolate perecʼ buru coṭre selepʼ jel leka, juạn jhaṅkaṛ jel leka baṛe hoyokʼme.

Soros sereń 4:5

Amakʼ bạskin do sikiyạm bagwanre ạtińkan poṭretʼ jelren jawa hoponkin leka.

Soros sereń 2:17

E ińren dulạṛiạ, ruạṛ hijukʼme baṛe; tin hạbicʼ baṅ aṅga marsalokʼ ar ńut ạuri cabakʼ un hạbicʼ am do tahenme. Buru rindiṛkore juạn jhaṅkaṛ jel baṛe hoyokʼme, selepʼ jel leka baṛe hoyokʼme.

Kạhtukko 5:15

Amakʼ kuń reakʼ dakʼ khonge am do ńũime; ar amakʼ ḍạḍi dakʼ reakʼ dakʼge ńũime.

2 Samuel 12:4

Mitʼdin mitʼṭen peṛa do uni kisạ̃ṛ hoṛ ṭhene hecʼena. Menkhan kisạ̃ṛ hoṛ do uni peṛa acʼren ḍaṅgra se bhiḍite peṛaye do bae khojleda. Ona bodolte uni reṅgecʼ hoṛren bhiḍi hopon ạgukate acʼren peṛa lạgitʼe isinkedea.”

Kạhtukko 5:20

E bạbu, cedakʼ am do bạṛicʼ maejiurem moṅgonokʼ kana? Ar ạ̃nạ̃ṛi maejiu do cedakʼem hạṛubea?