Kạhtukko 30:12 - সান্তালী বাইবেল

¹² Arhõ nonkan hoṛ menakʼkoa okoe akoakʼ nońjorreko khạṭige, menkhan akoakʼ mạilạ khon bako saphakʼ kan,

Kạhtukko 30:12 Referans Kwoze

Luk 18:11

Khan uni Phạrusi do teṅgokate acʼ babotre nonkae koekeda, ‘E Isor, gun manao joharam kạnạń, ente iń do eṭakʼ hoṛko leka luluṭicʼ, bedhoromicʼ, ar laṭghaṭicʼ doń baṅkana, se nui mạsul-uṭhạuicʼ leka hõń baṅkana.

Kạhtukko 16:2

Hoṛakʼ do acʼakʼ joto horge acʼ nońjorre saphagetaea, menkhan jiu tulạ bikʼḍạuicʼ do Probhu Isorge.

2Timothi 3:5

Onkoakʼ bahretetʼem ńelle khan Isor bhokti menakʼtakoa mentem bujhạukea, menkhan Isor bhokti reakʼ daṛe do bako aṅgoceda. Nonkan hoṛko khon do pharak akae tahenme.

Titus lạgitʼ Pạul Apostolakʼ ciṭhi 3:5

Jãhãn bhage kạmi lạgitʼ do bae bańcao akatʼ bona, menkhan dayategeye bańcaoketʼ bona. Sonot Jiu hotete nãwã janamte ar nãwã arokʼte uni do aboakʼ ontore ạrupʼ saphakeda, ar nonkateye bańcaoketʼ bona.

Luk 16:15

Unre Jisui metatʼkoa, “Ape do hoṛko samaṅre dhorompe udugokʼ kana, menkhan Isor do apeakʼ mon reakʼe baḍaegea. Ente manwa ṭhen okaṭakʼ manotakʼkan, Isor samaṅre ona do hirkhạwakʼ kana.

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Jesaea 65:5

Onko doko mena, ‘pharakre tahenme; iń ṭhen do alom hijukʼa, ente am khon ḍhergeń sonotgea.’ Onko hoṛ do ińakʼ mũ reakʼ dhũạ kanako ar goṭa din jolokʼkan seṅgel kanako.

Kạhtukko 21:2

Manwa do sanam horge acʼ ṭhen do sojhegetaea, menkhan Probhu Isor do uniyakʼ ontorre tulạyetʼtaea.

1 Korinthiko 6:11

Ape modre adomko do onkageko tahẽkana, menkhan Probhu Jisu Mạsi ńutumte ar aboren Isorren Jiu hotete ape dope ạrupʼ sapha ocoakana, ar Isor lạgitʼpe sonot ocoakana arpe dhorom ocoakana.

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Jesaea 1:16

Ape do apnartetʼ khạṭikʼpe ar saphakʼpe. Ińakʼ mẽtʼãhã samaṅ khon apeakʼ sanam bạṛicʼ kạmiko sạṅgiń giḍikakʼpe; ar onako alope kạmiya.

Sereńko 51:7

Husopʼ dare reakʼ ḍạrte saphayińme, onate iń doń sapha utạrokʼa; ạrupʼ saphayińme, onate iń do pĩṛĩtʼ pĩṛĩtʼ ponḍ iń hoyokʼa.

Sereńko 51:2

Ińakʼ sanam ghạṭko khon ạrupʼ saphayińme; ińakʼ kại khon sapha utạr kạńme baṛe.

Sereńko 36:2

Onko do ako reaṅ cikạ̃ṛ cikạ̃ṛ kathako roṛa, Isor do onkoakʼ kại bae sabtakoa, ar hirkhạ mẽtʼte hõ bae ńelkoa.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Jobakʼ 33:9

Amem meneda, ‘iń doń saphagea, ińakʼ do jãhãn kạige bạnukʼtińạ; iń doń dhoromgea, ińre jãhãn dosge bạnukʼa.

Bikʼcạrko 17:13

Mikại menkeda, “Mitʼṭen Liwi tinre ińren naekeye hoyakana unre ińiń baḍaea, Probhu Isor do ińakʼe bhạlạiytińạ.”

Bikʼcạrko 17:5

Mikạwakʼ do mitʼṭecʼ mundil tahẽkana. Uni do mitʼṭecʼ ehpod ar debota muṭhạnko benaokate acʼren mitʼṭen hopon do naeke hudạreye dohokedea.

Hosea 12:9

Menkhan E Ephrayim, ińge amren Probhu Isor do; ińge Misor khoniń oḍok ạguakatʼmea. Amakʼ niṭakatʼ porobko reakʼ okte leka arhõ am do tạmbureń tahẽocomea.