Kạhtukko 30:17 - সান্তালী বাইবেল

¹⁷ Okaṭakʼ mẽtʼ do apate ṭiṭkạriyede kan ar eṅgatakʼ katha bataore hirkhạ salakʼe baṅetʼ, ona mẽtʼ do gaḍa kạhuko ṭhoṭrao oḍoka, ar gidiren hopon do onako joma.

Kạhtukko 30:17 Referans Kwoze

Kạhtukko 23:22

Am babawakʼ katha ańjomme okoe do jonome emakawatʼme; ar am gogoe buḍhilenre alom neṅghaoea.

Kạhtukko 30:11

Nonkan ḍher hoṛ menakʼkoa okoe akoren apatkoko sarapako ar eṅgatakʼ bhạlại bako khojkan,

Levitikus 20:9

“Jãhãeakʼ kathare gogo ar baba lạgitʼ bemanot tahen uni do khạṭigeye gocʼ ocokʼa. Ar ona bemanot iạte gujukʼ do apnargeye dạyikana.

Kạhtukko 20:20

Jãhãege acʼ eṅgat se apate sarapae, uniyakʼ diuhe do kaṛaṅ kucạṅ ńutre ĩṛĩjokʼtaea.

2 Samuel 21:10

Unre Ayaren hoponerat Rispa do gõṛẽ kicricʼ idikate mitʼṭecʼ dhiri cetanreye aṭetʼana. Pạhil phosol gegetʼ khon ehopʼkate tinạkʼ din ona mạ̃ṛĩko cetanre serma khon jạ̃ṛĩ dakʼ ạuri ńurokʼ hạbicʼ siń do cẽṛẽko ar ńindạ do bir janwarko ona mạ̃ṛĩ ṭhen bae sor ocoatʼkoa.

1 Samuel 17:44

Uni do Dạud arhõe metadea, “Dela hijukʼme; amakʼ hoṛmo reakʼ jel do coṭren uḍạukʼ cẽṛẽko ar bir janwarkoń jom ocokoa.”

Dosar Biboron 28:26

Apeakʼ mạ̃ṛĩ do coṭren cẽṛẽko ar otren janwarkoakʼ jomakʼge hoyokʼa, onko laga ńirko lạgitʼ do celege bako tahena.

Kạhtukko 15:20

Ạkilan hopon do apatakʼ jionre rạskạko ạguiya, menkhan khaṭo bujan hoṛ do eṅgattetʼe nihạ̃tea.

Kạhtukko 30:18

Pea jinis iń do ạḍi hahaṛań bujhạua, menkhan ponea jinis do baṅgeń bujhạu daṛeakʼa.

Malaki 1:6

Phạdkoren Probhu Isore meneda, “Hopon do acʼren apattetʼ ar guti do arcʼren kisạ̃ṛe manotea. Apatiń hoyakan khan ińakʼ manot do okare? Ar kĩsạ̃ṛiń hoyakan khan ińakʼ manot do okor? E naekeko, apege ińpe nihạ̃t giḍi akadińạ. Arpe meneda, ‘cekate ale do amle nihạ̃tetʼmea?”