Kạhtukko 30:4 - সান্তালী বাইবেল

⁴ Okoe sermate doe rakapʼakana are pheḍ hecʼakana? Okoe do tire hoeye cuputʼ akada? Okoe apnarakʼ kicricʼre sanam dakʼe jarwa dohoakada? Dhạrti reakʼ simạnako do okoeye bandhao akada? Uniyakʼ ńutum ar uniren hoponakʼ ńutum do cetʼ? Amem baḍae khan lạiyạńme baṛe.

Kạhtukko 30:4 Referans Kwoze

Johan 3:13

Sermare okoeye tahenkan ar serma khon okoeye hecʼakan uni Manwa Hopon chaḍa ar okoe hõ sermate do bako rakapʼ akana.

Jobakʼ 26:8

Dakʼko do acʼakʼ dạriạ rimilreye dohokakʼ kana Menkhan ona reakʼ hamalte hõ rimil do baṅ oṛejokʼkana.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Dosar Biboron 30:12

Noa hukum do sermare dohokakʼ jinis hõ baṅkana, onatepe men botecʼkea, ‘sermate do okoeye dejokʼte onae ạgua bona ar ańjomkate ona leka bon sen daṛekokʼ?’

Johan sodor 19:12

Uniyakʼ mẽtʼ do jolokʼkan seṅgel leka ar uniyakʼ bohokʼre do ạḍi utạr mukuṭ tahẽkana. Uniyakʼ hoṛmore nonkan mitʼṭecʼ ńutum ol tahẽkana, one okaṭakʼ ńutum do acʼ chaḍa ar okoe hõ bako baḍae.

Romiko lạgitʼ Pạul Apostolakʼ ciṭhi 10:6

Menkhan biswạs hotete manwa do Isor ṭhen cetʼlekate dhorom menteye ataṅokʼa ona reaṅ sonot sostorreye menakada, “Mon monte noa do alom mena, ‘sermate do okoeye dejokʼa?’ ” Metakʼme, serma khon Mạsi pheḍ ạguiye lạgitʼ okoe sermate doe dejokʼa?

Dosar Biboron 28:58

“Noa puthire olakan ạn-ạriko joton salakʼpe senakʼte ona lekape colon, metakʼme ‘aperen Probhu Isorakʼ ṭhonokte perecʼ ar botoranakʼ ńutum bape manot,

Jesaea 53:8

Jobor jạsti ar behok reakʼ bicạr iạte uni doe gocʼ ocolena. Uni piṛhiren hoṛko modre okoeye hudisleda ińren hoṛkoakʼ ghạṭ iạte jiwetʼkoakʼ disạm khon uni doe getʼ begar ocokʼa mente? Ona sạjại ma onkoakʼ paonage coṅ tahẽkan.

Sereńko 68:18

Tinre am do sermatem rakapʼena unre lạṛhại kạidikom idiketʼkoa. Ar hoṛko talare, teṅgo daramko talare tahen jokhecʼ am ṭhen do ạḍi utạr dan hecʼlena, jemon am do, E Probhu Isor, onko talarem tahẽ daṛeakʼ.

Sereńko 2:7

Raj doe mena, Probhu Isor okae gathao akatʼ Iń do onań lại jạhira; Uni doe metadińạ, am dom ińren hopon kana, teheńge iń do amren apatiń hoyena.

Exodus 6:3

Iń sanam daṛeanicʼ Isorge Abraham, Isahak ar Jakob ṭheniń ńel ocokʼkan tahẽkana, menkhan Probhu Isor lekate okoe kạnạń mente ona do bạń sodoretʼ tahẽkana.

Bikʼcạrko 13:18

Uniye menkeda, “Ńutum do cedakʼem kuliyediń kana? Ińakʼ ńutum do okoege bako bujhạu daṛeakʼa.”

Luk 10:22

“Ińren Baba do ińakʼ tire sanamakʼe jimạ akada. Baba chaḍa okoe hõ bako baḍaea Hopon doe okoe kana, arhõ Hopon chaḍa okoe hõ bako baḍaea Baba doe okoe kana mente. Ona chaḍa Hopon okoe ṭhen Baba sodoreye menetʼkan eken unigeye baḍaea.”

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍae edekana, Hopon okoe ṭhen Baba sodoreye menjoṅkan unige uni doe baḍaeyea.

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’

Sereńko 24:2

ente unige khạndri dakʼ cetanre ot reakʼ rehetʼe gathaokeda, ar ona ot ar hasa latar reakʼ dakʼ cetanreye sapʼ dohokeda.

Sereńko 22:27

Dhạrti reakʼ ses simạren hoṛko hõ monko ạcurtakote Probhu Isor ṭhenko ruạṛ hijukʼa; ar eṭakʼ jạtren sanam gusṭirenko do uniko sewawaea.

Genesis 32:29

Jakob do uniye metadea, “Nehõram kạnạń, amakʼ ńutum baṛe lạiyạńme?” Uniye menkeda, “Ińakʼ ńutum do cedakʼem kuliyedińkana?” Ar noa katha menkate uni do Jakobe bhoradea.

Exodus 15:10

Menkhan am dom oṅketʼte hoeyem ạgukeda, ar jalapuri hõ onkoe loṭomketʼkoa. Onko do khạndri dakʼre sisạ lekako tạpukʼena.

Sereńko 135:7

Unige pirthimi reakʼ mucạtʼ khon rimile rakapʼ ocoyeda; unige dakʼ lạgitʼ bijliye tear ocoyeda.

Jesaea 45:18

Probhu Isor, okoe do sermae sirjạu akatʼ, uni kangeae Isor do; one uni dhạrti do muṭhạne emakawatʼ are benao akatʼ, unige onae bandhoakada. Ar dhạrti do ạlmạl bae benaoleda, bickom girobasokʼ lạgitʼgeye benaokeda. Uni doe meneda, “Iń kangeạń Probhu Isor do, iń chaḍa eṭagicʼ do ar cele hõ bạnuiya.

Jobakʼ 11:7

Isorakʼ okoakʼko reakʼ khạndritetʼ do cetʼem baḍae daṛeakʼa? Sanam daṛeanicʼakʼ simạna baṅ tinạkʼ sạṅgiń ona do cetʼ suṭhik katem ńel daṛekea?

Jobakʼ 11:8

Serma khon hõ usulge ona do cetʼem bujhạu daṛeakʼ kana? Seol khon khạndrige, ona hõ cetʼem baḍae daṛeakʼ kana?