Kạhtukko 31:25 - সান্তালী বাইবেল

²⁵ Daṛe ar man do uniyakʼ horokʼ bandenakʼkana; ar darakan dinko reakʼ do bae bhabnakʼ kana.

Kạhtukko 31:25 Referans Kwoze

Jobakʼ 40:10

Enḍekhan ńitokʼ do ṭhosok ar mante sajokʼme, mạhima ar ṭhonok horokʼ joṅme.

Romiko lạgitʼ Pạul Apostolakʼ ciṭhi 13:14

Ape do kicricʼ leka Probhu Jisu Mạsi horokʼjoṅpe; ar jel reakʼ sana purạu lạgitʼ do alope moneyakʼa.

Ephesiko lạgitʼ Pạul Apostolakʼ ciṭhi 4:24

ar Isore emakan “Nãwã hoṛtetʼ ” do nãwã kicricʼ leka horokʼjoṅpe. Uni “Nãwã hoṛtetʼ ” do sạriyakʼre, dhoromre ar sonotre Isor lekae sirjạu ocoakana.

Jobakʼ 29:14

Dhorom do kicricʼ lekań horokʼetʼ tahẽkana, ar bhage bicạr do oyonakʼ ar dạṛhiteakʼ lekage tahẽkana;

1Timothi 2:10

Ona bodol bhage kạmikoteko sajokʼma. Okoe maejiu apnar do Isor bhokti kanako menteko monejoṅkan onko maejiu lạgitʼ do onka hoyokʼge lek kana.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Sereńko 132:9

Amren naekeko do dhorom reakʼ kicricʼko horogma, ar am botoram kanko do rạskạteko sereńma.

Sereńko 132:16

Iń do Sionren naekeko bańcaokʼ reakʼ kicricʼ iń horokʼakoa; onḍe ińko botorạńkan hoṛ do ãṭ aṛaṅteko sereńa.

1Timothi 2:9

Noa hõń khojkana maejiuko do mạ̃hir ar bhage bud akel salakʼ horokʼ bandere sambṛaokʼ ar lek lekako sajokʼma. Onko do nana parkan galaṅ upʼ ar sona se mạnik se damanakʼ kicricʼkote apnartetʼ alo baṛeko sajaokʼma.