Kạhtukko 29:25 - সান্তালী বাইবেল

²⁵ Manwa okoeye botorae ona botor do uniyakʼ jhampa leka hoyokʼa. Menkhan okoe Probhu Isorreye bhorsakʼkan uni do khạtirjomae tahena.

Kạhtukko 29:25 Referans Kwoze

Sereńko 118:8

Manwako cetanre bhorsa baṅkate Probhu Isorre bhorsakʼ do bhagea.

Luk 12:4

“E gateko, ińiń metapekana, hoṛmo gogocʼko ar ona tayom bạ̃ṛti jãhãnakʼ baṅ ceka daṛeakʼko do alope botorakoa.

Kạhtukko 18:10

Probhu Isor do kajak aotan gaṛ kanae; dhoromko onḍeko ńir sen khan rukhiyạko ńama.

Sereńko 91:14

Probhu Isore meneda, “Dulạṛte okoye sabeńkan, uni doń rukhiyạyea; ar muhin khoniń bańcaoea, ente uni do ińe oromakadińạ.

Kạhtukko 16:20

Okoe hoṛ Isorakʼ kathae luturakʼkan uni do bhạlại hoyokʼtaea, ar okoe Probhu Isor cetanreye ṭehãḍokʼkan uni doe bhạgangea.

Kạhtukko 30:5

Isorakʼ sanam kathako do khạṭigea mente sạbud akana; okoe unireko asrayokʼkan uni do onkoren ḍhale hoyokʼa.

Sereńko 125:1

Probhu Isorre bhorsakʼkanko do Sion buru leka jaejug hạbicʼko ṭarhao tahena.

1 Patras 1:21

Isor do gocʼko khon uniye jiwetʼ beretʼkedete ṭhonoke danadea ar uni hotete ape do Isorrepe biswạs akana; ar onatege apeakʼ biswạs ar as do Isor cetanre menakʼtapea.

1 Bõsbudạ 5:20

Noko sãote lạṛhại jokhecʼ Isor do onkoe goṛowatʼko tahẽkana. Uni do Hagariạko ar onkoren sanam hoṛko onkoakʼ tireye jimạletʼkoa, ente lạṛhại jokhecʼ onko do Isor ṭhenko koejoṅkan tahẽkana. Ar uni cetanreko bhorsalen iạte uni do onkoakʼ koejoṅe ańjomletʼ takoa.

Johan 9:22

Uniren go-baba do Jihudi mukhiyạko botorte noa dokin menkeda, ente Jihudi mukhiyạko do laha khongeko goṭa ạguakatʼ tahẽkana je, jãhãege Jisu do Mạsi menteye aṅgoce uni doe biṭlạha ocokʼa.

Johan 3:2

Uni do mitʼ din ńindạ jokhecʼ Jisu ṭhen hecʼkateye menkeda, “E Guru, alele baḍaea am do mitʼṭen cecetʼicʼ leka Isor ṭhen khonem hecʼakana, ente okako hahaṛawakʼ kom kạmikan, ona do Isor soṅgete bae tahẽlen khan okoe hõ ohoe kạmi daṛelea.”

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Genesis 20:11

Abrahame roṛ ruạṛkeda, “Iń doń hudisleda, noa jaegaren hoṛko do Isorre botor bạnukʼtakoa. Onate hoedaṛeakʼa onko do ińren bạhu ńame lạgitʼte ińko gocʼ botejińạ.

Jesaea 57:11

“Okoeyem botoraekante iń ṭhen eṛe katham roṛkeda, ar ińem hiṛińkedeńạ ar bam moneyạń kana? Ḍher din khon hape akae minạńte cetʼ bam botorạń kana?

Genesis 26:7

Menkhan onḍenko hoṛ do tinre acʼren bạhu reakʼko kulikedea unre uni do acʼren misera menteye lạiyatʼkoa. Ente acʼren bạhu mente lạiyako doe botorena; uniye hudiskeda cehra iạte onḍenko hoṛ do Rebeka ńame lạgitʼ acʼko gocʼ botejea.

Genesis 20:2

Onḍe acʼren bạhu Sara do arhõ acʼren misera menteye lạikedea. Ona iạte onḍenicʼ Abimelek raj do hoṛ kolkate Sara acʼ ṭhene ạgukedea.

Daniel 6:23

Unre raj do ạḍiye kusiyena ar ona khandṛaṅ khon Daniel rakabe lạgitʼe hukumkeda. Daniele rakapʼ ocoyen khan uniyakʼ hoṛmore ghạl reakʼ jãhãn cinhạge baṅ ńellena, ente uni do acʼren Isor cetanre bhorsa akane tahẽkana.

