Kạhtukko 29:24 - সান্তালী বাইবেল

²⁴ Kombṛo tulucʼ bhag hataoicʼ hoṛ do acʼge acʼren bạiriye hoyokʼa; uni do kiriạ ocolere hõ cetʼge bae sodora.

Kạhtukko 29:24 Referans Kwoze

Levitikus 5:1

“Jãhãe hoṛ apnar ńelakʼ se ańjomakʼ jãhãnakʼ babotre bicạrre goha emokʼ reakʼ ạte ńamlere hõ thir hapegeye tahen enḍekhan uni do kại hoyokʼtaea ar ona behokʼ lạgitʼ uni do dạyireye paṛaokʼa.

Kạhtukko 8:36

Menkhan okoe iń bae ńameńkan uni do acʼgeye bạṛijokʼ kana; ar okoe ińko kurudạńkan onko sanamko do gujukʼko dulạṛa.”

Jesaea 1:23

Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

Kạhtukko 15:32

Okoe hoṛ ḍanṭao bae bạsutakʼ kan uni do apnargeye nihạ̃tokʼa. Menkhan nisṛạu ańjomicʼ do bae hameṭ joṅa.

Mark 11:17

Ado cetʼako jokhecʼ onko hoṛkoe metatʼkoa, “Sostorre cetʼ nonka baṅ ol akana, ‘ińakʼ oṛakʼ do sanam jạtrenko lạgitʼ koejoṅ oṛakʼ ńumogokʼa mente?’ Menkhan ape do ḍạkukoakʼ danderpe hoyoco akada!”

Kạhtukko 6:32

Okoeye laṭghaṭ uni do buj reakʼ okulạn menakʼtaea; uni do acʼtegeye maraokʼ kana.

Bikʼcạrko 17:2

Uni do eṅgattetʼe metadea, “Amakʼ oka gelpe keji bar sae gram rupạ kombṛolentam ar okaṭakʼ lạgitʼ sarap emokʼ iń ańjomletʼme ona do iń ṭhenge menakʼa, ona do ińgeń hataoleda.” Unre uniren eṅgattetʼ doe menkeda, “E beṭa, Probhu Isore bhoramma!”

Kạhtukko 20:2

Rajakʼ raṅgao do dhạcri kulakʼ gondrao leka; uni okoeye raṅgao ocoye uni do acʼakʼ jiwi muskilreye paṛao ocoytaea.

1 Samuel 20:2

Jonathane menkeda, “Tishõ baṅa, aben do baben gocʼ ocokʼa. Ńelben, ạlińren baba do huḍiń ar maraṅ jãhãn kạmige ạliń ạuriye baḍae ocoliń hạbicʼ bae kạmikana. Enḍekhan niạ katha do ạliń ṭhen khon cedakʼe danaṅa? Noa do baṅ hoedaṛeakʼa.”