Kạhtukko 3:34 - সান্তালী বাইবেল

³⁴ Ṭiṭkạrikan hoṛko doe ṭiṭkạriakoa, menkhan nindhạnko doe dayawakoa.

Kạhtukko 3:34 Referans Kwoze

Jakob 4:6

Menkhan Isorakʼ daya do arhõ ḍhergea. Onate sonot sostorre ol menakʼa, “Isor do phulạukʼkanko upạrteye teṅgona, menkhan mạ̃hirko doe bhorakoa.”

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”

Kạhtukko 9:12

Ạkilanicʼem hoyokʼ khan amakʼ lab hoyokʼtama, menkhan landa dhutʼicʼem hoylen khan eskarge kosṭom ńama.”

Sereńko 138:6

Probhu Isor do jotowakʼko cetanre menaere hõ enhõ uni do nindhạnkoe beṅgetʼakoa, menkhan bạḍạiko doe sạṅgiń khongeye baḍaekoa.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Kạhtukko 21:24

Bạḍại ar dhomokkan hoṛakʼ ńutum do, “Landa dhutʼicʼ;” uni do bạ̃ṛti gorbokʼ tulucʼe kạmiya.

Kạhtukko 19:29

Landa dhutʼetʼko lạgitʼ do sạjại tear dohoakana, ar khaṭo bujankoakʼ dea lạgitʼ do cạbukge.

Sereńko 18:26

Ar khạṭiko tulucʼ do khạṭigem beohareda, ar phẽpṛakʼko do amakʼ bud reakʼ phundim udukʼako kana.

Kạhtukko 14:9

Bebuj hoṛ acʼakʼ kạiye aṅgoctae do nichokokʼ lekae bujhạua menkhan bhage hoṛ do samgekʼgeye bạsutakʼ kana.

Kạhtukko 16:19

Bạḍạiko sãote luṭakʼ jinis hạṭiń joṅ khon mạ̃hir monte santao ocokʼko sãote tahenge bhagea.

Kạhtukko 1:26

Unre apeakʼ maraokʼ ńelte iń doń landaya, ar muhinrepe paṛaolenre apeakʼ tamasań ńela.