Kạhtukko 29:6 - সান্তালী বাইবেল

⁶ Bedhorom hoṛ do acʼakʼ kại gunạkʼte jhampareye paṛaokʼa, menkhan Isor botorae hoṛ doe rạskạkʼa are sereńa.

Kạhtukko 29:6 Referans Kwoze

2Timothi 2:26

Onate onko do Soetanakʼ jhạli khonko ńir paskaokʼa, ente Soetan do acʼakʼ sana purạu lạgitʼge onkoe sapʼ dohoakatʼko tahẽkana.

Sosolhayic̕ 9:12

Okoe hõ bae baḍaea tinreye gujukʼa mente. Cetʼleka hako do jhạlireko aṭkaokʼ ar cẽṛẽ do jhampare onkage muhin do manwa cetanre ackage hijukʼa ar muhinreye paṛaoakʼ.

Exodus 15:1

Noa tayom Mose ar Israelko do Probhu Isor ńutumte noa sereńko sereńkeda: “Iń do Probhu Isor ńutumteń sereńa, ente hoṛkoakʼ mẽtʼre uniyakʼ ṭhonok maraṅentaea. Sadom ar aswari dolrenko do unige jalapuri reakʼ dakʼreye giḍikatʼkoa.

Sereńko 118:15

Dhorom hoṛkoakʼ oṛakʼre bańcaokʼ reakʼ rạskạ ańjomokʼkana; Probhu Isorakʼ daṛeanakʼ ti do bhageakʼe kạmiakada.

Sereńko 97:11

Isor botoraeko do jionre marsalko em ocokʼa, ar okoekoakʼ ontor khạṭige onkoakʼ jionre do rạskạko ńama.

Sereńko 11:6

Uni do bedhoromko cetanre muskilakʼkoe kola; ar onkoakʼ bhạgre jolokʼkan gondhok ar seṅgel hoegeye kola.

1 Patras 1:8

Mạsi bape ńel akadere hõ enhõ ape do unipe dulạṛede kana; ar ńit bape ńel ńamekanre hõ unirepe pạtiạu akana, ar okaṭakʼ rạskạ lạite baṅ sodorokʼ ar okaṭakʼ do serma reakʼ ṭhonokte perecʼge, ona rạskạtepe rạskạkʼ kana;

Jakob 1:2

E ińren boehako, ạḍi lekan biḍạurepe paṛaokʼlenre ona do rạskạ reakʼ kana mente alope hudisa,

Kạhtukko 12:13

Bạṛicʼ hoṛ do acʼakʼ kạite perecʼ katha hotete jhạlireye paṛaokʼa, menkhan dhorom hoṛ do muhin khone paskaokʼa.

Kạhtukko 5:22

Bedhorom hoṛ do bạṛicʼ kạmi reakʼ jhạlireko paṛaokʼa, uni do apnarakʼ kại babertegeye tol ḍhumbạgokʼa.

Sereńko 132:16

Iń do Sionren naekeko bańcaokʼ reakʼ kicricʼ iń horokʼakoa; onḍe ińko botorạńkan hoṛ do ãṭ aṛaṅteko sereńa.

1 Johan 1:4

Aleakʼ rạskạ jemon perejokʼ onate ale do noakole oleda.

Bikʼcạrko 20:41

Ar unre Israelko doko ạcur ruạṛena ar ona iạte Benjaminrenko do ạḍi botor caṛhaoatʼkoa. Onkoko bujhạu daṛekeda, ako cetanre maraokʼ do seṭerena mente.

Kạhtukko 22:5

Peṛta hoṛakʼ horre do jạnum ar jhampakoge tahena, menkhan okoe apnarte sontore tahen uni do onako khon sahaṛ akaeye tahena.

Kạhtukko 10:28

Isor botoraekoakʼ asre do rạskạ menakʼa, menkhan bedhoromkoakʼ as do michạgetakoa.