Kạhtukko 3:28 - সান্তালী বাইবেল

²⁸ Goṛowako lạgitʼ daṛe tahentam khan okoe hõ alom metakoa, “Do calakʼme, ar tayomte hijukʼme, gapań emama.”

Kạhtukko 3:28 Referans Kwoze

Levitikus 19:13

“Am aḍepaseren hoṛ alom julumea ar jãhãnakʼ alom rejeya. Khaṭaoicʼ reakʼ mujuri do enhilokʼge emkataeme; ona do setakʼ hạbicʼ alom doho aṅgaea.

2 Korinthiko 8:11

Menkhan ńitokʼ do ona kạmi purạutape. Ar oka khaṛa monte kạmi sanaletʼpe inạ khaṛa montege daṛeakʼ bhor purạugotʼkakʼpe.

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

1Timothi 6:18

Kisạ̃ṛko hukumakome onko do eṭakʼ hoṛ jemonko bhạlạiko, ar bhage kạmikoreko kisạ̃ṛokʼ, ar em hạṭińko ar mãyã monanko hoyokʼ.

2 Korinthiko 9:3

Iń do noko boehakoń koletʼkoa jemon noa babotre ape ńutumte okaṭakʼ sarhaokʼakʼ menakʼtale ona onko ṭhen sạriyakʼ mente sạbudokʼ, ar cetʼ lekań menakatʼ onkage jemon ape do sạrige sapṛao akaepe tahen.

Sosolhayic̕ 11:6

Am do setakʼ jokhecʼ itạ er me, ar ạyupʼ jokhecʼ hõ amakʼ ti doe onkaema, ente oka okte reakʼ kạmi jo bahakʼa se banarge soman hoyokʼa, ona do bam baḍaea.

Kạhtukko 27:1

Gapa din lạgitʼ do alom sarhaokʼa, ente oka hilokʼ cetʼ hoyokʼa ona do bam baḍaea.

Soros sereń 5:3

Iń do mone moneteń menkeda, “Kicricʼ iń bhạnduṛ akatʼtińạ, ar cekate ona doń horokʼ ruạṛa? Iń do jaṅgań ạbuk sapha akana, cekate ona doń mạilạitińạ?”