Sosolhayic̕ 7:18

Niạ banar sopolhage sapʼ dohoyme, okaṭakʼ hõ alom aṛakʼ giḍikakʼa; okoe hoṛ Isore botorae uni do jãhãnakʼge ạḍi do bae bạ̃ṛtiya.

Kạhtukko 28:25

Laloc menakʼtae hoṛ doe jhogṛakʼa, menkhan okoe Probhu Isorreye bhorsakʼ uni doe jo bahakʼa,

1 Samuel 15:24

Unre Sạul do Sạmuele metadea, “Iń doń kại akada. Ar Probhu Isorakʼ hukum ar amakʼ kathako bạń manao akada. Hoṛko botorte iń do onkoakʼ katha lekageń kạmi akada.

Mathae 15:12

Unre celako hecʼkateko metadea, “Amakʼ noa kathate Phạrusikoko tạkijokʼkan dom baḍae kangea?”

Sereńko 69:29

Iń do duk ar hasoreń paṛao akana; E Isor, am do bańcaoińme baṛe ar onko khon pharakińme.

1 Rapajko 19:3

Noa iạte Eliạ do botor caṛhaoadete jiwi bańcaotae lạgitʼe dạṛkeda. Uni do Jihudạ ṭoṭha reakʼ Ber-sebate seṭerkate acʼren guti do onḍegeye bạgi oṭowadea,

1 Samuel 27:11

Dạud do jãhãe herel hoṛ se maejiu Gatte ạguko lạgitʼ jiwetʼ do bae dohoyetʼko tahẽkana, ente uni doe hudisetʼ tahẽkana, onko do akoakʼ reaṅ sanamakʼ kathako lạiya, Dạud do noakoe kạmi akada mente. Philisṭikoakʼ disạmte hecʼkate Dạud do nonkageye kạmiyetʼ tahẽkana,

1 Samuel 27:1

Dạud do mone monteye hudiskeda, “Iń do Sạulakʼ tirege mitʼdin gujukʼ hoyokʼtińạ, onate Philisṭikoakʼ disạmtege dạṛ pharakokʼ bhage hoyokʼ tińạ. Enḍekhan Israel disạmre uni do ar bae sendra baṛayińạ, ar iń hõ uniyakʼ ti khon rukhiyạń ńama.”

Daniel 3:28

Unre Nebukadnesar doe menkeda, “Sedrok, Mesak ar Abed-negoren Isorakʼge sarhao hoyokʼtae ma, okoe do acʼren serma goḍetko kolkate acʼren gutikoe bańcaoketʼkoa. Noko do uni cetanre biswạskatege rajakʼ hukumko bebataoleda ar akoren Isor chaḍa ar jãhãn debota sewawako bodolte gujukʼ hõ rạjigeko tahẽkana.

Dosar Biboron 1:17

Ar bicạrre okoeyakʼ mẽtʼãhã hõ alope beṅgetʼakʼa ar kạṭicʼ lạṭu sanamkoakʼ kathape ańjomtakoa. Bicạr reakʼ kạmi do Isorakʼkangea; onate okoe manwage alope botorakoa. Ar jãhãṭakʼ bicạr kuṭhingepe bujhạu khan ona do iń ṭhenpe ạguiya, ar iń do onań bicạr chinḍạukatakoa.

Sereńko 91:1

Maraṅ Isorakʼ hirlạre okoye tahenkan uni do sanam daṛeanicʼakʼ umulreye tahẽnkana.

Sereńko 119:117

Sabeńme, enḍekhan iń do rukhiyạń ńama, ar amakʼ ạn ạriko jaogeń manao idiya.

Bikʼcạrko 16:11

Samsone menkeda, “Tisge baṅ beohar akan nonkan barahite jãhãe ińe tolliń khan enḍekhan iń do jãhãe eṭakʼ hoṛko lekań hoyokʼa.”

1 Samuel 21:13

Ona iạte uni tinạkʼ din onko ṭhene tahẽyen unạkʼ din onko samaṅre koṅka lekae bhankeda. Ar tinre uniko sapʼkedea unre uni do koṅka leka duạr reakʼ kapaṭkore ạuṛige dag baṛaeye ehopʼena ar acʼakʼ ulidakʼ do goco cetanre tiṛạ toṛoy joro ocokeda.