Kạhtukko 30:14 - সান্তালী বাইবেল

¹⁴ Onkoakʼ ḍaṭa do tarwaṛe leka ar jambe do churi leka, jemon onko do dhạrtiren reṅgecʼ orecʼko ar nacarko manwa tala khonko marao daṛeako.

Kạhtukko 30:14 Referans Kwoze

Sereńko 57:4

Reṅgecʼ edekan dhạcri kul leka hoṛko talare iń doń giticʼ akana; onkoakʼ ḍaṭa do borlom ar sar leka, ar alaṅ do laser tarwaṛe lekage.

Sereńko 3:7

E Probhu Isor, dela hijukʼme; E ińren Isor, bańcaoiń me. Am do ińren bạiriko jambereyem ghạletʼkoa ar bạṛicʼ hoṛkoakʼ ḍaṭa dom rạputʼ giḍikatako kana.

Sereńko 14:4

Bạṛicʼakʼko kạmikanko do cetʼ nunạkʼgeko bebujgea? Hoṛko cetʼleka jomakʼko jometʼkan onkage onko do ińren hoṛko jometʼkoa; onko do Probhu Isor hõ bako hohoae kana.

Jobakʼ 29:17

Dusṭạmi hoṛkoakʼ jambe ḍaṭań coakʼ rạputʼetʼtako tahẽkana ar onkoakʼ moca khon do laga sapʼ akankoń chaḍaoetʼko tahẽkana.

Johan sodor 9:8

Onkoakʼ upʼ do maejiukoakʼ upʼ leka ar ḍaṭa do dhạcri kulakʼ ḍaṭa leka.

Amos 8:4

Ape okoe do laṅgaṭkope lebetʼ gańjaoetʼko ar reṅgecʼ orecʼkope caba utạrletʼko, ape baṛe ańjompe.

Sosolhayic̕ 4:1

Siń cando latarre oka santaoko hoyokʼkan ona secʼ mitʼ dhao beṅgetʼkateń ńelkeda santao ocokʼko doko rakʼeda, menkhan onko jiwi raṛecʼ emako lạgitʼ do celege bạnukʼkoa. Sasantaoko ṭhen do ektiạri menakʼa, menkhan santao ocokʼko jiwi raṛecʼ emako lạgitʼ do celege bạnukʼkoa.

Sereńko 58:6

E Isor, phạsiạrakoakʼ ḍaṭa do onkoakʼ mocarege coagtakome; E Probhu Isor, onko dhạcri kulkoakʼ laser ḍaṭa do amge rạputʼ giḍikatakom.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

Sephaniạ 3:3

Uniren rajren kạmiyạko do hạnḍrạukʼkan dhạcri kul leka ar disạm cakʼlaoko do ńindạren hunḍạr leka kanako; one setakʼ lạgitʼ cetʼge bako sarecʼ dohokakʼ kan.

Habakkuk 3:14

Am do amakʼ ṭheṅgate uniren lạṛhại hoṛkoren matham sobokʼedea. One onko do chirchạtur cabale lạgitʼ hoe bharḍo lekako hijukʼkan, one onko nandanicʼ oko okote jome lekako rạskạkʼkan.

Amos 4:1

E Samariạ buru cetan reakʼ Basonren mãṛ bitkilko, ańjompe baṛe. Ape do reṅgecʼ hoṛpe santaoetʼkoa ar nandanko dope lebetʼ jạuetʼkoa ar aperen jãwãe dope metakokana, “Bubulakʼ ạgualepe.”

Amos 2:7

Onko do dhuṛiko eretʼkan lekage reṅgecʼ hoṛko eretʼkoa ar nandanko do hor khonko ṭhelao ocokʼetʼkoa. Apat ar hopon do ini mitʼ maejiu sãotegekin laṭghaṭetʼ kana ar nonkate onko do ińakʼ sonot ńutumko besonotetʼtińạ.

Jesaea 32:7

Bodmaskoakʼ kạmi do bạṛicʼgetakoa; nacarkoakʼ nehõr hok reakʼ kanrehõ onko do eṛe kathate maraoko lạgitʼ bạṛicʼakʼ phundiko aṭaoa.

Kạhtukko 28:3

Nandankoe jor bojorko kumãyã cạlạua hoṛ do baratʼ baratʼ dakʼ lekanae one onate phosol ḍahaokʼ.

Kạhtukko 22:16

Dhon lab lạgitʼ okoe hoṛ reṅgecʼkoe santaoko se okoe hoṛ kisạ̃ṛkoe danako unkin banar hoṛge ṭonṭare kin paṛaokʼa.

Kạhtukko 12:18

Saegatʼ katha do tarwaṛe lekae sobokʼa, menkhan ạkilanicʼakʼ katha doe bogea.

Sereńko 52:2

Amakʼ alaṅ do nonosṭowakʼ lạgitʼgeye goṭayeda; E phạsiạricʼ, amakʼ alaṅ do laser holatʼ lekana.

Sereńko 124:6

Bhạgangeae Probhu Isor do! Uni do bạirikoakʼ ḍaṭate bae cirạ ocoakatʼ bona.

Kạhtukko 30:15

Jõkren do barea hoponera menakʼkinạ, unkin do “Den, Den” mentekin hohoyeda. Pea jinis menakʼa one oka do tishõ baṅ tirpit, menkhan ponea do tishõ bako mena, “Inạkʼge,”

Jesaea 3:14

Probhu Isor do acʼren hoṛko modre haṛam hoṛko ar mukhiyạko upạrte bicạrkateye meneda, “Ape do ińakʼ darkha bagwanpe nosṭo akada; ar reṅgecʼ hoṛkoakʼ jinisko luṭkate apeakʼ oṛakʼtepe idiakada.

Jobakʼ 41:14

Uniyakʼ ḍaṭate perecʼ botoranakʼ mẽtʼãhã reakʼ silpiń do okoeye jhicʼ daṛekea?

Sereńko 57:5

E Isor, amakʼ man do serma hạbicʼ rakabokʼma; amakʼ ṭhonok do goṭa dhạrtire ńelokʼma.

Jesaea 3:15

Cetʼ iạte ińren hoṛ dope lebetʼ kucạ akatʼkoa ar reṅgecʼ hoṛ dope lebetʼ gańjao akatʼkoa?” Niạ katha do phạdkoren Probhu Isorgeye meneda.

Jeheskel 22:6

“‘Ńelme, amre menakʼko Israelren cakʼlaoko do akoakʼ daṛe leka mãyãm joro ocoy lạgitʼko mone muruk akada

Jeheskel 34:3

Ape do toape jomeda, ar upʼte do kiricʼ benaokatepe horokʼeda ar bachao akan bheḍakope guretʼkoa, menkhan bhiḍiko do bape jotonetʼkoa.